حلو البنات محشش

    • حلو البنات محشش


      لن نتحدث هنا عن النظام الشيوعي الاشتراكي الساقط
      ولا عن الثغرة الامنية في اراضي السنغال والبحر الابيض المتوسط
      ولن نتحدث عن القبض على صدام حسين ورغبة بوش في زيادة عدد الاصوات للانتخابات المقبلة

      سوف نتحدث عن ويش

      ماأجمل الصحراء

      مساء الخير يا الرجال ويا الحريم يا الشباب ويا الشابات ---- خلص يا اخي

      تعرفون عااااااد اني ما اداني فيتاغورث بس نيوتن شوي اهون
      .. بتقولون لش .. أقولكم ليش .. الرجال كان جالس في الفصل وقاعد سرحان في كأس العالم سأله المدرس أنت ياهيه وش فيك سرحان قال : لا ماسرحان بس افكر من بيشل كأس العالم سنة 2006 بالمناسبة مدرسة نيوتن قديمة لانهم ما بنو لهم مدرسة جديده
      قال المدرس أطلع برع .. طلع نيوتن وراسة للارض ( محترم كان ) المهم نيوتن حتار مايدري وين يروح .. طبعاً الرجال راح وأنسدح تحت الشجرة (شجرة التفاح) ورأسه كان كبير( لانه عالم ) .. رقد الرجال
      وفجأة(.>........ أحلى ياعنصر تشويق

      طاحت التفاحة
      التفاحة تقوول وززززززز (صوتها في الهواء وهي تطيح ) وطاحت على جبهة نيوتن ... صحى نيوتن وهو يخربط بكلمات فهمت منها أنه يقول :
      .. ويحك ياهااازا من الزي قام بحزفي بهزه التفاحة ماقلت لكم ترى نيوتن كان يتابع مسلسلات تاريخية
      الرجال حط التفاحة في يده وقام يتأملها .. يقول وش اللي خلاها تسقط على جبهتي ولم تسقط على الأرض .. لماذا سقطت عمودية ولم تسقط بشكل منحني عشان توخر من جبهتي .. قعد يفكر ويفكر بعمق (حشا بحر هذا عن يغرق بس) بعد هالشئ أكتشف نيوتن أن التفاحة ماطاحت إلا بسبب ودافع وقعد يبحث عن الدافع .. نيوتن قدر يعرف السبب وأكتشف قانون الجاذبية الأرضية ونقش اسمه بماء من ذهب في قائمة العلماء وبقي يذكره اللي في زمنه وكل اللي في الحاضر وسيذكره من في المستقبل .. يعني الفشل في شئ معين قد لا يلغى الأمل ..


      تعرفون عاد وش اللي خلاني أتذكر القصة .. تذكرتها لأني لقيت المغانطيس ولقيت مسمار صغير وقعدت على باب البيت اسوي تجارب .. تعرفون وش اكتشفت ؟ .. اكتشفت أن المسمار الصغير إذا صار بينه وبين المغناطيس مسافة قريبه أنقض عليه بل تشبث فيه !! والمغناطيس متحمل
      أكتشفت أن هناك سبب !! .... ومازلت أبحث في السبب .. ليش المسمار ينجذب نحو المغناطيس وش السبب؟ هل لأنه مغناطيس وبس ؟ أم أن هناك سر للجاذبية بينهما ..إذا هناك سر وش ذا السر ؟ ...
      يعني أنا محتاااار هل أنا مغناطيس أم مسمار ؟ (أشياء غريبة في حياتي تحتاج إلى أن اعيد زمن نيوتن)..



      تجمع العلماء

      في أحد الأيام قرر جميع العلماء لعب ستخبي مكان ما اعرف وش اسمها .... وكان إينشتاين هو الذي يعد .... ذهب الجميع ليختبئوا إلا نيوتن .... رسم في مكان قريب من إينشتاين على الأرض مربع بعرض( م × م واحد ) ووقف في الوسط و عندها أنتهى إينشتاين من العد و فتح عينيه فوجد نيوتن واقف قدامه .... عندها صرخ انشتاين " نيوتن لقد وجدتك أخرج " .... لكن نيوتن نفى هذا قائلا انا لست نيوتن .... فتعجب إينشتاين .... و عندها خرج بقية العلماء و أقنعوه بأن نيوتن ليس نيوتن .... كيف
      كاد أن يجن إنشايتن .. وقال في نفسه هذولا يبون يلحسون مخي
      فقطع صمته نيوتن قائلاً :
      أنا واقف في مربع بمساحه 1 متر مربع وهذا يعني أني ....
      نيوتن/ متر مربع .... وهذا يساوي 1 باسكال .... اذا انا لست نيوتن .... انا باسكال... "ياعيني على باسكال" وياحبي لنيوتن .

      مره رحت مع جدي للعزبه ( يعني فيها بوش ( جمال ) بعضهم ما يعرف نوق) المهم وانا كنت جالس اشوف ذي الناجه وهيه تاكل فستغربت كيف لها اسنان بس في الفك السفلي وليس لها اسنان في الفك العلوي المهم من هذا الروحه صورة بوش جدي كلهن فيديو ولكن وانا اصور اقتربت مني ناجه وجلست اصوره وهيه تريد تاكل التيلفون شكلها الاكترونيه هذه الناجه ( أي احد يريد مقطع الفيديو يدفع 20 ين ياباني )



      خلونا في موضوعنا
      تدرون في يوم من الأيام كنت أفكر .. وفكر .. وفكر ... وطلعت هائماً على وجهي في الصحراء من الفكر ( وقاعد أمشي وانا هائم على وجهي .. هائم بكل معاني الكلمة .. وفجأة وأنا هائم .. وجدت قيس .. قلت له حييتك ( حلوه هذه حييتك) انته وش طلعك من قبرك وايش جابك هنا
      قال: أبدٌ أيها الصبي لقد كنت هنا أهيم منذو مفترة وتحديداً منذو ذاك الزمن حتى زمنكم .. ثم بادرني بالسؤال : وأنت وش عندك فقلت أهيم مثلك ياقيس .. قال قيس : لا تقارن نفسك بي فلقد فقع مرارتي الحب ..
      فقلت له : أنت أي حب تستعمل ترى المملح يرفع الضغط التفت إلي بعين تقطر شرار ( صار ماء) وقال : من أي زمن أنت أيها الفتى؟
      قلت :.انته وش لك تسالني هذي الاسئله
      قال: انته من زمن النيدو (على فكرة قيس ماكان عندهم نيدو في زمنهم كان ينسدح تحت العنز عشان يرضع (
      قلت : مالت على وجهك اللي هايم في حب ليلي رغم أنها ماتت .. بس تبي الصدق .. والله أن ليلى ماعندها ذوق اللي حبتك ..

      شوف ياقيس أنا أبقولك شئ ..وتوعدني يصير سر بيننا .. قال ايوه
      قلت له انته ما عندك سالفه .. جن.. وكاد أن يسقط لو لا أن رحمة الله غمرته .. وسمعني أقول لا تطيح ماعندي بصل..
      وكلمت له واحد يعرف مدرس العلوم عشان ويسوي لنا واسطه و لا يعيد سنه لو سقط علينا مشكله
      فقال لي قيس بإندهاش : هل أنت صادق فيما تقول؟؟
      .. قلت : ومستعد أحلف لك

      طاح قيس من هول المصيبة وتوسخ بالتراب .. وكنت أخفف عنه وطاة ما سمع .
      إلا أنه كان ميت من العطش .. أسرعت لخزان بيتنا ومليت غرشة ماء ورجعت له وقلت .. هل لي بأن تفتح فمك , ( أنوار خافته تدل على الحزن) بدأ يفتح فمه فبدأت أقطر فيه قطرة قطرة .. حتى أرتوى .. طبعاً هو كان يبي ياخذ غرشة الماء بسرعة وأنا اقول أعقل ياولد وخل منك الحركات الصبيانيه لا تذبح عمرك وأكون السبب ..
      بعد
      أن أفاق شكرني وقال : لو أعطيتني الماء دفعة واحده لكنت في عداد الوفيات بس بحوادث السيارات