انقذ نفسك.. وانسف الصناديق السودا!
خليك معايا يا شاب يا معلم يا متعلم.. اوعي ترقص علي السلم وتفرد قلوعك في الغروب وفي الغربة.. بص لنفسك وقولي يا معلم.. اتعلمت ايه بالضبط! والحاجات اللي اتعلمتها يا تري مفيدة ومخلياك راجل بجد وعارف تستغل ظروفك ومواهبك وقدراتك ولا اتعلمت حاجات بتسحبك لتحت لحد بير غويط تحبس فيه نفسك وانت فاكر انك طاير في السما!
أي حد ناجح في الدنيا لازم تكون عنده طاقة دعم.. تلاقيه دايما فرحان بنفسه وفارد دراعاته ومنطلق وأي حد فاشل لا مؤاخذة تلاقيه حابس نفسه جوه صندوق أسود.. شرنقة ضيقة ما لهاش لازمة بس هو لوحده اللي مبسوط جواها.. حياته مملة ورتيبة ومفيش فيها أي تجديد وتلاقيه ما يعرفش أي حاجة عن مواهبه وقدراته ولا قادر يستغلها عشان يكبر.. دايما خايف من المجهول ومش عايز يغامر ولو لحظة.. دايما عنده احساس بالغضب والقرف وقلة الحافز وغياب الطاقة ونقص الابداع وتلاقيه مشوش ومش فاضي غير للتهكم والتريقة علي أي حد ناجح وعنده ملل من كل حاجة وحاسس بالفشل واليأس.
أصحابنا اللي من النوعية دي تلاقيهم عاملين لنفسهم صناديق سودا زي لعبة الصناديق الصيني اللي كل ما تفتح صندوق تلاقي جواه صندوق تاني وهكذا صندوق جواه صندوق جواه صندوق وهلم جرة.
- أول صندوق فيهم هو صندوق اللغة يعني لغته هي هي عمرها ما تتغير تلاقي كل كلامه بيدور في نفس المعني "مش قادر".. "تعبان".. مش طايق.. الحياة صعبة قوي.. ماليش نفس وكده يعني!
- صندوق تاني حابس نفسه جواه هو صندوق التعود علي حاجات معينة ومالوش أي نفس يجرب أي حاجة جديدة.. نفس المبدأ اللي بيقول واللي اعرفه أحسن من اللي ما بعرفوش!
- صندوق ثالث هانسميه صندوق الظروف - طول النهار عمال يلوم ظروفه ومشاكله وفقره وجوز اخته المسجون وابن عمته الحرامي وابوه اللي علي قده ومؤمن جدا ان كل الظروف دي هي اللي معطلاه!
صندوق رابع منتشر دايما هو صندوق شايل كل التوقعات السلبية مليان يأس ومفيش فيه ذرة أمل واحدة.. دايما يقول "عادي.. ايه اللي هايحصل يعني.. مفيش جديد.. عارف ان ده هايحصل!"
صندوق ورا صندوق ويأس ورا يأس وشرنقة ورا شرنقة وتلاقي نفسك تحت والناس كلها بقت فوق.. اخلص قبل فوات الأوان وانسف كل صناديقك السودة قبل ما يبقي الندم زي الدخان مالوش أي لزمة
المصدر مجلة حريتى المصرية
خليك معايا يا شاب يا معلم يا متعلم.. اوعي ترقص علي السلم وتفرد قلوعك في الغروب وفي الغربة.. بص لنفسك وقولي يا معلم.. اتعلمت ايه بالضبط! والحاجات اللي اتعلمتها يا تري مفيدة ومخلياك راجل بجد وعارف تستغل ظروفك ومواهبك وقدراتك ولا اتعلمت حاجات بتسحبك لتحت لحد بير غويط تحبس فيه نفسك وانت فاكر انك طاير في السما!
أي حد ناجح في الدنيا لازم تكون عنده طاقة دعم.. تلاقيه دايما فرحان بنفسه وفارد دراعاته ومنطلق وأي حد فاشل لا مؤاخذة تلاقيه حابس نفسه جوه صندوق أسود.. شرنقة ضيقة ما لهاش لازمة بس هو لوحده اللي مبسوط جواها.. حياته مملة ورتيبة ومفيش فيها أي تجديد وتلاقيه ما يعرفش أي حاجة عن مواهبه وقدراته ولا قادر يستغلها عشان يكبر.. دايما خايف من المجهول ومش عايز يغامر ولو لحظة.. دايما عنده احساس بالغضب والقرف وقلة الحافز وغياب الطاقة ونقص الابداع وتلاقيه مشوش ومش فاضي غير للتهكم والتريقة علي أي حد ناجح وعنده ملل من كل حاجة وحاسس بالفشل واليأس.
أصحابنا اللي من النوعية دي تلاقيهم عاملين لنفسهم صناديق سودا زي لعبة الصناديق الصيني اللي كل ما تفتح صندوق تلاقي جواه صندوق تاني وهكذا صندوق جواه صندوق جواه صندوق وهلم جرة.
- أول صندوق فيهم هو صندوق اللغة يعني لغته هي هي عمرها ما تتغير تلاقي كل كلامه بيدور في نفس المعني "مش قادر".. "تعبان".. مش طايق.. الحياة صعبة قوي.. ماليش نفس وكده يعني!
- صندوق تاني حابس نفسه جواه هو صندوق التعود علي حاجات معينة ومالوش أي نفس يجرب أي حاجة جديدة.. نفس المبدأ اللي بيقول واللي اعرفه أحسن من اللي ما بعرفوش!
- صندوق ثالث هانسميه صندوق الظروف - طول النهار عمال يلوم ظروفه ومشاكله وفقره وجوز اخته المسجون وابن عمته الحرامي وابوه اللي علي قده ومؤمن جدا ان كل الظروف دي هي اللي معطلاه!
صندوق رابع منتشر دايما هو صندوق شايل كل التوقعات السلبية مليان يأس ومفيش فيه ذرة أمل واحدة.. دايما يقول "عادي.. ايه اللي هايحصل يعني.. مفيش جديد.. عارف ان ده هايحصل!"
صندوق ورا صندوق ويأس ورا يأس وشرنقة ورا شرنقة وتلاقي نفسك تحت والناس كلها بقت فوق.. اخلص قبل فوات الأوان وانسف كل صناديقك السودة قبل ما يبقي الندم زي الدخان مالوش أي لزمة
المصدر مجلة حريتى المصرية
: 
: