الهجر والحقران

    • الهجر والحقران

      الله من قلب على الشوق مغرم
      من هاجس حرق محاني ضلوعي
      عن صاحب قفا وقمت اتالم
      صد وجفاني مايريد الرجوعي
      بالهجر والحقران فيني تعلم
      يسمع كلام مفرقين الجموعي
      قام ايتمادى بالخطا ويتولم
      وانا تنازعني نوازع نزوعي
      امنول عندي عزيز محشم
      ولا زلت في حب الحبيب قنوعي
      الصاحب اللي بالهوى سمني سم
      والقلب يمشي له على كل طوعي
      ياطارشي يوم انت بالحال تعلم
      بلغ حبيبي عن سبايب وجوعي
      قله ترى قربه على الجرح بلسم
      وقله من الفرقا تهامل دموعي
      ترى المحبه تجمع الشمل وتلم
      وقله ترى الفرقا تزيد الفجوعي#h