قلــــم يكتـــــب ألــــــــــم

  • بنت عُمان كتب:



    كل يوم أنزف لك حروف
    وأبكي على سطورك
    وحروفي تحتضر
    ماهو بكيفي يوم الحزن ملبوس
    ولاهو بيدي يوم الوجع
    استوطن أنفاسي
    أبيك بس تعرف سبب حزني وأوجاعي
    وأبيك تشهد يوم الناس تسألني
    وين كنت وكف صرت
    وش سبب أوجاعي
    ومنهو كسر حلمي
    وحطم قيود الحب فيني
    وخلاني بلا عنوان
    أشهد يا زمن ويا كون
    خانني العُرف في حبه
    وخانتني سنين العمر
    أزهرت ورودي فحضنه
    وبدمي سقيت الكأس
    رماني حظي العاثر
    بين العُرف والمنطق
    وجيت أكرر الفعله
    وخابت كل أمالي
    أنا اهواه ياعالم
    مو يوم او شهر او عام
    أنا اهوه إلين الموت ينفضني
    ويجر جسدي للقبر
    وتشهد معي روحي
    يوم الحب عذبني
    وترميني بلا اوطان ولا عنوان ولا مأوى
    دخيلك يامعذبني
    قدرني ولو بسكات
    الحب مو بيدك
    ولاهو ترى بيدي
    الحب ياعمري
    حروف صغار في تابوت الزمن محتار
    يجي صوبك او يجنني
    المهم نكون أحباب
    ما ابي طيفك يخاويني
    أبيك تسكن حنايا الروح
    وتأسر قلبي بيدك
    وتملكني بكل إحساس
    جيتك طالباً قلبك
    وقلبي وقلبك أسياد
    لاتخلي الوقت والنزوه
    تفرقنا فراق أغراب
    أحضني لملمني
    وشتت كل أفكاري
    بس تكفى تعال
    وجمع أحزاني
    وسطرها بلا عنوان
    واحرق كل معانيها
    انا من يوم حبيتك
    تاهت كل عناويني
    وكل ماجيت ابنساك
    اشوف الكون يهددني
    وارجع ابكي على بابك
    دموع العاشق الولهان
    ::
    || بنت عُمان ||
    الأربعاء
    15/01/2014
    10:48 صباحاً


    رحيل أمي أنفاس متقطعة

    107 ﻣﺮﺓ ﻗﺮﺃ