الأدهم الأسود كتب:

جوه مني كلام و لساني خايف ينطقه
حلم و بيتولد جوايا و مش قادر قلبي يصدقه
ده شكلي حقيقي ... بأعشقه
بلاقي جوايا راحة و هو قدام عنيا ....
و ألاقيني بأدور عليه لما بيغيب عليا ....
معرفش إيه بيحصل لي أو حتى إيه اللي بيا !!
لو حُبه ده حقيقي ... حلم حياتي هأحققه ....
جوه مني بلاقي أسمه محفور ...
ملازم نبضات القلب وواهب له النور ...
بس يا خوفي يطلع ده كله سراب ...
و يرجع لي قلبي من تاني ... مكسور
أتجرحت قبله مرة ... و لسه مأثرة فيا ...
و عمري ضاع مني مع أني حاولت ألحقه ...
بس معرفتش ... لأني مفهمتش ...
أنا أتبعت ليه ؟! ... و ليه فاتتني عنيه !!
جوه مني حاجة بتقولي جرب ...
وأرجع عيش من تاني و حاول منه تقرب
جايز يكون نصيبك ... أن ده يكون حبيبك ..
واللي مكتوب لك أنك ... تعشقه ...
مش عارف أسمع للي جوايا ... وأرجع أآمن لبنات حوا ...
جايز أرجع سعيد ...
ولا أغلب الإحساس ده ......... وأكون أنا الأقوى
وأبعد بقلبي بعيد ...
مش عارف جواب لحيرتي.....
و حتى لو عرفت ...
مش عارف اللي جوه مني ...
أزاي راح أنطقه ...