مرحوم يامن تركنا بعده أيتام **** أختاره الرب في جنته مرحوم
يفداك عمري وتبقى بيننا أيام **** العمر يرخص لجدي وعمري يوم معلوم
ودعت جدي وغمض عينه ونام **** ونام الفرح في عيوني بعد ذا اليوم
يبكيك بشتك عام ورا عام **** وابكيك انا كل عمري يا طيب القوم
مرحوم يامن لسانه ما غدا في الناس نمام **** وان يمه الظيف ما قال انا ياظيف معدوم
الطيب بعدك ما تبا تمشي به أقدام **** والا الكلام بعدكم يطيح ويقوم
جدي بعدك الرمح يصبح ثمام**** والسهم نصله صدا والسيف مثلوم
ما لوم نفسي ولا حسبت من لام **** وانت الذي في حياتك معدي اللوم
جدي سعد ما هقيت الموت هدام **** بنيتك غير لها العلم بعلوم
اعماركم انتهت واعمارنا اعوام **** لا عاد يوم به تفلاقنا ولابيعود من يوم
لكن انا لي ذخر في اخوال واعمام **** يحييون ذكركدهر يوم بعد يوم
ولا يا صقاع تراب العود لاطاك اقدام **** العز تحتك دفن ما يلحقه سوم
احكام رب العباد وانعم بها احكام **** حكمه علينا قضاء محتوم

وسلامتكم
هذي القصيده اهتديتها جدي سعد المتوفي رحمه الله

اشكركم
نديم الوفا
وهمم
على المجامله التي اثلجت قلبي واسعدني الردود المشجعه لهمم والله يقدرني على اصلاح الاخطاء التي تحملها قصائدي
ومشكورين