صباح النور
[B]
يا حلو صبح حجب شمسه ركام خياله
هو صباح النور صدق الله يخلي نوره
فيه باردة النسايم لابدت مختاله
حركت غصن شدا بأحلى الغنا عصفوره
يا عسى يبطي ضياه ولا يشد رحاله
أو يقفي والديار المجدبه ممطوره
لين من يهوى الجمال يطيب الله فاله
وان طراله شعر عز الله يفيض شعوره
وان نظر فالماء والخضره وروق باله
باقي الوجه الحسن ويكمل اجمل صوره
وجه مملوح يتوق القلب لأجل وصاله
الهنا والسعد كله في مشاهد حوره
وخدرة عيونه وخثرة نبرته وجفاله
وابتسامة شفته ونعاسته وغروره
كلها عندي حلا الدنيا بكل اشكاله
وكلن يوصف حلا دنياه من منظوره
وفي عيوني لابد الفاتن وهل هلاله
وانبلج نوره وفاحت فالدروب عطوره
قمت امتع ناظري في روعة الاطلاله
والنواظر لو تكذب ما ترى معذوره
ولا تحدثنا وكلن زاد ملح اقواله
قمت اعجل في كلامي لأجل يبدا دوره
ولا حكا واخجله شوفي زاد باستعجاله
وضيع وخالط كلامه بسمة مكسوره
فالخفوق منزله ومجمل منزاله
والله ليبقى ولا يبدا نهار ظهور
ويوم شفت الماء والخضره ذكرت وصاله
وقمت اخيله فوق وانظر فالسحاب نذوره
[/B]$$f
نفل..
.. في انتظار جديدك وإبداعات قلمك وفكرك.. ولا حرمنا طلتك وتواجدك..
: 
: