بسم الله الرحمن الرحيم
نبتدي
اتمنا ان تنال اعجابكم ورضاكم
الله مـن قلـب ٍ يجـره حبـيبه && جر الرشا يوم انتحت به سـوانيه
حبـه بصندوق الضـمايرمصـيبه && ياليت من صــوّب صــويبٍ ٍيـداويه
عـزالله اني كان ابلقى طـبيبه && معي الخبر ماني على الهجس داهيه
قلبي معك يابنت مير العبي به && اليـوم مالي حـاجةٍ يالغـضي فيـه
ماله مطير عنك مير افطني به && بين الجعـود وبين الانهـاد حطـيه
غـديه يبرد يالغضي من لهيبه && من حـر مايوجـس من الـولف كاويه
يامن يودي العلم يامن يجيبه && ولا كـل زول ٍبالـرسـاله نوصـــيه
مانيـب لاقي واحـدٍ ينهـقي به && اللي خـفي العلم ماهــوب يطـريه
أنحب نحيب الورق ماجاب اجيبه && واقـنب كـما ذيب ٍبليل ٍ هـرا فيه
عليك ياراع الهـروج العـجيبه && يابوثمـان ٍكالبـرد بين اشـافـيه
والقرن عـذق مطوحات الرطيبه && اللـي طــويـلات الـذوايب تعــديه
وردوف يطون الثياب اللبيبه && يـشدن لطـعـس زعـج الارياح تنبيه
والخـد قـرطاس بعد ماقريبه && توه جـديد وشـالقـه مـن مـطاويه
وســــــــــلامتكم...
( للشاعر/ حماد بن ابراهيم العمار)
: 
: