[/QUOTE

بكت عليك العيووون وحزن من أجلك القلب وصارت أيامنا لا تأتيها الشمس كلها مئاسي واهات رحمك الله وأبدلك دار القرار... كتبت هذه القصيدة رثاء لصاحبي وصديقي وابن خالي العزيز المرحوم ناصر خلفان المعمري.....(إنا لله وإنا إاليه راجعون)...
] الاثنين 22/8/2005تقاااااادير

الحــزن خيـــّم وفالـحشـا شعـلت النـار= والنفـس ضـاقــت من حبـيبٍ نعــيـته

ناصـــر يا اغلى صاحبٍ بـين الامصار =محـبوب عصــره بالمـوده شـتـريتـه

كنـي بــوهمٍ يـــوم شفـــت الذي صـار= عقــلي مكــذب ليـن جيـــته ونصــيته

الاثنيـن كانـت والعصر فدرب الاخطار= في اثنين وعشرينٍ شهرثامن رويـته

شفت الـرقم تسعتـين في وسطها مــار= ثـلاث وخمســـين رمز (سٍ) رأيـــته

الكامــري صـــبحت اقـــاويل واخــبـار= شاصي تحـطّم وفالأرض باقـي زيـته

بعد التدهور اللـي حصـل صار ماصـار =والكـامـــري نــادت بناصر رمــــيـته

ضـربه اليــمه فــراســه الـدم مــغـزار= وانا رجــاي يعيـــش ليـــته وليــــتـه

مــن بعــد ماشـفــته انا طـحت منـــهار= قلبي توقّف ليـــن راســـي حـنـيـتـــه

بـــس الــمـــقدر مــالــنا فـــيه نـختــار= رحمــاك ربــي سنــــدسٍ به كسيتــه

مكتـوب ناصـر من قصـيرين الاعمــار= زهــــرة شبـابه تقطعت وسـط بيــته

مـن يوم شاف النور من الناس الابـرار= محبوب اهـله مــن فــوادي بــكـــيته

الله اســتــجاب لامــــه وقـــدر اقـــــدار= ما عيـش بعـــده لحظةً لـــو خــذيـته

ماتــت بمـــوته وكنّّها تكــــن الاصـــرار =يرحـمها ربــــي ويغـــفرلها رجـيـته

ايــام راحـــــت تــــسرد بـــكـــل مـــادار =في ســـيرته الحـلوة مـلاكا ســميـته

الطيب ساسه وضحــكته توقـف المــــار =حتــى قلـــوب الـناس قالـت هويـتـه

والنــعـم بالــرجـــال اهــلـــه لـهـم بـــار= نـخــوة تــنــادي فيــه لو ما بــديـتـه

درب الســـعاده والفــــرح عمت الـــدار =وشـلون نغـص الحزن جيــت بتليته

مــرحــوم ياالـــرادار بــوضعك تـذكـــار= فــــي خــافـقي تبـــقى خـيالٍ بــريتـه

احـــلام كــانـت تشــــغلك دوم محـتار =بعضها تحــقـق وشـي منها نسيــــته

كمّل بـدينـــه زوجــةٍ بنـــــت الاحـــرار= هــــذا كمـــال الـدين والله نصـــيـتــه

وعمــره عتمــــرها وبدّل العتم بأنــــوار =مأجـور ومجــازى بخـــير دعـيــتـه

كــله امــــــــــل في دنيته زيـن الاخيـــار =محــظوظ لكـــن فــي النهاية نعيتــه

الله بعـــفـوك جنــــــة الخــــلد تختــــــار= تنجـيه من سخطك بلطفك جزيته

هذا مصـــير الــــحي فالكـــــــون سيــّّار= يحســب حســابه قــبل الله يمـــيتــه

قــــبل الكـفـــــن مايلف ويبكـي لك الجار =وتشـــال فــي لحدٍ ومـــالٍ دعيــتــه
وقبـــل الحـثي عالــوجه بتراب مــــدرار= وقبــل الـملك يســـــأل شلي سعيتـه

مـــايـــفــيد مــــالٍ لا ولاربــع وانصـــار= بس العـمل ان كـان صــالح جنيــتـه

ناصــــر ورب اللي كتم قول واســــرار =غالي ويــــبـقى غالـــيا مـــا رميتـــه

بين الثـــواني طــــــيفه بشــكل ابـــــدار =والعين تـذرف دمـــع لما طـــريتـــه

الكل يكـــــــتب بالـــرثا فيــــه اشعـــــار =يبقى فنبـض القــلب بدمي طريتـــه

يغــــــفر له الرحـــمن وادعوه ملـيـــــار= ريـاض فــي قــبـره وانــــي بــريتــه

ظهــــــــــــــــــــــــــــــــــــــــــراوي

لاإله الا الله وش سوينا محد يرد علينا نزين يوم ما تردوا علينا عاد عشان خاطر حياة المرحوم الرادار سبحان الله ولا رد الا واحد وش جرالكم... ولا القصيدة ما قد المستوى........؟؟؟؟؟؟؟؟؟؟؟!!!!!!!!!!!!!!!! الله يسامحكم.................................






ظهــــــــــــــــــــــــــراوي

مشكورين اخواني على المواساة وادعوا الله ان يسكن المرحوم فسيح جناته ويلهمنا ويلهم ذويه الصبر والسلواااااااااااااااان....

السلام عليكم ورحمة من الله وبركاته

أأأختي العزيزة/ همم... كلماتك راقية ومواساتك صداقة تجولين وتتفننيين بأروع الاقواااااال، تميزك دائما ظاهر وبراااااق....

كل الشكر أختي العزيزة على ما جاد به قلبك... وأتمنى من العلي القدير أن يجمعنا في دااااااااااار الخلد.....

تحيااااااااااااااااااتي ظــــــــــــــــــــــــــــــــهراوي