السلام عليكم ورحمة الله وبركاته ..

قبل ما أعرض المشكلة .. فقط حبيت ان أسأل أولا إذا كان بالامكان طرح مثل هذه المواضيع ..
واللي واضح محتواها من العنوان ..

فإن كان ذلك جائزا وممكنا بالمنتدى ..
سأعرض المشكلة .. اللي طولت معانا ..

وأتمنى فعلا أن ألقى الحل عندكم ..

ولكم مني فائق الاحترام ..

المعذرة .. أخوكم المتيم ..

اولا اشكرك اخي على ردك علي ..


اما عن المشكلمة .. فأعتذر مقدما عما بمشكلتي من جرأة ..
وعما بها من تعقيد ..

ولكن لولا اني عجزت للآن عن حلها لما فكرت بعرضها لديكم بغية ايجاد من يفيد في حلها وفك عقدتها ..

وبالنسبة لعرض المشكلة فهي كالتالي ..

ان زوجتي .. ممتنعه عني .. أو بالاحرى مصابة بعقدة نفسية من كل ما يخص المجامعة ..
والسبب يرجع بذلك الي .. فقد كنت قد " المعذرة " اغتصبتها قبل الزواج بقصة يطول شرحها وسرد احداثها ..
بلحظة نسيت بها ربي .. بطريقة فعلا بشعه .. وانا نفسي يصيبني الاشمئزاز لمجرد اني اتذكر ذاك اليوم ..
وللعلم .. فأنا تعلقت بها قبل الزواج بمدة ليست بالقصيرة .. وكنت قد اعجبت بها واحببتها ..
ولكن دون ان يكون لها اي علم بذلك ..

والآن مر على زواجنا شهور قليلة .. وهي سامحتني من قلبها بعد ما شافت ندمي وما ارجو ان يكون توبة مقبولة ..
ومرينا من يوم عقدنا بامور كثيرة قربتنا من بعض .. او بالاحرى خفف من الشحنة السلبية اللي كانت بعلاقتنا .. وهي امور يطول شرحها ..
وطبعا شي طبيعي باول الايام اني مافكر حتى مجرد تفكيرباني اتقرب منها خاصة ان نفسيها كانت جد سيئة وماتنلام ابدا ..
خاصة انها احملت مني بعد الاغتصاب .. وزواجنا مارضت عليه الا بعد مااكتشفت حملها .. واضطرت انها تخبر اهلها ..
يعني تزوجنا بعد الحادثة بشهر ونص تقريبا .. والحين مر على زواجنا قريب الاربع شهور ماقدرت اجامعها فيه الى الآن ..
وكانت اول محاولتي معاها بعد مرور اول اسبوع ... وكنا اول مرة نشوف فيه الجنين بالاشعه بهذا اليوم .. واللي اثر فيها بشكل واضح ..
وغير معاملتها معاي فصارت تجاوبني لمن اكلمها وترضا اقعد معاها باوقات الاكل وغيره .. بس ظل الجو المشحون موجود ..
وبعد ماشفت حالها متحسن بهاليوم .. وشهواتي بدت تزيد .. حاولت اتقرب منها "هذا بعد مرور قريب العشرايام من زواجنا " ..
كانت نايمة عالفراش وشكلها سرحانه بموضوع الجنين لأنها كانت تمسح بموضع حملها والسرحان باين عليها ..
وقتها فكرت انها بترضا خاصة ان تعاملها معاي تغير .. حتى انها ماعترضت على اني انام معاها على نفس الفراش ..
تقربت منها وباين انها تفاجأت .. ابتسمتلها وقربت من موضع الجنين اللي كانت حاطة يدها عليه ..
وفعلي ظهر لين وتلقائي معاها ..
قبلت يدها من بعد ما حملته عن موضع الجنين .. وبديت امسح بموضع الجنين واداعبه واكلم الجنين ..
كانت متأثرة ومرتبكة من فعلي .. وهذا شي طبيعي ..
حتى انها ماكانت تنظر لي مباشرة .. وظليت هكذا لفترة ..
لين ماتجرأت وبديت اتقرب منها .. واداعبها بلين ولطف ..
وكان رد فعلها انها ظلت جامده بدون اي اجابة .. وما ببالغ لو قلت اني كنت اسمع دقات قلبها ..
وظليت احاول اكون خفيف معاها .. لكني من قربت منها اكثر شغتها بعدتني عنها بهدوء .. وقامت عن الفراش ..

تضايقت لدرجة كبيرة وقتها .. مو لرد فعلها .. لكن لاني حسيت ان البنت الوحيدة اللي حبيتها تنفر وتخاف مني .. وان كل هذا لاني بلحظة نسيت ربي وأذيت اكثر من حبيت ..
ومالقيت نفسي الا قاعد اقولها " الله يخليكِ حسي فيني .. تخيلي موقفي وانا اشوف اللي حبيتها تكرهني .. ومب طايعه تغفرلي " ..
حسيت بنفس اللحظة اني قلت كلمة ماكان لها اي داعي وممكن تكون ضايقتها .. وفعلا شافتني بنظرة غريبة ودموعها كانت ماليتها .. لكنها كملت دربها واطلعت من دارنا ..

لكني تفاجأت ابها باليوم الثاني " مع اني كنت احاول اكون وكأن ماصارشي " كانت منحرجة بشكل كبير ..
ولقيتها بآخر الليل اهدتني لوحة مؤثرة مكتوب عليها آسفة .." لأن زوجتي رسامه " ..
وقالتلي كلمة لين الحين لازال صداه بقلبي ..
" المتيم آسفة اذا حسستك باني اكرهك .. لكني فعلا ما اكرهك .. وأصلا مامداني اكرهك " وقالتها واهي تبتسم وخجلانه ودموعها بعينها " .. كنا قاعدين عالمفرش وين زاوية الرسم بالبيت ..
نزلت راسها وقالتلي " انا مب من هذا النوع .. لكن الموضوع اقوى مني " .. وسكتت ..
حسين وقتها ان كل شي انحل .. وفعلا .. صارت علاقتنا من اجمل مايمكن ان يكون ..

لكن الشي الوحيد اللي حتى اهي ماكانت تفكر فيه ان بيصيبها عقدة من موضوع الجنس ..
صارت عادي تستجيب لمداعبات خفيفة وقبلات كونها ماتعرضت لمثل هالاشيا بالحادثة ..
لكن مجرد اني اتقرب منها اكثر او نحاول ان ندخل بالمجامعه اشوف حالها ينقلب ..
تظل ضاغطة على اعصابها لربع ساعه كحد اقصى .. وبعدها تبعدني بهدوء او انا ابعد عنها لما اشوف حالتها بدت تزيد وتتعب ..
نبدأ ترجف وتضطرب والخوف يصير عندها بشكل فظيع .. يعني وكأنها ترجع تعيش ذاك اليوم ..
فتبكي بحرارة .. واتم لامة نفسها ,,
مع العلم انها ما تنفر مني كشخص وقتها .. لاني اظلل بقربها احاول اهديها واحضنها وعادي عندها ..
لكن اللي لازالت تخاف منه هو موضوع الجنس ..

والكلام في الموضوع يطول .. لكن مر على زواجنا مثل ماقلت قريب الـ 4 شهور وهي لازالت بنفس الحال ,,
وشي طبيعي ان شهواتي تزيد بمرور الايام خاصة انها من النوع اللي تتزين وتحب تعدل من مظهرها واظن المقصد من كلامي واضح ..
وماقدر الومها لانها فعلا قاعده تحاول .. ورغم الحالة السيئة اللي اتييها مع كل محاولة الا انها لازالت تحاول ..
حتى انها مرات بنفسها تطلب المحاولة ..
مع العلم ان زوجتي من النوع الرقيق والطيب وقلبها صافي .. وبريئة ..
وتحاول كثر ماتقدر انها تعوض علي وفعلا ماتقصر .. لاني فعلا باسعد مايمكن ان يكون ..
لكن احيانا مثل ماقلت شهواتي تزيد .. ويبين علي .. وهذا شي طبيعي ..


المعذرة على الاطالة ..
كما على العجلة في السرد وعلى نوعيته ..
لكني فعلا محتاج للمساعده ..

اختي الكريمه الاشواق ..

صدقا .. أنا غير قادر على أن أكون زوج ..
لأني ماحترمت من بغيتها زوجة قبل أن أعقد عليها ..
وبعده .. لم أستطع حتى أن أشفيها مما هي عليه من داء بسببي ..

أما عن كون الزواج ستر وأنه علي أن أحل مشاكلي الزوجية بنفسي ..
فهو فعلا كذلك ..

لكن الحالة اللي وصلت اليها جد خانقتني ..
أشوفها كل مرة أحاول معاها فيه تنتهي بتعب واضطراب وحالة التعبني نفسيا قبل مالتعبها .. لأني اشوف من حبيت توصل لهذي الحالة بسببي ..
خاصة كونها حامل .. ولازالت تحاول انها تسد لي رغبتي ولو اني ماطلب منها المحاولة بالغالب ..

إما يكون الفعل طبيعي صادر بلحظات نتقرب فيها من بعض ..
أو انها تطلب مني المحاولة لما تشوف مني آثار الرغبة الواضحه ..
واللي ماقدر أتحكم ابها ..

بتقوليل استر .. بقولك انا مش كاشف شخصي ..
بتقوليلي ما يفرق .. بقولك ماعندي حل غيره ..

حتى الطبيب النفسي وديتها له ومن أول جلسة ماقدرت تكمل ..
خاصة كون ان احنا مسافرين ومب ببلادنا .. والعلاج اهني اسلوبة يحرجها وماتقدر تمشي عليه ..

لو المسألة علي وبس لكنت سكت ..
بس التعب اللي اشوفها فيه شي جد مب طبيعي كل ماحاولنا .. يعني تقريبا كل يوم او كل يومين ..

وبعدين الرغبة عندي زايدة ..
كيف ماتزيد وانا اشوفها جدامي طول الوقت وماقدر اتقرب منها ..

اهي مب عارفة عن هذي الخطوة اللي خطيتها ..
لكني قلت يمكن يفيدني احد بكلمة اعرف اتعامل معاها فيه ..
او حتى خطوات لازم اتبعها ممكن تهدي من رد فعلها وتخليها تتقبل موضوع الجنس شوي شوي ..


واذا لازلت تشوفيني غلطان وغيرك ايضا ..
فالساحة ساحتكم واحذفو الموضوع ..

وجل المعذرة على ما طرحت ..

احترامي وأسفي ..
المتيم ..

نسيت أشكر من رد علي بالخاص وحاول يفيدني ..

وربي يجزى من رد بالموضوع والخاص خير الجزاء ..

والسموحة ..

السلام عليكم اختي أم حيدر ..
أشكرك بالبداية على ردك الطيب واهتمامك .. وجعله ربي بميزان حسناتك ..

وبالنسبة لموضوع التوبة .. فالحمدلله .. كنت ولازلت أجدد توبتي راجيا قبولها من الرحمن ..
ولازلت أرجو قربه وفضله ..
كما لازلت اشكره على ما أكرم علي من قلب طيب صافي يعينني على كل خير .. الا وهو قلب زوجتي .. حفظها الرحمن لي دائما .. وعافاها من كل ما يسيئها ..

أما عن موضوع طريقة تعاملي معها والا اضغط عليها ..
فإن شاء الله لا يكون غير ذلك .. وهذا ليس بيدي .. لأن طيبتها ماتخليني اعاملها بغير ذلك ..
جزاها الرحمن كل خير ..

لكن كون اني اقدر انسيها فهو مالا ادري كيف افعله ..
اتعامل معاها بطبيعية واحسان .. وعلاقتنا جد مميزة وطيبة ..
يعني مايعيب العلاقة سوا هذي المشكلة ..
فمثل ماقلت هي تستجيب بشكل طبيعي للمداعبات الخفيفة والقبلات ..
لكن اي امر غيره حصل بذاك اليوم يخوفها .. مع اني احاول كثر ما اقدر اكون لين معاها .. وماتجاوزت الاشيا البسيطة ..
وما اضغط عليها ولا اطلب منها حتى مجرد المحاولة باحيان كثيرة اكون راغب ومشتهي للجماع بدرجة كبيرة ..

مادري .. بس انتو بنات وقلت يمكن تعلموني باشيا أنا مو واخذ بالي منها ..
أو أي متزوج عنده خبره وراي ممكن يفيدني فيه بالخاص كما فعل البعض جزاهم ربي كل خير ..

كما لا اطلب من اي منكم المبادرة للرد واشغال نفسه ..
لكن لو اي منكم ملك الافادة ولقى وقت فضى فيه .. أتمنى انه يفيدني ..
لأن الحالة تزداد سوءا ..

فالبارحة مثلا وهي قاعده تقلب بالقنوات وقفت على شيخ لبرنامج ديني تحبه ..
وبنفس اللحظة كان يرد على واحد من المتصلين بإن حكم الزوجة اللي تمتنع عن زوجها كذا وكذا ..
وجزاءها كذا وكذا .. وانا مانتبهت الا بعد ماافضى الشيخ باللي عنده ..
وقلبت القناة منها بسرعه ..
ومع اني كنت احاول اغير الموضوع لكن اثر كلام الشيخ كان بادي على ملامحها ..
مع ان حالتها اهني غير وماله خص بس ماطاعت تشل الموضوع من بالها ..
وتمت تنزوي بنفسها بغير العادة ..

وتفاجأت فيها تطلب مني اني احاول معاها بيومها .. البارحة ..
عشان نرد نختم بنفس الحالة اللي تصيبها واللي سبق وذكرته ..
لكنها قامت تتعب اكثر لفكرة انها مب قادرة تريحني عقولتها وانها حاسة بالنقص ..
وكافي انها لازالت حاطة ببالها موضوع جزاء الممتنعه اللي مايخص حالتها فيه ..
وكافي السبب الاخير ان يأثر عنفسيتها ..

وكل هذا بسببي ..

السلام عليكم اختي رجاء ..

بالنسبة لموضوع الفتوى وحكم الشرع فليس بموضوعي ولله الحمد أي شيء مخالف لحكمه ..
واثمي العظيم كان لاغتصابي لمن أردتها زوجة .. ومثل ماقلت القصة هنا يطول سردها ..

والاغتصاب لم يسمى كذلك الا لأنه لم يتم برضا الطرف الآخر .. فغصب واجبر عليه ..
ولولا ذلك ماكانت بتظهر هالعقدة والتعب والخوف بها لكل مايخص أمور الجماع والجنس ..

وأنا حالي حال غيري ممن يعمل ويرجو قبول التوبة ..
فكنت منذ فعلتي والى الآن أعمل وأبحث في ذلك .. وبفضله ثم بفضل زوجتي فإني أحسب نفسي أتقرب
من الرحمن والحمد والشكر له ثم لقلب زوجتي ..

وزواجي برحمة ربي ليس بالباطل ولا غيره .. وزوجتي راضية ومسامحتني ..
كما ان لا احد من المشايخ أشار بذلك ..

لكن اختي الكريمة .. سبب امتناع زوجتي .. أو بالاحرى خوفها من المجامعه ليس الا بسبب كونها
تربط مايجري اثناء الجماع بذاك اليوم .. فيصيبها الخوف والاضطراب .. وكأنها تعيش الحادثة مرة ثانية بنفسيتها ..
كما يظهر عليها ذلك بشكل متعب جدا من بكاء ورجف وتنفس متقطع وخوف وارتباك واضحين ..
وهذا يحصل لها اثناء محالولتنا فاضطر اني ابعد عنها لمجرد احساسي بتعبها ..
مع العلم ان محاولاتي معاها لينه وبسيطة .. وماتتجاوز الربع ساعه كما سبق وقلت كحد اقصى ..فهي لا تتحمل اكثر من ذلك ..

لكن الموضوع والحمدلله ليس له دخل بفضله بكونها ماتبيني .. أو انها مب راضية ..
أو حتى كونها تخاف من ان يكون زواجنا باطل ..

وهذا أمر مؤكد منه بحكم المنطق والشرع ..

...

كما سرني ردك واهتمامك للاصلاح والافادة ..
ولك جل الشكر على ذلك ..

وجزى الرحمن خيرا من بعث لي بالخاص من الاخوان ..
فقد أفدت صدقا بما جاء برسائلهم .. ولازلت أحاول وسأظل في ذلك أبحث ..
وسأركز بهذه الفترة على ماجاء برسائل اخواني من اعضاء المنتدى ..

ولكم مني اطب شكر وامتنان ..

احترامي .. المتيم ..

اختي الكريمة رجاء .. واخي الفاضل الحساس ..

يمكن ماكنت واضح واللوم اهني يرجع علي ..
لكن كوني قلت بردي السابق ان زواجي ليس باطلا بحكم المنطق والشرع ..
قصدت به أني لم ولن اقدم على فعل الا وقد اخذت بمشورة وفتوى ليس شيخ واحد ..
انما عدد منهم ..
يعني أنا متأكد من كلامي ..

واختي انا فاهم قصدك .. وحرصك ..
لكني مثل ماقلت قصتي طويلة عريضة وفيها وايد اشيا تجهلونها ..

لكن الحمدلله ..
أحذت براي أكثر من شيخ مو بس بحكم زواجي وتوبتي ..
لكني كنت اسألهم حتى عن أشيا معروفة ومعروف انها تجوز وحلال وبحالتي كذلك ..
لكن يمكن موضوع خوفها إلى الآن من الجنس والجماع عطاني دافع اكبر للسؤال ..

لأني مثل ماقلت كنت ولازلت احاول اداويها ..
واكيد من الاشيا اللي لازم بمر عليها هو موضوع حكم الشرع وراي المشايخ والمفتين ..

وأعيد واقول بقصتي الكثير مما تجهلونه ..
وماخفي منها أكثر مما هو باد ..

لكن موضوع كونه باطل ام لاء فقد تأكدت منه عدة مرات منذ زواجي ..
ولولا ذلك ماكنت بطرح هالموضوع وانا مب مدور على كل الاسباب والحلول ..

كما أرجع واكرر اعتذاري لكم ..

واحترامي الدائم ..
المتيم ..

اختي الكريمه بنت الحور ..

بالعكس في اخوان يجزاهم ربي كل خير أشارو علي بأمور يمكن يحسبونها بسيطه لكنها جد طيبه .. وماكنت مركز عليها ..
وعطتني تحفيز وتفاؤل لأني كنت بحاله ممكن نقول شبه يائس ..
لأن التعب النفسي لما يزيد يأثر على الشخص ويخلي تفكيره سلبي ..
خاصه ومثل ماسبق وذكرت إن شهوتي زايده عن الحد ورغبتي بزوجتي فايقه الوصف ..
لكوني من الاساس ماخذها عن حب ولو كان بطريقه جد غريبه ..
كما إني أشوفها طول الوقت جدامي بكامل زينتها وفتنتها ولا أقدر أشبع رغبتي فيها .. مع تكرار محاولاتنا ..

بظل أبحث بحل المشكله أكثروأكثر مع بقاء اهتمامي براي اخواني بالمنتدى ..
وبرنامج الدكتوره فوزية أعرفه لكني أشوف عرضي المشكله بهذه الطريقه غير مناسب ..

أكرر شكري لكِ اختي .. واحترامي لكِ ..
أخوج المتيم ..

أخوي الكريم DN7782 ..

نعم .. لا حول ولا قوة إلا بالله ..
فذنبي عظيم .. وأنا نفسي لا أكاد أسامح نفسي على ما سببت من أذى لزوجتي قبل الزواج ..
ولا أكاد أنسى حالتها بعده .. واللي لازلت أشوفه بكل محاوله لي معها ..

أخي ..
سأظل أستغفر .. وأظل أجدد توبتي .. وأظل أدعو الرحمن لقبولها ..
وليداوي لي زوجتي .. ويحفظ المولود المنتظر ويجعله بفضله ذات أثر طيب في نفسيتها وشفاءها ..

كما أرجو أن يرزقني الصبر على البلاء اللي يزيد من مرارته علي بكل لحظة ..

فهي لاتزال كذلك .. وأرجو أن أكون لها الدواء .. كما كنت لها الداء بيوم نسيت فيه ربي ..

وعساه يتوب علي ..


أخي الكريم ..
احترامي وتقديري لك .. ولكل من بعث لي بالخاص من الاخوان ..
وجعله ربي بميزان حسناتكم ..

والسموحة منكم جميعا ..

اختي الكريمه luz ..

سرني جدا مرورك ورأيك .. وقد قرأته بمجرد كتابتك له .. وبدأت بتطبقيه مباشره كما فعلت بمشورة من سبق ..

مع تغيير ببعض الاشيا ولكني بالامس وانا قاعد اتودد لها واداعبها " المداعبات اللي ماتضايقها " ..
فتحت معاها موضوع الجولة واني حاب ان نغير جو .. والخ ..

واهي استانست .. وحبت الفكره .. وانا الحين ارد عليكم من الفندق اللي قاعدين فيه ..
بس ماببدأ بالموضوع الحينه .. وبطول المدة اكثر يعني بوسعها لاسبوع او عشر واذا تطلب اكثر ..
لأن الموضوع جدا مأثر على نفسيتي .. ومتعبها ايضا .. فحابب اني اكرس وقتي لحله ..
وانا الحمدلله بديت احس بتجاوب اكبر منها لمداعباتي لها .. كما اني راغب جدا ان مانرجع من هالطلعه الا واهي شافيه باذن الله ..
مع العلم ان لازال حدي معاها يقتصر عالقبلات والمداعبات اللي ماتجاوز الوجه والرقبه ..
فلم اتمكن الى الان من التخفيف من خوفها لمجرد ان يمس بدني لبدنها ..
لكني والحمدلله .. حسيتها والله اعلم احسن عن قبل .. وفعلا حاسس ان هالطلعه بيكون لها اثر طيب عليها ..

وان شاء الله تفك عقدتها واضطرابها من الجنس .. لأني صدق يوم عن يوم اتعب بزياده ..
ويزيد اكثر لما اشوف حالتها تدهور وتتعب ..

أما الان فوقتي جدا ضيق فأنا مشغول بها .. وان شاء الله برد أحط رد ثاني قريب ..
لكن الاكيد ان ردج جدا عجبني وسعدت باهتمامك اختي ..

ولازلت اركز على موضوع المداعبات حاليا .. وسأبدأ باذن الرحمن الأخذ بما أشرت باختلافات بسيطه ..

كما لي استفسار سأطرحه برد تالي ..

ولكي مني فائق الاحترام ..


المعذرة ..
وجل امتناني على الاهتمام ..

ملاحظة / الموقع مميز جدا وقد عرضته عليها وهي الان جالسه تتصفحه .. فجل الشكر لك على طرحه

اختي الكريمه شظايا السعاده ..

بداية شكرا على دعواتك الطيبة .. وباذن الله الحال يتحسن وتفك عقدتها وخوفها من الجنس ..
أما عن موضوع حكم زواجي .. فكما قلت ماخفي من القصة اكبر مما هو باد .. وكنت قد ذكرت سابقا
بأني متأكد من ان زواجي ليس بالباطل وغيره .. وهذي مش فتوى لشيخ .. انما مشايخ معروفين ..
وكلهم اجابوني بنفس الرد .. وتسلمين على حرصك ..

وبالنسبة لتعليقج على رد اختج فهو فعلا رد طيب منها ومنج .. وكما قلت بأني بدأت بتطبيقه باختلاف ببعض الامور ..
يعني ما حاولت معاها باول اليوم " البارحه " وبكون طبيعي يعني مثل ماكنت .. لكن اركز عالاشيا اللي ذكرتوها لي ..
وطبعا اي محاولة مني الحين تكون آتية بعد أمور كثيرة قمت ابها منذ زواجي ..
وهي متحسنه عن قبل طبعا لكن تحسنها بطيء جدا جدا جدا ..
يعني خلال هالخمس شهور تقريبا ماقدرت اوصل لغير القبل والمداعبات الخفيفة واللي سبق وذكرتها ..

وبالعكس ردودكم كلها تفيدني واي نقاش تشوفونا بسيط اعتبره طيب اخذ منه كل مفيد باذن الله ..
وأكرر شكري لج اختي ..


..............


اختي الكريمة اصيل ..

حبي لها مب بسيط ومستحيل ماتكون حاسة فيه .. يعني شي لا يوصف ..
ويمكن موقفها الطيب معاي اهو اللي زاد من حبي لها .. كما أشكر لج كلامج الجميل واحساسج الصادق ..
والحمدلله انا مطمن من ناحية انها مب شاله بخاطرها علي من خلال امور كثيرة حصلت ..
والمشكله هذي ماهي الا رد فعل طبيعي لفعل جد قبيح مني .. وهذا كلام الطبيب النفسي ايضا اذ ان بمخيلتها ذكرى لفعل مؤلم نفسيا وجسديا مرت فيه ..
وبكل محاولة وفعل مشابه للي حصلها يربكها ويخوفها .. وتصير حالتها مضطربه كما سبق وذكرت ..
يعني تصير كأنها ترد تعيش ذاك اليوم .. دون ان يكون لفعلها اي علاقه بمشاعر سلبية اتجاهي ..
فهي ليست كذلك والحمدلله ..

وتسلمين على الدعوه الطيبه اختي ..

اخي الكريم ذيب صحار ..
وعليكم السلام ورحمة الله وبركات ..

بداية اشكرك على هذا الرد الطيب والاهتمام الصادق منك اخي ..
وبالنسبة لموضوع السفرة واختيارك لماليزيا . فانا فعلا سافرت معها لماليزيا وكانت لظروف عملي اللي وافقت عليها فقط لرغبتي باتخاذها فرصة للتقرب منها اكثر..
يعني الحين احنا راجعين من شهر وقضينا بها مدة جد طويلة .. واللي أتت فعلا بنواتج طيبة ..
فكما قلت أصبحت علاقتنا على أجمل مايمكن أن يكون .. يعني متميزة من جميع النواحي لولا هذي المشكلة اللي لازالت عالقة ..
مع انها تحسنت كثيرا .. يعني كانت بالبداية واصله الحالة معها لدرجة انها ما تقدر تنام عالفراش لما تشوفني نمت جنبها تخاف وتبعد وممكن تظهر من الحجره ..
فكنت اضطر اني انام بغرفة ثانية او عالاريكة بنفس الحجره ..
لأن اغتصابي لها كان عالفراش .. ومثل ما قلت قصتي يطول شرحها ..
لكنها الحين تستجيب وبشغف ايضا للقبلات والمداعبات .. حتى انه يصدر منها احيانا ..
لكن بحدود .. فهي لم تقدر الى الآن ان تشعر بسكون نفسي باقتراب جسدي لجسدها .. بالعكس تبدأ تضطرب لمجرد ذلك .. وكما ذكرت فهي فعلا من الصنف الخجول ..
والحالة سبق وذكرتها ..

أما عن الأمور اللي ممكن اعملها وانزهها فانا الآن أقوم بذلك ولكن بدبي فهي معروفة بالامور المختلفه واماكن التسلبة ..
والالعاب اللي تحدثت عنها بحطها ضمن الامور اللي بعملها باذن الرحمن ..وهي فكره جدا طيبه ..
وباخذ رايك بعين الاعتبار فيما يخص طريقة تعاملي معها واحساسها بالامان وكيفية التقرب منها ..
ومثل ماقلت برد سابق فأنا الآن أرد من الفندق وقبل قليل رجعنا من جولة جدا كانت ممتعه ..
وهي الآن امامي تتحدث اثناء ترتيبها لاغراض ابتعناها وتنظر الي بالحب البادي كعادتها بعينها ..
دون أن تدرك بما أقوم به الآن في سبيل شفائها .. وان شاء الله بعد هالرد بروح آخذ واعطي معاها كما أحب وتحب دائما ..
وعساها تتقبل مداعباتي بشكل أكبر واجرأ كما وصفت ..

وأكرر جل شكري وامتناني لك لردك ورأيك الطيب ..


...........

أخي الكريم AL-SUMRI044445 ..

شكرا لمرورك واحساسك الطيب .. وان شاء الله كنت ولازلت آخذ بكل الآراء ..
وان شاء الله ما أخطيء بأمر ..

وبفضل الله تشفى زوجتي بأقرب وقت ..
لأن فعلا صعب جدا .. ان يكون الرجل بمثل حالتي .. تعب غريب ولا يوصف بالكلام ..
يعني تشوف زوجتك طول الوقت جدامك بكامل مفاتنها واهتمامها كما اراها امامي الآن ..
دون ان تقدر على قربها واشباع رغبتك فيها ..
خاصة لوجود حب لم ولن يمكنني وصفه .. لانسانه اطيب وأزكى منها لم ارى ..

ولا يغفر ويشفي سوى الرحمن جل جلاله ..

كما أكرر شكري لك ..

واحترامي لكم جميعا ..