بسم الله الرحمن الرحيم

و احب ان تقرؤوها و هي لشاعر عراقي

كالو طالح .... قلت لهم فلا يرتاح
و ما ترتاح .... لان سديت اذانك من ضميرك صاح
و هي مزنة وثجيلة و عالصف و حالوب.... اريدلهن سكف مصبوب موش الواح
ريح مسودنة و بيها لمعرمرة تطيح...... و انته عويد حلفة منين لك سباح
جان الخير وافر و الغثيث يضيع...... بس من صفى الحاصل شالك المرواح
بالزرع الجثير يشيل شوف العين ..... و النبته الخبيثة تفوت عل الفلاح
ما ترتاح..
منهاج البحر و ابعد علينا الكيش ...... غادرت السفينة و خنت بالملاح
و حشمت العواصف و المطر و الريح..... لذكرت الربة و لا كلت بيها ارواح
صحبت عمر جانت و العمر دربين ..... أشو باول الخطوة و ماي و جهك فاح
بدلت القلوب لجانت تهم بيك ..... بمسامر لواقة و ليل مغنى و راح
ولميت العفن و السكط و الممروض ..... و خاويت الودر و الزفر و اللفاح
و من دارت الدنيه و من زره و ياك الحال ...... غطوا روسهم و الداح منهم داح
ما ترتاح..
خاف ازهك و فيضن و اكشف المستور ...... و افضح من حركت اسرار ما تنباح
ما ترتاح..
لان ندبة بضميرك و الجبيل بخيت ...... و الشارة لتحرقك عمر ما تنزاح
ما ترتاح..
ما طول الشمس كل يوم تلبس ثوب ..... و تلاعب النسمة الرازقي الفواح
ما طول الملح و الخبز بي ناموس ...... و ارواح البشر عند البشر ترتاح

ما ترتـــاح ................ ما ترتاح