الســـلام عليـــكم و رحــمة الله و بــركاتــه
أرقـــى التحيـــات لأحــلى أعضــاء
حبيـــت أنقل لكم موضــوع شــامل للشـاعر الشيــخ حمــدان بـن راشـد آل مكتــوم
البطاقه الشخصية للشيخ حمدان بن محمد بن راشد آل مكتوم...
الاسم: حمدان بن محمد بن راشد آل مكتوم
اللقب : فزاع
تاريخ الميلاد: 1982\11\13
البرج: العقرب
الشخصية: مرح و متواضع
الهوايات: الشعر- ركوب الخيل- القنص- البلياردو- البولينغ- كرة القدم
المهنه:رئيس نادي الاهلي ورئيس مؤسسه محمد بن راشد لمشاريع الشباب و رئيس مجلس إدارة بنك دبي الوطني
ترتيبه بين اخوته : لخامس
اخوانه بالترتيب :منال- حصه- راشد- ميثاء- حمدان- مكتوم- أحمد- مايد- سعيد- لطيفة- منصور- مريم- شيخة- فاطمة- سلامه- شمه
دراساته : درس بمدرسة راشد الخاصة للبنين في الثانوية ثم التحق بجامعة سانت هيرز(العسكرية)في بريطانيا
أفضل المطربات لديه: أصالة والمرحومة ذكرى
افضل قصيدة لديه: لمني
المكان المفضل لديه: ربوع دبي وافي سنتر , السينما ، لندن بالصيف
في السباقات: يحمل الرقم 3
تصنيفه بين الفرسان: المصنف الاول عالميا
انجازاته:
1- في 7 اغسطس 1999 حل سموه بالمركز الثاني في سباق لينزبيرج للقدرة بسويسرا...
2- في التاسع من يوليو 2000 تمكن سموه من انتزاع سباق تاترسالز للقدرة بنيوماركت لمسافة 140 كلم...
3- في 26 يوليو 2000 تمكن سموه على صهوة " كريتال فلاير" بالمركز الثاني في السباق لكاس ال مكتوم بايرلندا لمسافة200 كلم...
4- في 29 سبتمبر عام 2001 تمكن سموه في بطولة اوروبا المفتوحة للقدرة لمسافة 160 كلم بمنطقة بروجيا الايطالية من انتزاع الميدالية الذهبية في مسابقة الفردي بعد ان احتل المركز الثاني...
5- في الثامن من سبتمبر تمكن من انتزاع ذهبية العالم للشباب في مسابقة الفردي...
6- في 19 مايو 2002 حل سموه بالمركز الثاني في بطولة بونشستاون للقدرة لمسافة 120 كلم..
7- لستهل سموه مشاركيه على الساحة الاوروبية في صيف 2002 بانتزاع لقب كاس الملك باسبانيا...
8- في 14 اغسطس 2002 توج سموه بطلا لبطولة كاس ال مكتوم للقدرةلمسافة120كلم...
9-في 29 يونيو 2002 تمكن من انتزاع لقب بطولة فياكستين للقدرة باسبانيا مسترزط لمسافة 120كلم...
10-استهل سموه مشاركته على الساحة الاوروبية في 27 يونيو الماضي بانتزاع لقب سباف القدرة لمسافة 160كلم بنيوماركت...
11- ضمن فعاليات بطولة العالم السابعة للقدرة في ديسمبر 1998 تم تتويج سموه بطلا للموسم المحلي لسباقات القدرة (97/98) وذلك تقديرا لانجازاته المتميزة خلال الموسم و التي من ابرزها فوزه بسباق عمالقة الصحراء الثامن للقدرة لمسافة 120كلم...
12- تم تتويجه كافضل فارس بعد ان تصدر التصنيف العالمي لفرسان القدرة للعام 2000...
13- في انجاز تاريخي وغير مسبوق على مستوى العام 2002 سجل سموه فوزا مستحقا ببطولة راشد بن حمدان ال مكتوم للقدرة لمسافة120كلم وعاد في اليوم نفسه ليسجل انجازا تاريخيا في سباقات السرعة منتزعا الفوز بجائزة نادي دبي لسباق الخيل للفرسان الهواة بند الشباب...</span>
أجمـــــــل مـــــــا كتـــــــب فــــــــزاع !!! قـــصـــ 106ـــيـــدة
خلاص يعني
خلاص يعني كل شَيّ انتهى وراح خلاص يعني ما بقينا حبايب
يعني وعودك كلها كانت مْزاح والاّ انت ما لك في المحبّه رغايب
وين العهود ووين لحظات الافراح يعني تلاشت مع هبوب الهبايب
القلب بعدك من له اليوم يرتاح من بعد ما هو في محبّتْك ذايب
ياما على شانك تحمّلت الاجراح وياما جروحي من صدودك عطايب
سرقتني عن جملة الناس يا صاح والفكر عندك ماخذنّه نهايب
خِلّك يحبّك يا بَعَدْ سِيْد المْلاح إن رحت عنّه راودنّه مصايب
خَلّك معه دام الهوى حيل نضّاح والواش رِدّه يا هوى البال خايب
أنا في الشعر..
أنا في الشعر ابن هذاك إذا إنته تعَرْف الشعر أهيجْ في البحور أمواج، أمشّيها على كيفي
واقول لك لا تجاريني ترى أمشي بدربٍ وعر واذا تبغي تجاريني ترى لك صامدٍ سيفي
ولا تضمن تحوز النصر وانا بحرٍ وانته نهر واذا عارضت تيّاري تبرّى موجي وْسِيْفي
وكم من واحدٍ غيرك تعرّض لي وجاه الكسر ودارت به هبوب رْيَاح في أقوى عواصيفي
تهاجم سايل الأقلام وسطرٍ ما يهزّه سطر وإنته وينها افكارك عن بْيوتي وْتهديفي
تبا روس العلا وانته تحوّل في طريقك حدر تحاول بس ما تِقْدَرْ بأن توصل مشاريفي
نجوم الليل ماتنوِرْ إذا بيّن شعاع البدر وش اللي يجمع الوسمي على سحب ورْعد صيفي
تشوف الجاذبيّه لي في هالدنيا تجرّك جر أنا عكسه أفرّك وين ما أبغي على كيفي
صبري ملّني
لِمِّني في مَحْجَر عْيونك حبيبي وخلّني خلّني آشوف نفسي في عيونك واطمئن
دامِك إن سَلْهَمْت بالرمش الظليل تْفِلّني (لعنبو) ذا الرمش كيف انّي من اسبابه أجِن
حبّك اللِّي تَلّ قلبي من بَعَدْ ما تَلّني صِدْق أنا ميّت بحبّك كانها عيونك كَفَن
إجْمَعْ اللِّي باقيٍ منّي شتات ودلّني شوفني ذاك الغريب اللي يدوّر عن وطن
صَدّك اللي هَدّ حيلي والجفا لي علّني ليه قلبين المحبّه بالمحبّه ما الْتِقَن
قلت ابـ اصبر والصَبِر من زود صبري ملّني وقلت ابـ انسى واثر طيفك صار له عقلي سجن
ضاعت دْروب المحبّه والحزن ما ضلّني يا حسافه ذي الليالي.. ذي الليالي ما انصفَنْ
لا تهلّ دْموع من عينك أخاف تْهِلّني خايف أطْلَعْ من عيونك لا من فْـ يومٍ بكن
مستحيل أنساك
مستحيل أنساك هذا مستحيل مستحيل أنساك والله للأَبَدْ
من يعاشِرْ شخص مثلك ما يميل لا ولا ينوي على غيرك أحَدْ
يا جميلٍ في جميلٍ في جميل يا فريد اللون في جيدٍ وْخَد
ترتسِمْ في وجنتك شمس الأصيل وجمرتينٍ بينهن صَفّ الَبَردْ
والعيون الدعج والرمش الظليل ونور وجهك منّهن نور اسْتِمَد
تهت في حبّك مثل تُوْه الضليل وزادت جْروح الَحَشا جْروحٍ جِدَدْ
ولا ولا عن حبّك أرضى بالبديل وْكَنّ باقي الخود تكمالة عدَدْ
لي يسير الدرب يوصَلْ لو طويل أو مِثِلْ ما قِيْل من (جَدَّ وَجَدْ)
عَوّضوك بْغيابي
عَوّضوك ْبغيابي لا تقول انّي َوحَشْتك لا تجاملْ دخيلك في شعور يْعَنيني
بَسّ يكفي كفايه لا تمادى عَرَفْتك خَاين الحب مَا له في فوادي حَنيني
إنت ياللي بعيني حِلْم عمري رسَمْتك وكيف تجرح خفوق يعشقك من سنيني
أحسبه زاد حبّي في غيابي وْحسَبْتك ما تجاهَلْ وِدَادٍ كان بينك وْبيني
كَم سَهَرت الليالي وكم ليله سَهَرْتك وكم ليله خَيَالك نام في وسط عيني
وكم قل لي دخيلك كم ليل اْنتظَرتك كم قل لي تِفَضّل، كم صَدّك يجيني
كنت تجري بْدَمّي لا نزَفْته نزَفْتك كنت ساكن خيالي، داخلي مِحتويني
من كتَبْ الحروف الأبجديّه كتبتك "لامَه" إن كان تبغي أوَّلْ الحرف "سيني"
ثلاث أيّام
ثلاث ايّام مرّن في حياتي غير ثلاث ايّام عشت الحبّ واغليتك
ثلاث ايّام واتهجّى كلام الطير كلام أعْذَبْ من اعْذبْ من تفدّيتك
رسالة حبّ شاهدْها غلا وْتعمير على فْوادي تربَّعْ واسْكنْ فْـ بيتك
أقول إشْ قد انا عطشان وانت البير دَلو فكري نَضَحْ من كلمتي ليتك
أقول الـ(ما يصير) لْعينك انت يْصير ولو حتى بْثرّيا الكون حطّيتك
حبيبي والغلا صوره بلا تصوير صوَرْها بكل رَمشة عين أنا ريتك
حبيبي والعطا يحتاج للتقدير إذا صرّحت أنا اللي حّيك وْمَيْتك
ثلاث ايّام مرّن في حياتي غير ثلاث اّيام عشْت الحب واغليتك
ثلاث ايّام لكن ما ادري شِ التفسير بس.. ادري من ثلاث ايّام حبّيتك
تحلا بعيني
يا مشعل القلب تكفي خفّف شويّه القلب من كثر صدّك ويلي لْحاله
دامه يحبّك ولا له غيرك بْغيّه وش له تحطّه بدنيا الهمّ وتْناله
انته حبيبي لقلبي نوره وْضيّه تحلا بعيني وقلبي صِرْت تحلا له
وانته ربيع الخفوق وْشمسه وْفَيّه وان حبّ غيرك خفوقي باقطع وْصاله
ما اريد بك حَدٍّ وْلو هو كان حوريّه إنته مهَدّي الغرام وانت زلزاله
للموت انا لك حبيبي صورةٍ حيّه ميّت بحبك وحبّك صِرْت انا اسعى له
يا بو عيونٍ مثِل عين الدمانيّه حورا هَدَبْها مظلّ ودعْج قتّاله
كاسِنّك الحِسْن واوصافك خياليّه ومن راد يوصف جمالك أيتهيّا له
ثمــــار الهـــــوى
ليــتك معي يوم الهـوى نود نسناس من الــفرح والله ما تـدمـــع العـــــــين
نــاس على تعذيب ناس لهـم نـــاس وهــذا الهـوى ياخـــذ قــلـوب المحبين
لكن لا يطري على بـــالك الـــــيـاس ذوق الهــوى دامـك تعيش العمـر حـين
خذ من عطر ورد مع طيب الانفـاس واقطف من اثمار الهوى في البساتين
خلك مع حلو اللما عـذب الالعــــاس الجـــادل اللــــي فايــــق بكـــــل تكوين
لا تحط نفسك بين وعـرات الاطعاس وافهــــم بــأن الحــب عـذب مــلاييـــن
الحــب مــرجع للمحبـيـن واحسـاس والحب هـو فـي قـلب الاحـباب نوعين
ع كيف ما تبغي لك تـدق الاجــراس والشـــــاطر اللي يمـــلك الحب بيدين
قدّها وقدود
صدق من قال يا محمــد بأنـك سيـف ما تنصــد مـرواتـّك علم خفـاق وفيـك المرجـله والجـود
يا بن راشد وابو راشد بنيـت امجــاد لك تشهـد تجـف أقـــلامي بمـدحـك,يحير العـد بالمعـدود
إذا مــنـك بغيـت الشــــي فــلا عنـه مــرد وبــد تطـول اللي تقـوله عـــز وانتـه قــدها وقــدود
أشــوف النجم ذاك بعيـد,و أنت من النجـم أبعـد ألا يا حظ أبو من هـو تكـون انته معه موجـود
إذا اسمــك يجي في الشعر يزيـد البحر مده مد يزيد الشعر في الشاعر تجيه أبيات دون حدود
مروض جامحات الخيل,مهدي المـوقف المشتد مفـرج كـربة المظلوم,وشـوق الفاتنات الخـود
أحـــد مثلك أنـا ما القى رجـل مثلك أبـد مـا حـد على شعبه سطـع نوره مثل بـدر اليالي السـود
أنــا لاجـلك كتبت الشعـر وفضلك سيــدي ممتد على طـول المـدى نبقى لشورك طايعين جنـود
فخر الأجيال
على وصف الرجال اللي تسمّى بالفعال رجال ....لفت بيض العلوم وبيّض الله وجه راعيها
لفت ما كنّها الاّ سبّق الخيل ان بدت تختال....نواصيها النعوت وفي مناكبها.. قوافيها
قصايد والقصايد ما نساومها بجاه وْمال…نعبّ بحورها وان هاج مزملها نرسّيها
إذا امتدّ الفكر وامتدّ ليلي والقصيد وطال….توشّحت الشوارد ولبست الاشعار غاليها
كذب من قال ساعَفني عليها الجن يوم تقال….أنا البس جنّها واصدر مواردها واروّيها
أنا وْلا فخر نجل الشامخ المتمرّس الريبال…على وصفه تجاريني القصايد قبل اجاريها
على (محمد إبن راشد إبن مكتوم) طاب الفال….وطابت لي قبل لا الزم قوافيها.. معانيها
متى قالوا صواريها المعاني.. ما هناك اشكال…حرام انّي لمدّ شراعها لأكبر صواريها
على اكبر منبر ارميها ثنا وْعز وْفخر واجلال…ما دام ان الثنا لأهله.. على اكبر منبر ارميها
لاجل قرمٍ غرس حلمه لشعبه واثمرت الآمال…حقايق نبصر اوّلها.. ونتباشر بتاليها
حقايق واضحه من دون ابو راشد صعب تنطال…تباركها القلوب وتبهر الناظر مغانيها
مغانيها تراود كل عطرٍ ما خطر ع البال….واراضيها يراود كل عاشق فوع ناديها
أراضيها الخزاما والنفل والبختري والهال…وما يخطر على بال العطر يزخر باراضيها
ولي فيها محب أسرف على قلبي وحط وشال…طلب روحي وروحي منه فيها اللي يكفّيها
من اوّل ما عرفته والضلوع تجرّ له موّال…ولا ادري نيّته بضلوع صدري وش تواليها
أنا محتار ما بينه وبين (دبي) بالمثقال…يا أمّا (دبي) له تحلا أو انّه لي محلّيها
أو انّ (دبي) تحلا لان أبو راشد لها خيّال….نعم والله وتسبق خيلها من سبق واليها
(دبي) العِز من طيب النسايم عودها ميّال….تمسّي صاحب القدر ونحن باسمه نمسّيها
صدى داره بشرق وغرب وجنوب التقى وشمال…قبض الاربع جهات يلين داره ذاع طاريها
طغى عزمه على وعر الدروب وله غدت مسيال…تسيل الأرض لاقدامه وتفخر من مواطيها
غريبه كيف جادت به سنينه والسنين بخال؟….والاغرب كيف تضما له وهو بالجود يسقيها؟
لو ان المجد سهل ان كان كلٍ طال منه وْنال…..دروب المجد ودروب العلا صعبه مراقيها
طويل العمر ما جيت اعتزي في وصفك الأمثال…ولكن المثايل تعتزيني بك.. والبّيها
يابوي ابشر ترى شبلك توارت عن مداه اشبال….وثب فوق الدروب وسابقت رجله خطاويها
ورث عزمك وحزمك والخصال تجرّ طيب خصال.....مواثيقه على طرق المكارم بك يجدّيها
إذا شدّ الفخر لاجلك رحاله قمت اشدّ رحال…على نهجك.. عشان افرد رحاله وارجع اطويها
واذا قالوا: من ادرى بالحصابي والوزون ثقال….عرفت ان الوزون ثقال وانت ادرى بْحصابيها
على الدنيا جدال الاّ انت والله ما عليك جدال….مع ان إيدك يجادل كل وادي سيل واديها
لو ان السحب تنشا من كفوف امست عليك ظلال…وخرّت ساجده لاهل الثرى من جود منشيها
مكارمك المكارم والعطايا من بحرك جزال…لو ان السفن تجري في يمينك ضاع شاطيها
يمينك كم لاحت وابرقت وابطت وهي تنهال…..ولا والله تدري عن يسارك كم معاطيها
وكم رجلٍ بصدره حاجه وجاك وقبل لا يسال…عطيته.. كنّك ادرى بالصدور وْسرّ خافيها
وكم حلمٍ سبقته.. كان في عين الزمان محال….تقول المقبلات افضل عليك اسرار باريها
يقولون اختصرت اجيال واقول انته فخر الاجيال…إذا الأجيال بك ما تفتخر.. من يفتخر فيها؟!
القضا بالقضا
لا تحاول تعيد بدمعتك ما مضـى ما تداوي دموعك جرح طول البعاد
إنتهى الحب يا اللى بيننا وانقضـى ولا بقى لك بقلبي غير ذكرى وداد
كنت أجيك بْخفوقٍ فيه حبّ ورضا وكنت انته حبيبي غايتي والمـراد
وكنت أشوفك حياتي جوّها والفضا وكنت يومٍ تغيب آموت هَمّ وْ نكاد
بس خِذْها بْصَراحه القضا بالقضـا ذوق كاسٍ شربته منْك اسمه عنـاد
يرفض القلب مثلك به ودادٍ حظـى دامه انسان مثلك قطعةٍ من جمـاد
ما تعيش المشاعر في خفوقٍ فضى كيف تبني ودادٍ له عنـادك عمـاد
يا فقير المشاعر، يا شتات الشظـا المحبّه بوادي، وانـت والله بـواد
أحلى زعل
جيب بزعل عليك .. وناوي بالخصام كل ما في خفوقي .. بس ازعل عليك
يعني روّح واروّح .. واسري ليل الظلام بس من يوم شفتك .. قلت برضا عليك
خل روحي بروحك .. هذا اغلى وسام خل عيني بعينك .. خل ايدي بديك
ياشروق المحبه .. يا شموع الغرام يا ورود بحياتي عطرها يهتديك
سلم برمش عينك .. هالتغلي حرام ما تموت المشاعر .. دامني احتويك
انطبع في خفوقي اسمك بحرف لام وفي عيوني عشقتك بحياتي ابيك
دامك بوسط عيني .. كيف عيني تنام ودامك بنبض قلبي .. كيف ما افتديك
مد لي كف وصلك .. قولها بحترام موت احبك واحبك .. موت انا اموت فيك
عاد تبغي الصراحه .. ما تويت الخصام هذا قلبي يحاسب .. كل خطوة اليك
اقترب لك حبيبي بالغلى والسلام يا حبيبي بصراحه .. حلوه غمضه عنيك
قلب صادق
لا تقول الحب في القلبين مات هذا توّ الحب كيف انّه يموت
ولا تقول ان الشِّعْرِ ليل امنيات وانت توزِنْ بيت وتكسِّر بيوت
الشِّعْرِ نبض القلوب الصادقات كم رفعنا به على طاريك صوت
لا تخلّينا على بحر السكات الكلام أحيان أفضل مِ السكوت
خَل ما بينك وما بين الوشاة مثل ما بين (الرباط) و (حضرموت)
دامني لجلك نذرت المقبلات لا تخيِّبْ لي ظنون ولا نعوت
خِذْ مشاعر قلبي الصادق وهات ودّ صادق واحذَرْ أقوال الشموت
احْذَرْ احْذَرْ والدهر له نايبات واحْذَرْ انت تطيح شَبْك العنكبوت
الموعد
جيتك على الموعد ولا جيت وش عن لقانا مانعنّك
كَنّك عن الموعد تخلّيت يا ويل يَاللي عاشقنّك
ليتك لصوت المغرم أصغيت أوتار صوته يعزفنّك
كل حرف منّك يستوي بيت وارْبَعْ حروفٍ ينطقنّك
ياما على شانك تحدّيت سود اللّيالي واسهرنّك
منّك أنا لا حَيّ لا مَيْ لا مَيتْ ولا حَيّ منّك
يوم بْنِظَرْ عيني تربّيت وامرت بامرك طايعنّك
ليش التغلّي والتعنّيت آهات صدري ما كفنّك
لو نِكْ تباعدت وتقاسيت لك في المحبّه عكس ظنّك
إن كان لي يوم وتمنّيت شوفة عيونك طالبنّك
سرية فكر
سرى فكري وانا (فزّاع) والدنيا بها ضَجّه واظنّ ان الشِّعِر هاليوم يبى يقضي على حاجه
سرى بْليلٍ وفي بحرٍ يعانِد غزره وْلجّه يقاوم جرّة التيّار ولو تطمي به أمواجه
بحور غْزار يبغيها لأصعب دَرْب متوجّه يبى روس العلا وْيقدر على صعبات اْلِمْواجه
يطول الدرب كم بيطول وحرف القافيه غَلْجَه ولكن يقدر ان يبني بيوته تصبح أبراجه
على وصف الجميل الفاتن الساحر لنا حِجّه مادام الحب هو ليل المتيّم أو هو سْراجه
عنودٍ رمشها سَلْهَم وعينٍ ناعسه دَعْجه وخدّ مْورّد ومِنْوِر طبيعي دون مكياجه
ووجهٍ من سنا نوره على البَهْجه ضفى بَهْجه مزونٍ غيثها البسمه ليا من تضحِك حْجاجه
وميدولٍ على متنه كما داج الدجى هَجّه على عودٍ كما قزّ الحرير الناعم انتاجه
جميل وكل ما فيه الجمال سْكوته وهَرْجه واذا للزين منهاجٍ حبيبي الزين منهاجه
أهو تاج الجمال .. إلاّ مداه اللي تبَعْ نهجه وانا اشهد بانّ حِسْن الفاتنات لْصاحبي تاجه
تصدّق من كِثر حِسْنِك تصيب بعالمك رجّه ولي تبغي له احراجٍ بحسنك تملِكْ احراجه
حبيبي لا تلوم القلب ، لوم عْيونك الدَعْجَه بها حاجه ولا ادري وش بها لكن بها حاجه
دخيلك يا هوى بالي حبيبك في الهوى نَجّه ترى حبّك سبب همّه وصدّك سبّة ازعاجه
واذا المطلوب مِ الخَفّاق منّي يطلب الرِفْجَه ورِفْجَه ما أردّه دام هذا القلب محتاجه
معذور
البارحـه قطـر النـدى أوشـى علـى العيـدان قلت الله أكبر ما على بعض الوشاة قصور
قلـت الله أكبـر كيـف أرجـح كفـة الميـزان كيـف اقـدر انظمهـم وانـا باثنينهـم مجبـور
مسيتـهـم بالـخـيـر وحـنــا حـــزة مـسـيـان لكنهم عن عمـد قالـوا " يـا صبـاح النـور "
الأولـــي مـعــذور لان الـقـلـب لـــه ظـمـيـان والثانـي أظمـانـي .. ولكـنـه بـعـد مـعـذور
لو أكتـب الأشعـار انـت تكـون لـي الاوزان ولو تنكسر الاوزان يحلـى بـك وزن البحـور
من شاف حسنك ينكسر طرفه وهو حيـران يرتـد مـن دونـك طـرف عينـه وهـو مكسـور
سبحان لي ميـزك عـن كـل البشـر سبحـان الرمـش وارف والعيـون الـحـور تلـعـب دور
والله انــا شفـتـك ولا شبـهـت بــك إنـســان ظنـي أخـذت الزيـن كلـه مـن بنـات الـحـور
الفصول الأربعة
أنساك كلمه مالها أيّة وجود بمرجعي والقلب لامنّه نوى غيرك حبيبي بامنعه
تنتابني ذكراك ما بين الوعي واللا وعي ما كنّك الاّ بحر حلمي والمشاعر الأشرعه
من وين تطلع كنّك الاّ تقول يا شمس اطلعي يتنفّس الفجر بنفس حسنك ويشرق مطلعه
مع إن فرعك لو رميت الشمس به عيّت تعي إن الدجا يسري لها من دون ما تتوقّعه
إن الدجا يكنز عبيره للنسيم المطلعي كلّه على شان النسيم المطلعي يلعب معه
يمتد ليلي واشعلك شمعة غلا بين اضلعي ويمر بي طيفك ويتناثر بصدري واجمعه
تحتاج تتعبني وأنا أحتاج لك وأنته معي بعض المشاعر تتعب المشتاق لكن ممتعه
موقعك من قلبي تدلّه بس حدّد موقعي وبعدين خذ قلبي وفي دنيا غرامك ضيّعه
وإن طاب لك شوقي وطاب لصوت همسك مسمعي القلب لك والشوق في عروقي بكيفك وزّعه
القلب ملكك والفصول الأربعة من مطمعي دام التقت في مبسمك كل الفصول الأربعه
مدخل غرامي
القلب شال الحب والحب شاله مدخل غرامي والأحاسيس حوله
وضاع الفكر ما بين حاله وحاله واسهل حلوله صارت أصْعَبْ حلوله
الحِسِنْ لي يفرض علينا سؤاله كيف الربيع امتد لاربع فصوله
كيف ابتداه الحِسْن ثم انتهى له يا لين حتى الحسن منّه خذواله
وانا اتخيّل في خيالي خياله فرصة عمر تحت ابتسامة طفوله
غرٍ صفا حسنه وقلبي صفا له سهل التمنّي بس صعبٍ وصوله
يحتار فيه اللي يوصّف دلاله ويهين به لي عن جماله حكوا له
يخجل جماله من صفاوة جماله ويغيظ ربّات العيون الخجوله
يمشي معاهم بس كنّه لحاله معهم ولكن كن هم لي مشوا له
والي تعرّض في مرامي نباله والله ما يكسب ولا ربع جوله
عادل ولكن ما برمشه عداله يظلم مجبّينه برمشه وطوله
أصلاً جنوني بس في حَب خاله وشلون لا باوصف تفاصيل زوله
إن قال صَدّي.. قلت: لله قاله وان قال وصلي قلت: بالله قوله
هذا الذي قلبي من الشوق شاله مدخل غرامي والأحاسيس حوله
فهمت وما فهمت
فهمت العشق لى يطلب من الإنسان ذَرْف دْموع فهمت العشق لى يطلب من الإحساس كل أوجاع
فهمت العشق لى يفرض على الإنسان يعيش بجوع (فهمت وما فهمت اللي سكن في داخله (فزّاع
فهمت العشق بحر أحلام غزير غزير بليّا قوع فهمته بحر أحلامي بحر عشقي بليّا قاع
فهمته نبض فهمته لمس فهمته روح ولا مسموع فهمت ان العشق فرصة عمر متخبّيٍ بِقْناع
قريته درس فهمته عِلْم أعيشه روح بنور شْموع بكيته دَمّ جرحته لا عرفت انّ الصراع صْراع
فهمته.. له قوانينٍ ولكنّه بلا ممنوع فهمته أصعب دْروبٍ مشيناها بلا مرجاع
فهمت ان العشق غصن الوعد في خافقي مزروع فهمته ملجأ الإحساس ولكنّه بَعَدْ ضيّاع
فهمت ان العشق أحيان يشبه فِ النزول طْلوع اعيشه في اختلاف الوقت مثل ما تختلف الاصباع
فهمته جامع ويجمع وجمّعنا بلا مجموع بلا مرسى بلا مينا بلا شاطي وبلا مرباع
فهمته عالم الوحده شعارٍ رايع ومرفوع فهمته كوكبٍ ثاني.. يبيع الكلّ ما ينباع
فهمت العشق لى يطلب من الإنسان ذَرْف دْموع فهمت العشق لى يطلب من الإحساس كل أوجاع
فهمت العشق له أنواع وعشقي من فريد النوع (فهمت وما فهمت أَصْلاً وش اللى داخله (فَزَّاعْ
ماقــد عصـــاني
ما قد عصاني بعيشتي عمر دنياي.. ولو اني ابحكي كيف اقدر احاكيه
مادري وش اللي جاب هالحظ وياي.. كل من شكيت لشخص لقيتها فيه
بلوه اصلا كل هالعمر بلوه.. راضي و يا ليت اقدر اقول وافيه
لا اني بعطشان و لا شارب الماي و لا اني انا ماخذ و اقول معطيه
لا اني انا المذكور و لا اني بمنساي.. مادري انا اللي غالي او اني اغليه
احسب خطاي و كل خطوه بممشاي.. امشي برمش رضاه لو رمش بمشيه
عشق و غرام الموت واحساس بلواي مادري لايه غربه اليوم بنفي
ذوبت لك عمري مثل سكر بشاي.. عمري الحياه يا سكر العمر اغليه
كل الحواس تقول وش جاي وش جاي.. خايف تضيع اصابعي باصبع ايديك
ابغي اشبه نظرتي ترسم خطاي.. حتى القصيده ما لقت اي تشبيه
مادري عاد تعود بحزن و الناي.. ماقدر اذمه ولا بعد اقدر اغليه
قالولي هذا حزنك و قلت (ش)الراي.. اية حزن اية اباشسميه
يومي انا هذا انا عشت دنياي.. ليل وراه الليل وش عقب يجي
عشت بزمان قلت للطير مولاي.. كل من رفع جنحاه فزيت لبيه
البدر ـ مجاراة لقصيدة سيف السعدي
هذا هو البدْر والاَّ البدْر بِنْ عَمّه في عِلْم أنا والاَّ هذا الليل وِحْلومه
إن كان للحِسن قِمّه هذي القِمّه والاَّ عسى الحِسنْ كلّه فَدْوَةْ قْدومه
أقْبَلْ يضمّ السَّهَرْ وِعْيوني تْضمّه ما ادري من اللى من الثاني سَرَقْ نومه
كَنّ الوَصِلْ دِنْيتي يوم الوَعَدْ تَمّه وْكَنّ الوَعَدْ جَنّتي دام الوَصِلْ يومه
ما الوم من لامني في حبّه وْنَمّه حتى فوادي ولو يشكيه ما الومه
إذا تكلَّمْ يغار العطر مـِنْ فَمّه سوالِفِه كلّهــا بالمِسْك مَخْتومه
ياليت لى هَمّني مِنْ نَظْرته هَمّه عينه خذَتْ نَظْرتي قَبْل آخِذْ عْلومه
أبطا يسولِفْ عن الطيْب وْحَنَان أمّه ما يدري أنّه بقلبي وَثَّقْ سْهومه
ما يدري أنّه علاج العاشِقْ وْسَمّه وانّ القصايد على طاريه مَنْظومه
طالَعْت في ساعْته رَدّ وْقَلَبْ كمّه لا ساعْته قَصْدي وْلا قَصْدي خْتومه
ما قَصْدي إلاَّ الغَلا لى ساقني يَمّه أحيان ارومه وبعض أحيان ما ارومه
لولا الحيا والاَّ انا في ذِمّتي ذِمّه لاغْزي على روض رمّانه وْمَشْمومه
يا طيب القـلب
يا طيب القلب حكم قلبك الطيـب.....اخـرة غـيـرك وبعـدتـه وقربـتـك.....
ليه التباعـد مـع انـك دايـم قريـب......من وين مااصـد فـي عيونـي تخيلتـك....
ليه انت ناسي وذكري عنـدك مغيـب....تنسى وانا اذكرك وانسى اني تذكرتك....
صارحتـك بمـا يكـن القلـب ياحبيـب.....والظاهـر اخطيـت فظنـي وصارحتـك......
لو يعزى الصبـر دونـك قـال ماثيـب......المشكلـه ياطـول العـمـر مشكلـتـك.....
الصبر شيـب وشـوق القلـب ماشيـب......لازال يلعب فـي قلبـي كـل ماشفتـك.....
كم حسن الظـن فيـك وترجـع تخيـب.....كـدرت بالـي وانـا مايـوم كــدرت....
اليـوم حتـى شعـوري منـك متريـب ....هـذا خفوقـي يحـذرنـي وحـذرتـك....
خِذْ من الشاعر كلامه
لا تحسِبْ وْرود تنثَرْ لك غلا وتفلّه والبَحَرْ عشرين وِنْجومه وْضِحْك هْلاله
تعتقد إنّي أنا مَيِّتْ .. وانا لا واللّه آنا لا ميّت حبيبي لا ولا اللّه قاله
لى يبي يقرَبْ خفوقي ما يجيني بْزَلّه زلّةٍ أسْمَحْ لها ومن عقبها بِزْواله
كان عندك هرج بتْقوله لقلبي قِلْ له وش علينا بْهَرْجة المسكين واللى قاله
ما عرف شَيٍ في بالي لا بغيت أوصل له ويذكر اسمي يومها وبحلّه وبترحاله
من يحب بحب ضايع قلت اللّه شلّه ضاع واللي ضاع عندي إحتياط بْداله
والله لا احذفه أنا ويصير حرف العِلّه يالين ما يضحَكْ عليه ابليس قبل عْيَاله
لي (مَسِجْ) يكتب في بالي وعقبها أرسل له ويدخل بْشاشات حبّه وينحرِقْ جَوّاله
من خباله إلْخباله نيّةٍ ناوٍ لــــه ولا بغيت ازيد شاف خْبال غير خْباله
أرفعه وارجع أذلّه وارفعه وآذلّه لين أسمع مرّتين بأذني يا هي حاله
ولو بغاني هو رقى لي والاّ انا ما انزِلْ له لا له انزِلْ لا له ولا ألف من أشكاله
ذا طريقي من عرفتك والطريق تْدلّه الطريق اللي تدلّه لازم ان تسعى له
خِذْ من الشاعر كلامه والاّ حبّه خَلّه أنا آحبّك .. لا حبيبي لا ولا اللّه قاله
كيف أجيك
كيف أجيك و كيف أنا أبدأ في غرامك كيف قلى أبتديلك بالكلام
لك أسلم بس ما جاني سلامك يعني مستكثر على كلمة سلام
وش أسوي حتى أستدعى إهتمامك و أفتح الموضوع يابدر التمام
أبتسملك أو أقاطع في كلامك أو أجيك أب كلمه فيها إحترام
ماقدرت أبعد مادامني أمامك و لا قدرت أذكر مافاهيم الغرام
حرت بك و أحترت بك خلى مادامك مايهمك من غدى بحبك حطام
أبتدى بك حب ياعمري علامك ما تحس إحساس من صابه هيام
كان عن كل الهوى صار إعتصامك ما طلبتك غير و عليك السلام
الليل
لليل وعيونك وأنا كلن بكى وقت الوداع عيون تخفي دمعها وعيون تجهر بالدموع
يا وحشة الفرقى ويا درب المتاهة والضياع الله يصبر عاشق قلبه من الفرقى جذوع
الواقع أقسى من القسى جارح وغمده الامتناع السيف ظامي والزمن يفرض على نفسه الخضوع
لاحس صوت ولا صدى ولا فاد حتى الاستماع الصمت اقرب للرضا والصبر عادات القنوع
في غيبتك يا لهفتي ليلي معاناة وصراع وحدي امنّي وحدتي بأحلام وصلك والرجوع
هل أنت ضيعت الرجاء أو للأمل عندك شعاع اليأس طفى شمعتك ولا بقت بعض الشموع
أبشرك يا صاحبي واطلب من الفرقى الوداع والليل وعيونك وأنا نمطر من الفرحة دموع
من يحبك
من يحبك كثر ما حبك انا و مين بحبك حاول و ياما اجتهد
ومن في عينه شوفتك كل المنى لا و رب العرش ما غيري احد
انت شوفي و انت عمري و الهنا يا جسد بي روح و لروحي جسد
و انت عيني و انت نوري و السنا و انت اسبابي اذا حبي خمد
و انت ميعادي و سهدي و العنى و انت تعذيبي و صبري و الجلد
و انت راحاتي و روحي و الظنى و انت الاول ما به قبل و بعد
لمنا جو الــــمـــحبه و ضــــــمنا و من بعد قربك انا كيف ابتعد
شوف ما كبر يا حبيبي عشقنا فاق كل العشق وحده و انفرد
لو يوزع ع البسيط حبنا مابقى حد اذكره كره احد
ارتجاليه فزاع
تـلـفـونـي
يا مرحبـا يـا مغلـط فـي تلفونـي مسموح .. مسموح والغلطات عفويـه
صفريين تسعه سته و سته تموني الرقـم هـذا فتـح خـط السعوديـة
ان قلت لبيـك آمـر هـذي عيونـي فتحت ذا القلب والنيـه علـى النيـه
خليت لك في الحنايا بصمـه ولونـي تفرق على لون دمـي فـي مجاريـه
خليت لك يا حبيبـي بيـت فرعونـي يخربط الناس في الروحـات والجيـه
وخليت لك في عيوني ركب وضعوني تزعل وتنزل تحـت جفنـي وفوقيـه
يا صاحبي وان نشدني طيفك شلونـي اقـول طيـب وطيفـك فيـه ماريـه
ماريـه يـوم تقبـل تجـذب لحونـي واجر له من لحـون الشـوق قافيـه
بيحت يا قاصـد الغلطـات مكنونـي وانا رومنسي احب اهـل الرومنسيـه
من دونك اعيش وانت تعيش من دوني يا لين اوحيت صوتك يا لعنبـو حيـه
رجت زوايا خفوقي وانشـد ركونـي وانا ولد شيخ لـي هيبـه وشخصيـه
الارض ارضي والكون المرجله كوني لكـن الحـب والعاشـق وطـاريـه
تكفـون يـا نـاس بالله لا لا تلمونـي الصدفه اللـي بلانـي عـاد جبريـه
سموني العاشـق المغـرم وسمونـي الشاعـر اللـي قصايـده ارتجالـيـه
قنابل من فكـر راسـي ومضمونـي لكـن قنابـل غرامـه هـي بـذريـه
واغني البيـت متواكـب وموزونـي مبـدع ومجنـون وافكـاري خياليـه
يا نجد ودي اغني بـك علـى هونـي حورية الارض فوق الارض نجديـه
دموع المحبين
منابـع دمـوع المحبيـن عيـنـي تبكي على نفسي و تبكي على الغير
وعن الغلا يـا ساريـه خبرينـي هل عاد له فب القلوب الحباب تاثير
قلب الفراق اللي غدى لـه حنينـي ظميلن و القصه ماهي جمة البيـر
لكنهـا شـوق يـدفـه ضنيـنـي يا لله عساها ما تطـول المشاويـر
نوارتي..تجمـعـي و اجمعيـنـي و تغطرسي على جميـع النواويـر
مالي عذر حتى اقـول اعذرينـي بس احفظي تركيبة البيت الاخيـر
اشرف مثـل مقاصـده تحتوينـي قل العطا ... و لا كبار المعاذيـر
خلي علاملت الشقـا فـي جبينـي عطر و بساتين وورود و عصافير
ابي اشـوف العيـد فـي مقليتنـي و اركب لقلبي جنلحيـن و اطيـر
و ابي اعيش العمرما عـاد فينـي اصـادم الايــام والا المقـاديـر
يا مشغله خـط الغـرام اشغلينـي تـراي جـوال بلـيـا فواتـيـر
تمردي على النظر وسـط عينـي و تعددي علـى وجيـه الجماهيـر
لان المنـام اللـي بغيتـه يجينـيعي ا يجيني ليـن مسيـت بالخيـر
قنبله
يا وقت يا شاري الفرح من نفسي المخدوعه أبيع لك وارجى الأمل في البسمه الخداعـه
إذا حسبت اللي عطيتك ضعت في مجموعه أعطي ولا حصلت من ذاك العطـا أرباعـه
يا قنبله وسط الحنايا في الحشـا مزروعـه دايم اداريها واخاف إن تنفجر فـي ساعـه
ما دامت الفرحـه علـي بسبتـك ممنوعـه يا وقت وش يفرقك عن فعل الردي واطماعه
سبة هنوف لا سرت ليلي سـرى بجموعـه شوق ووله مع عبرة فـي خافقـي نزاعـه
خل ملكني في مياديـن الهـوى وشروعـه عيني له مصيفه وفي روض الحشا مرباعه
طيبه جذبني له وماشي راضي في طوعـه والا لغيره لا حشا ما لي أبـد مـن طاعـه
يا عيـن حـر قدتحقـق م البعـاد طلوعـه في رمش عينك عاشقك متحـدي مضياعـه
والعنق هو عنق الدماني لا انفرت مفزوعـه والا غزال سامع صوت القنيـض وراعـه
قلبي لشوفك كم يفـز وينصـدم بضلوعـه بتشتت شعوري ويصعب يا ضنيني رجاعـه
محبتـك لا هـي بمنحوتـه ولا مطبوعـه تسري بدمي ثم تغذي لي الجسم با جماعـه
نفسي من بعادك تراها يا الغـلا موجوعـه من هو يحس بحالة محـب تزيـد اوجاعـه
ما هوب انا اللي تفضحه عينه ولا دموعـه لو ان عيني من صروف حكايتـك دماعـه
مريم
الحـلا يحتويهـا و الغـلا يرتجيها شيخة الحسـن مريـم الله الله عليهـا
عيدها عيد ثاني بين القلب و محانـي قلت اسبق التهاني و اتعنـى و اجيهـا
يا البنات الصبايا عنـدي اهـا هد ايـا ما طارت الرواية و استحيت اهاديهـا
لان مريـم هديـه مـن الـه البريـا القلوب النديـه لـو ظمـت ترتويهـا
نور شمس تعلـى فـوق بـدر تجـلا دونه الوصف ولا غايه في الحسن فيها
من دكر من اسلافي وارف الظل وافيا بتديهـا القوافـي قبـل لا يبتديـهـا
الصبا مال بانه و قلت انـا خيزارانـه سمـو دبـي دانـه لا مريـم عليهـا
بحر النسيان
ماكنك الا شـوق فـي بحـر نسيـان كـل المشاعـر قبـل لا قلـت لبتـك
قبل المحبـة تمتلـك حـس الانسـان كل الحواس الخمـس ياشـوق حبتـك
قبل لا اتعنون صرت لـروح عنـوان مدام لي في وسـط الاحسـاس رفتـك
من سبتك غيـرت انـا اسـم حمـدان ليـن اعرفونـي باسـم فـزاع سبتـك
انـت بمكـان ويطلـع البـدر بمكـان واذا طلعـت يضيـع نـوره بهيبـتـك
منت بلـون الشمـس وقـت المسيـان استغفر الله الشمـس بالنـور صبتـك
كن العمر لحظـة اذا معـك سهـران وكن السهر عمر في لحظـات غيبتـك
ان جيت صوبي صرت لك دار واوطان وان رحت عني صرت بعدك وقربـك
قالوا تحت الاضلاع ماتنبـت اغصـان قلي وش اللي تحت الاضـلاع نبتـك
قبل الندى يصبح على الـورد ولهـان شميت طيب الورد مـن اصـل طيبـك
شفتـك وعاتبـت الليالـي والازمـان ويـن الليالـي كـل هالوقـت خبتـك
ومن سبتك غيرت انـا اسـم حمـدان ليـن اعرفونـي باسـم فـزاع سبتـك
بركان الغلا
يفوح بركان الغـلا والصـدر فـاح ويضيق من ليل الجفا كـون فسيـح
يا معود عينـي علـى قـل المـراح ويميل غصنك ويتعلـق بـه جريـح
وش فيك تاخذني على ريش وجنـاح شلون أطيح فراق و أنـا مـا أطيـح
طاح الضيا على جبينـك واستـراح والليل من بيـن الجدايـل مستريـح
يعني جمعت الليل بأنفـاس الصبـاح حتـى تجسـد فيـك معنـاه المليـح
الفرحة إلـي كنهـا طعـم النجـاح والمده الي تجـرح الكـف الشحيـح
مفاتنك سحـر لكـن سحـر مبـاح عليك أسمي منهـل الوجـه القبيـح
يا أعذب من الماء في مصبه يوم ساح يوم استبحت القلب وش لـه تستبيـح
اجتحتنـي واتقنـت فـن الاجتيـاح واتعبتني وانـا سـدودي مـا تبيـح
متعود تتـرك علـى قلبـي جـراح ذبـاح روح وتمشـي بـدم الجريـح
أشوفـك بعيـن الغـلا والإرتـيـاح و أنسى الطعون إلي أنا فيني فحيـح
أستوعب أخطائك وأطالبـك السمـاح ويطغى على كيل الهجاء كيل المديـح
لا لاح براقـك وبـرق الشعـر لاح أصرخ من الأعماق و أقول الصحيح
إنـك مليـح وتعتبـر سيـد المـلاح تستقبلـك أفـواه ويضيـع المـديـح
فارس إبن فارس
فز الشبل من صكّت الحلقه على الابطان يوم الشجاعة تنهزم وتزلزل الابطال
يومٍ تخربط يا عرب تتغيّر الأوزان رد الشبل في زمجره متحدّي الزلزال
فزّ الشبل (أحمد) بقوّه ترعب الميدان وذاك الأسد قايد يحرّك بيده الأشبال
وقام التحدّي في جبالٍ خوّفت فرسان و(احمد) بعزمه إنفرد وابعد شرات اللال
لا ما يهمّه صعب كل الصعب تحته هان والنصر ما جابه صدف جابه بطولة بال
يخضع له الفوز بفخر من سالف الأزمان تاجي وعزّي ومنهجي، يا غيثي الهمّال
شيخي وابوي (محمّد) اللي للنصر عنوان في عيونه يبان التحدّي والصبر وآمال
واحمد تعلّى واعتلى هو فارس الشبّان في عيونه يبان التحدّي والصبر وآمال
أنا اشهد انّه عاش ع صهوة فرس وعنان ولا يْبيّن الرجّال كود ان كان ابن رجّال
ولا اظن بان السيل يجري دونه الوديان وحنّا إذا قلنا تراه أقوالنا أفعال
مازان هو بالفوز والله الفوز باسمه زان يختال هو بالفوز.. لا إلفوز به يختال
المجد كل المجد من (أحمد) بنى له شان والعز كل العز من (أحمد) خصاله نال
ما خاب ظنّي فيه يوم الصبح نوره بان الصبح يفرح يوم شاف (احمد) بخيله صال
له غنّت حروف القصيده باعذب الألحان والنعم باحمد قلتها والحق به ينقال
فارس ابن فارس إذا قالوا فلان فلان أحمد بن محمد ابن راشد ياحيّ الفال
يومٍ عزيته فزّ قال انّي أخو حمدان أنا اشهد ان الفوز باهدي لك على كل حال
ويـن أنت
وين أنت ياللي كل ما قلت .. وين أنت حتى السؤال يقول وين الأجابه
عامين ضايق و أنت لليوم ما بنت و هي حالتي بين الحزن و الكـابه
ليش أنت بعيون المخاليق ما شنت في عين من حبك سرابه ..سرابه
لو لا الغلا يا صاحبي ما تمكنت صداً من الهجران صاير خرابه
عود علي أنا أترياك لاهنت الحال واحد والظروف أتشابه
إذا سألت تحبني قلت لي كنت وأنا ابتسم من باب حب الدعابه
وأن خنتني أعلم ترى ما بعد خنت ألا معك لكن خونت ذرابه
خنتك مع طيفك بعد ما تيقنت أنك علي بعد الثرى و السحابه
أكبر خطأ محبتك وأنت ما صنت حباً يخلده المشيب أ لشبابه
تدري آش يغيض الرجل في هوى البنت انه يعيش في واقعاً ما درابه
لكننا وش أنا وش أنت هذا السؤال إللي يبيله إجابه
قلوب ومحاني
الحب ما يسكـن قلـوب ومحانـي الحب أسمى عاطفه تسكن الـرّوح
يا حبّك اللّي كـل ما أظمـا سقانـي سراب لال ودرب مهجور ونزوح
ما اقول منك اللـّي لفانـي كفانـي لأنّي أحبك هجر وعنـاد وجـروح
إن غبت عنّي طال عمـر الثّوانـي تقول عمر الثّانية من عمـر نـوح
وان جيتني مـرّت ليالـي زمانـي ما كنّها إلا البـرد بعيونـي تلـوح
قبل الجفا عذرك سبقنـي وجانـي لا تعتذر ذنبك من العـام مسمـوح
أبني على شوفك صروح الأمانـي وشلون ما تبني على شوفي صروح
إن كان غيري عوّضك عن حنانـي ما عاضني غيرك من الغيد مملوح
إنت الأخير .... وانتـه الأوّلانـي لو كان حبّك حد قلبي على الصّوح
والله مـا بـاح بغرامـك لسانـي إلا عيونـي دوم يطرونـك تبـوح
كتمت سرّك لين دمعـي عصانـي راعي الهوى لو يكتم السر مفضوح
لا تلوم قلب جـر فيـك الأغانـي حتّى الحمام يجرّه الشوق وينـوح
لاتندفع
لا تندفع و تقول كلمة احبك و انته تظن اني انا و انت اغرب
ادرس دراسه بين قلبي و قلبك و عقب الدراسه ينولد بينا اعجاب
خلي القلوب تعيش قربي و قربك و خلي الشهد من وجنة العمر ينساب
خلي التلاقي بين دربي و دربك او باختصار اقول خلينا اقراب
يا شمس شوف القلب كيف انعجبك شوفه حبيبي كيف بمحبتك ذاب
شوف القصايد كلها تــنــكــتـبـك و انت لقلبي غالق كل الابواب
سهم الغرام اليوم دامر ارتفع بك و انت تايس في القشق دون اسباب
معنى احبك يعني مـعنى احبك و حلو الدلع يا سيدي بين الاحباب
لحن المفارق
بنـت تمـر الضلـوع وبيتـهـا بيتـهـا ما غيرتها السنين وما تغيرت وما تغيرت أنا
يـوم اكشفـت عـن مفاتنهـا وضميتـهـا قالت لي الحب وش هو قلت بيـت الهنـا
يا ليـت مالـي خفـوق ينبـض و ليتهـا إلا نعس رمشهـا مـا عـاد تسـرد بنـا
يغـار قميصهـا مـن لـمـس جاكيتـهـا لا هزت كتوفهـا كبـر ودلـع و اغتنـى
خصـر مـن الشـوق ذا مالـو تماديتهـا إن أقبـل الله لنـا وإن أدبــر الله لـنـا
أغلى المزايين و أحلاهـم شهـر صيتهـا فديـرة الخصـر و الأرداف طفـرة بنـا
قالت يا زين المطر قـال المطـر جيتهـا لين السحب حاصرتها مـن هنـاك وهنـا
قلـت لسنـا الشمـس علمنـي لا مريتهـاأبغي أشوف السنـا لا مـن تعانـق سنـا
خلتنـي البارحـة و أنـا مــا خليتـهـا غنيـت لحـن المفـارق والهجـر والعنـا
لي الحيـن وانـا ضلوعـي بيتهـا بيتهـا مـا غيرتهـا السنيـن ومـا تغيـرت انـا
.
.
.
انشاء اللة تحوز على رضى الجميع
$$e
روز
أرقـــى التحيـــات لأحــلى أعضــاء
حبيـــت أنقل لكم موضــوع شــامل للشـاعر الشيــخ حمــدان بـن راشـد آل مكتــوم
البطاقه الشخصية للشيخ حمدان بن محمد بن راشد آل مكتوم...
الاسم: حمدان بن محمد بن راشد آل مكتوم
اللقب : فزاع
تاريخ الميلاد: 1982\11\13
البرج: العقرب
الشخصية: مرح و متواضع
الهوايات: الشعر- ركوب الخيل- القنص- البلياردو- البولينغ- كرة القدم
المهنه:رئيس نادي الاهلي ورئيس مؤسسه محمد بن راشد لمشاريع الشباب و رئيس مجلس إدارة بنك دبي الوطني
ترتيبه بين اخوته : لخامس
اخوانه بالترتيب :منال- حصه- راشد- ميثاء- حمدان- مكتوم- أحمد- مايد- سعيد- لطيفة- منصور- مريم- شيخة- فاطمة- سلامه- شمه
دراساته : درس بمدرسة راشد الخاصة للبنين في الثانوية ثم التحق بجامعة سانت هيرز(العسكرية)في بريطانيا
أفضل المطربات لديه: أصالة والمرحومة ذكرى
افضل قصيدة لديه: لمني
المكان المفضل لديه: ربوع دبي وافي سنتر , السينما ، لندن بالصيف
في السباقات: يحمل الرقم 3
تصنيفه بين الفرسان: المصنف الاول عالميا
انجازاته:
1- في 7 اغسطس 1999 حل سموه بالمركز الثاني في سباق لينزبيرج للقدرة بسويسرا...
2- في التاسع من يوليو 2000 تمكن سموه من انتزاع سباق تاترسالز للقدرة بنيوماركت لمسافة 140 كلم...
3- في 26 يوليو 2000 تمكن سموه على صهوة " كريتال فلاير" بالمركز الثاني في السباق لكاس ال مكتوم بايرلندا لمسافة200 كلم...
4- في 29 سبتمبر عام 2001 تمكن سموه في بطولة اوروبا المفتوحة للقدرة لمسافة 160 كلم بمنطقة بروجيا الايطالية من انتزاع الميدالية الذهبية في مسابقة الفردي بعد ان احتل المركز الثاني...
5- في الثامن من سبتمبر تمكن من انتزاع ذهبية العالم للشباب في مسابقة الفردي...
6- في 19 مايو 2002 حل سموه بالمركز الثاني في بطولة بونشستاون للقدرة لمسافة 120 كلم..
7- لستهل سموه مشاركيه على الساحة الاوروبية في صيف 2002 بانتزاع لقب كاس الملك باسبانيا...
8- في 14 اغسطس 2002 توج سموه بطلا لبطولة كاس ال مكتوم للقدرةلمسافة120كلم...
9-في 29 يونيو 2002 تمكن من انتزاع لقب بطولة فياكستين للقدرة باسبانيا مسترزط لمسافة 120كلم...
10-استهل سموه مشاركته على الساحة الاوروبية في 27 يونيو الماضي بانتزاع لقب سباف القدرة لمسافة 160كلم بنيوماركت...
11- ضمن فعاليات بطولة العالم السابعة للقدرة في ديسمبر 1998 تم تتويج سموه بطلا للموسم المحلي لسباقات القدرة (97/98) وذلك تقديرا لانجازاته المتميزة خلال الموسم و التي من ابرزها فوزه بسباق عمالقة الصحراء الثامن للقدرة لمسافة 120كلم...
12- تم تتويجه كافضل فارس بعد ان تصدر التصنيف العالمي لفرسان القدرة للعام 2000...
13- في انجاز تاريخي وغير مسبوق على مستوى العام 2002 سجل سموه فوزا مستحقا ببطولة راشد بن حمدان ال مكتوم للقدرة لمسافة120كلم وعاد في اليوم نفسه ليسجل انجازا تاريخيا في سباقات السرعة منتزعا الفوز بجائزة نادي دبي لسباق الخيل للفرسان الهواة بند الشباب...</span>
أجمـــــــل مـــــــا كتـــــــب فــــــــزاع !!! قـــصـــ 106ـــيـــدة
خلاص يعني
خلاص يعني كل شَيّ انتهى وراح خلاص يعني ما بقينا حبايب
يعني وعودك كلها كانت مْزاح والاّ انت ما لك في المحبّه رغايب
وين العهود ووين لحظات الافراح يعني تلاشت مع هبوب الهبايب
القلب بعدك من له اليوم يرتاح من بعد ما هو في محبّتْك ذايب
ياما على شانك تحمّلت الاجراح وياما جروحي من صدودك عطايب
سرقتني عن جملة الناس يا صاح والفكر عندك ماخذنّه نهايب
خِلّك يحبّك يا بَعَدْ سِيْد المْلاح إن رحت عنّه راودنّه مصايب
خَلّك معه دام الهوى حيل نضّاح والواش رِدّه يا هوى البال خايب
أنا في الشعر..
أنا في الشعر ابن هذاك إذا إنته تعَرْف الشعر أهيجْ في البحور أمواج، أمشّيها على كيفي
واقول لك لا تجاريني ترى أمشي بدربٍ وعر واذا تبغي تجاريني ترى لك صامدٍ سيفي
ولا تضمن تحوز النصر وانا بحرٍ وانته نهر واذا عارضت تيّاري تبرّى موجي وْسِيْفي
وكم من واحدٍ غيرك تعرّض لي وجاه الكسر ودارت به هبوب رْيَاح في أقوى عواصيفي
تهاجم سايل الأقلام وسطرٍ ما يهزّه سطر وإنته وينها افكارك عن بْيوتي وْتهديفي
تبا روس العلا وانته تحوّل في طريقك حدر تحاول بس ما تِقْدَرْ بأن توصل مشاريفي
نجوم الليل ماتنوِرْ إذا بيّن شعاع البدر وش اللي يجمع الوسمي على سحب ورْعد صيفي
تشوف الجاذبيّه لي في هالدنيا تجرّك جر أنا عكسه أفرّك وين ما أبغي على كيفي
صبري ملّني
لِمِّني في مَحْجَر عْيونك حبيبي وخلّني خلّني آشوف نفسي في عيونك واطمئن
دامِك إن سَلْهَمْت بالرمش الظليل تْفِلّني (لعنبو) ذا الرمش كيف انّي من اسبابه أجِن
حبّك اللِّي تَلّ قلبي من بَعَدْ ما تَلّني صِدْق أنا ميّت بحبّك كانها عيونك كَفَن
إجْمَعْ اللِّي باقيٍ منّي شتات ودلّني شوفني ذاك الغريب اللي يدوّر عن وطن
صَدّك اللي هَدّ حيلي والجفا لي علّني ليه قلبين المحبّه بالمحبّه ما الْتِقَن
قلت ابـ اصبر والصَبِر من زود صبري ملّني وقلت ابـ انسى واثر طيفك صار له عقلي سجن
ضاعت دْروب المحبّه والحزن ما ضلّني يا حسافه ذي الليالي.. ذي الليالي ما انصفَنْ
لا تهلّ دْموع من عينك أخاف تْهِلّني خايف أطْلَعْ من عيونك لا من فْـ يومٍ بكن
مستحيل أنساك
مستحيل أنساك هذا مستحيل مستحيل أنساك والله للأَبَدْ
من يعاشِرْ شخص مثلك ما يميل لا ولا ينوي على غيرك أحَدْ
يا جميلٍ في جميلٍ في جميل يا فريد اللون في جيدٍ وْخَد
ترتسِمْ في وجنتك شمس الأصيل وجمرتينٍ بينهن صَفّ الَبَردْ
والعيون الدعج والرمش الظليل ونور وجهك منّهن نور اسْتِمَد
تهت في حبّك مثل تُوْه الضليل وزادت جْروح الَحَشا جْروحٍ جِدَدْ
ولا ولا عن حبّك أرضى بالبديل وْكَنّ باقي الخود تكمالة عدَدْ
لي يسير الدرب يوصَلْ لو طويل أو مِثِلْ ما قِيْل من (جَدَّ وَجَدْ)
عَوّضوك بْغيابي
عَوّضوك ْبغيابي لا تقول انّي َوحَشْتك لا تجاملْ دخيلك في شعور يْعَنيني
بَسّ يكفي كفايه لا تمادى عَرَفْتك خَاين الحب مَا له في فوادي حَنيني
إنت ياللي بعيني حِلْم عمري رسَمْتك وكيف تجرح خفوق يعشقك من سنيني
أحسبه زاد حبّي في غيابي وْحسَبْتك ما تجاهَلْ وِدَادٍ كان بينك وْبيني
كَم سَهَرت الليالي وكم ليله سَهَرْتك وكم ليله خَيَالك نام في وسط عيني
وكم قل لي دخيلك كم ليل اْنتظَرتك كم قل لي تِفَضّل، كم صَدّك يجيني
كنت تجري بْدَمّي لا نزَفْته نزَفْتك كنت ساكن خيالي، داخلي مِحتويني
من كتَبْ الحروف الأبجديّه كتبتك "لامَه" إن كان تبغي أوَّلْ الحرف "سيني"
ثلاث أيّام
ثلاث ايّام مرّن في حياتي غير ثلاث ايّام عشت الحبّ واغليتك
ثلاث ايّام واتهجّى كلام الطير كلام أعْذَبْ من اعْذبْ من تفدّيتك
رسالة حبّ شاهدْها غلا وْتعمير على فْوادي تربَّعْ واسْكنْ فْـ بيتك
أقول إشْ قد انا عطشان وانت البير دَلو فكري نَضَحْ من كلمتي ليتك
أقول الـ(ما يصير) لْعينك انت يْصير ولو حتى بْثرّيا الكون حطّيتك
حبيبي والغلا صوره بلا تصوير صوَرْها بكل رَمشة عين أنا ريتك
حبيبي والعطا يحتاج للتقدير إذا صرّحت أنا اللي حّيك وْمَيْتك
ثلاث ايّام مرّن في حياتي غير ثلاث اّيام عشْت الحب واغليتك
ثلاث ايّام لكن ما ادري شِ التفسير بس.. ادري من ثلاث ايّام حبّيتك
تحلا بعيني
يا مشعل القلب تكفي خفّف شويّه القلب من كثر صدّك ويلي لْحاله
دامه يحبّك ولا له غيرك بْغيّه وش له تحطّه بدنيا الهمّ وتْناله
انته حبيبي لقلبي نوره وْضيّه تحلا بعيني وقلبي صِرْت تحلا له
وانته ربيع الخفوق وْشمسه وْفَيّه وان حبّ غيرك خفوقي باقطع وْصاله
ما اريد بك حَدٍّ وْلو هو كان حوريّه إنته مهَدّي الغرام وانت زلزاله
للموت انا لك حبيبي صورةٍ حيّه ميّت بحبك وحبّك صِرْت انا اسعى له
يا بو عيونٍ مثِل عين الدمانيّه حورا هَدَبْها مظلّ ودعْج قتّاله
كاسِنّك الحِسْن واوصافك خياليّه ومن راد يوصف جمالك أيتهيّا له
ثمــــار الهـــــوى
ليــتك معي يوم الهـوى نود نسناس من الــفرح والله ما تـدمـــع العـــــــين
نــاس على تعذيب ناس لهـم نـــاس وهــذا الهـوى ياخـــذ قــلـوب المحبين
لكن لا يطري على بـــالك الـــــيـاس ذوق الهــوى دامـك تعيش العمـر حـين
خذ من عطر ورد مع طيب الانفـاس واقطف من اثمار الهوى في البساتين
خلك مع حلو اللما عـذب الالعــــاس الجـــادل اللــــي فايــــق بكـــــل تكوين
لا تحط نفسك بين وعـرات الاطعاس وافهــــم بــأن الحــب عـذب مــلاييـــن
الحــب مــرجع للمحبـيـن واحسـاس والحب هـو فـي قـلب الاحـباب نوعين
ع كيف ما تبغي لك تـدق الاجــراس والشـــــاطر اللي يمـــلك الحب بيدين
قدّها وقدود
صدق من قال يا محمــد بأنـك سيـف ما تنصــد مـرواتـّك علم خفـاق وفيـك المرجـله والجـود
يا بن راشد وابو راشد بنيـت امجــاد لك تشهـد تجـف أقـــلامي بمـدحـك,يحير العـد بالمعـدود
إذا مــنـك بغيـت الشــــي فــلا عنـه مــرد وبــد تطـول اللي تقـوله عـــز وانتـه قــدها وقــدود
أشــوف النجم ذاك بعيـد,و أنت من النجـم أبعـد ألا يا حظ أبو من هـو تكـون انته معه موجـود
إذا اسمــك يجي في الشعر يزيـد البحر مده مد يزيد الشعر في الشاعر تجيه أبيات دون حدود
مروض جامحات الخيل,مهدي المـوقف المشتد مفـرج كـربة المظلوم,وشـوق الفاتنات الخـود
أحـــد مثلك أنـا ما القى رجـل مثلك أبـد مـا حـد على شعبه سطـع نوره مثل بـدر اليالي السـود
أنــا لاجـلك كتبت الشعـر وفضلك سيــدي ممتد على طـول المـدى نبقى لشورك طايعين جنـود
فخر الأجيال
على وصف الرجال اللي تسمّى بالفعال رجال ....لفت بيض العلوم وبيّض الله وجه راعيها
لفت ما كنّها الاّ سبّق الخيل ان بدت تختال....نواصيها النعوت وفي مناكبها.. قوافيها
قصايد والقصايد ما نساومها بجاه وْمال…نعبّ بحورها وان هاج مزملها نرسّيها
إذا امتدّ الفكر وامتدّ ليلي والقصيد وطال….توشّحت الشوارد ولبست الاشعار غاليها
كذب من قال ساعَفني عليها الجن يوم تقال….أنا البس جنّها واصدر مواردها واروّيها
أنا وْلا فخر نجل الشامخ المتمرّس الريبال…على وصفه تجاريني القصايد قبل اجاريها
على (محمد إبن راشد إبن مكتوم) طاب الفال….وطابت لي قبل لا الزم قوافيها.. معانيها
متى قالوا صواريها المعاني.. ما هناك اشكال…حرام انّي لمدّ شراعها لأكبر صواريها
على اكبر منبر ارميها ثنا وْعز وْفخر واجلال…ما دام ان الثنا لأهله.. على اكبر منبر ارميها
لاجل قرمٍ غرس حلمه لشعبه واثمرت الآمال…حقايق نبصر اوّلها.. ونتباشر بتاليها
حقايق واضحه من دون ابو راشد صعب تنطال…تباركها القلوب وتبهر الناظر مغانيها
مغانيها تراود كل عطرٍ ما خطر ع البال….واراضيها يراود كل عاشق فوع ناديها
أراضيها الخزاما والنفل والبختري والهال…وما يخطر على بال العطر يزخر باراضيها
ولي فيها محب أسرف على قلبي وحط وشال…طلب روحي وروحي منه فيها اللي يكفّيها
من اوّل ما عرفته والضلوع تجرّ له موّال…ولا ادري نيّته بضلوع صدري وش تواليها
أنا محتار ما بينه وبين (دبي) بالمثقال…يا أمّا (دبي) له تحلا أو انّه لي محلّيها
أو انّ (دبي) تحلا لان أبو راشد لها خيّال….نعم والله وتسبق خيلها من سبق واليها
(دبي) العِز من طيب النسايم عودها ميّال….تمسّي صاحب القدر ونحن باسمه نمسّيها
صدى داره بشرق وغرب وجنوب التقى وشمال…قبض الاربع جهات يلين داره ذاع طاريها
طغى عزمه على وعر الدروب وله غدت مسيال…تسيل الأرض لاقدامه وتفخر من مواطيها
غريبه كيف جادت به سنينه والسنين بخال؟….والاغرب كيف تضما له وهو بالجود يسقيها؟
لو ان المجد سهل ان كان كلٍ طال منه وْنال…..دروب المجد ودروب العلا صعبه مراقيها
طويل العمر ما جيت اعتزي في وصفك الأمثال…ولكن المثايل تعتزيني بك.. والبّيها
يابوي ابشر ترى شبلك توارت عن مداه اشبال….وثب فوق الدروب وسابقت رجله خطاويها
ورث عزمك وحزمك والخصال تجرّ طيب خصال.....مواثيقه على طرق المكارم بك يجدّيها
إذا شدّ الفخر لاجلك رحاله قمت اشدّ رحال…على نهجك.. عشان افرد رحاله وارجع اطويها
واذا قالوا: من ادرى بالحصابي والوزون ثقال….عرفت ان الوزون ثقال وانت ادرى بْحصابيها
على الدنيا جدال الاّ انت والله ما عليك جدال….مع ان إيدك يجادل كل وادي سيل واديها
لو ان السحب تنشا من كفوف امست عليك ظلال…وخرّت ساجده لاهل الثرى من جود منشيها
مكارمك المكارم والعطايا من بحرك جزال…لو ان السفن تجري في يمينك ضاع شاطيها
يمينك كم لاحت وابرقت وابطت وهي تنهال…..ولا والله تدري عن يسارك كم معاطيها
وكم رجلٍ بصدره حاجه وجاك وقبل لا يسال…عطيته.. كنّك ادرى بالصدور وْسرّ خافيها
وكم حلمٍ سبقته.. كان في عين الزمان محال….تقول المقبلات افضل عليك اسرار باريها
يقولون اختصرت اجيال واقول انته فخر الاجيال…إذا الأجيال بك ما تفتخر.. من يفتخر فيها؟!
القضا بالقضا
لا تحاول تعيد بدمعتك ما مضـى ما تداوي دموعك جرح طول البعاد
إنتهى الحب يا اللى بيننا وانقضـى ولا بقى لك بقلبي غير ذكرى وداد
كنت أجيك بْخفوقٍ فيه حبّ ورضا وكنت انته حبيبي غايتي والمـراد
وكنت أشوفك حياتي جوّها والفضا وكنت يومٍ تغيب آموت هَمّ وْ نكاد
بس خِذْها بْصَراحه القضا بالقضـا ذوق كاسٍ شربته منْك اسمه عنـاد
يرفض القلب مثلك به ودادٍ حظـى دامه انسان مثلك قطعةٍ من جمـاد
ما تعيش المشاعر في خفوقٍ فضى كيف تبني ودادٍ له عنـادك عمـاد
يا فقير المشاعر، يا شتات الشظـا المحبّه بوادي، وانـت والله بـواد
أحلى زعل
جيب بزعل عليك .. وناوي بالخصام كل ما في خفوقي .. بس ازعل عليك
يعني روّح واروّح .. واسري ليل الظلام بس من يوم شفتك .. قلت برضا عليك
خل روحي بروحك .. هذا اغلى وسام خل عيني بعينك .. خل ايدي بديك
ياشروق المحبه .. يا شموع الغرام يا ورود بحياتي عطرها يهتديك
سلم برمش عينك .. هالتغلي حرام ما تموت المشاعر .. دامني احتويك
انطبع في خفوقي اسمك بحرف لام وفي عيوني عشقتك بحياتي ابيك
دامك بوسط عيني .. كيف عيني تنام ودامك بنبض قلبي .. كيف ما افتديك
مد لي كف وصلك .. قولها بحترام موت احبك واحبك .. موت انا اموت فيك
عاد تبغي الصراحه .. ما تويت الخصام هذا قلبي يحاسب .. كل خطوة اليك
اقترب لك حبيبي بالغلى والسلام يا حبيبي بصراحه .. حلوه غمضه عنيك
قلب صادق
لا تقول الحب في القلبين مات هذا توّ الحب كيف انّه يموت
ولا تقول ان الشِّعْرِ ليل امنيات وانت توزِنْ بيت وتكسِّر بيوت
الشِّعْرِ نبض القلوب الصادقات كم رفعنا به على طاريك صوت
لا تخلّينا على بحر السكات الكلام أحيان أفضل مِ السكوت
خَل ما بينك وما بين الوشاة مثل ما بين (الرباط) و (حضرموت)
دامني لجلك نذرت المقبلات لا تخيِّبْ لي ظنون ولا نعوت
خِذْ مشاعر قلبي الصادق وهات ودّ صادق واحذَرْ أقوال الشموت
احْذَرْ احْذَرْ والدهر له نايبات واحْذَرْ انت تطيح شَبْك العنكبوت
الموعد
جيتك على الموعد ولا جيت وش عن لقانا مانعنّك
كَنّك عن الموعد تخلّيت يا ويل يَاللي عاشقنّك
ليتك لصوت المغرم أصغيت أوتار صوته يعزفنّك
كل حرف منّك يستوي بيت وارْبَعْ حروفٍ ينطقنّك
ياما على شانك تحدّيت سود اللّيالي واسهرنّك
منّك أنا لا حَيّ لا مَيْ لا مَيتْ ولا حَيّ منّك
يوم بْنِظَرْ عيني تربّيت وامرت بامرك طايعنّك
ليش التغلّي والتعنّيت آهات صدري ما كفنّك
لو نِكْ تباعدت وتقاسيت لك في المحبّه عكس ظنّك
إن كان لي يوم وتمنّيت شوفة عيونك طالبنّك
سرية فكر
سرى فكري وانا (فزّاع) والدنيا بها ضَجّه واظنّ ان الشِّعِر هاليوم يبى يقضي على حاجه
سرى بْليلٍ وفي بحرٍ يعانِد غزره وْلجّه يقاوم جرّة التيّار ولو تطمي به أمواجه
بحور غْزار يبغيها لأصعب دَرْب متوجّه يبى روس العلا وْيقدر على صعبات اْلِمْواجه
يطول الدرب كم بيطول وحرف القافيه غَلْجَه ولكن يقدر ان يبني بيوته تصبح أبراجه
على وصف الجميل الفاتن الساحر لنا حِجّه مادام الحب هو ليل المتيّم أو هو سْراجه
عنودٍ رمشها سَلْهَم وعينٍ ناعسه دَعْجه وخدّ مْورّد ومِنْوِر طبيعي دون مكياجه
ووجهٍ من سنا نوره على البَهْجه ضفى بَهْجه مزونٍ غيثها البسمه ليا من تضحِك حْجاجه
وميدولٍ على متنه كما داج الدجى هَجّه على عودٍ كما قزّ الحرير الناعم انتاجه
جميل وكل ما فيه الجمال سْكوته وهَرْجه واذا للزين منهاجٍ حبيبي الزين منهاجه
أهو تاج الجمال .. إلاّ مداه اللي تبَعْ نهجه وانا اشهد بانّ حِسْن الفاتنات لْصاحبي تاجه
تصدّق من كِثر حِسْنِك تصيب بعالمك رجّه ولي تبغي له احراجٍ بحسنك تملِكْ احراجه
حبيبي لا تلوم القلب ، لوم عْيونك الدَعْجَه بها حاجه ولا ادري وش بها لكن بها حاجه
دخيلك يا هوى بالي حبيبك في الهوى نَجّه ترى حبّك سبب همّه وصدّك سبّة ازعاجه
واذا المطلوب مِ الخَفّاق منّي يطلب الرِفْجَه ورِفْجَه ما أردّه دام هذا القلب محتاجه
معذور
البارحـه قطـر النـدى أوشـى علـى العيـدان قلت الله أكبر ما على بعض الوشاة قصور
قلـت الله أكبـر كيـف أرجـح كفـة الميـزان كيـف اقـدر انظمهـم وانـا باثنينهـم مجبـور
مسيتـهـم بالـخـيـر وحـنــا حـــزة مـسـيـان لكنهم عن عمـد قالـوا " يـا صبـاح النـور "
الأولـــي مـعــذور لان الـقـلـب لـــه ظـمـيـان والثانـي أظمـانـي .. ولكـنـه بـعـد مـعـذور
لو أكتـب الأشعـار انـت تكـون لـي الاوزان ولو تنكسر الاوزان يحلـى بـك وزن البحـور
من شاف حسنك ينكسر طرفه وهو حيـران يرتـد مـن دونـك طـرف عينـه وهـو مكسـور
سبحان لي ميـزك عـن كـل البشـر سبحـان الرمـش وارف والعيـون الـحـور تلـعـب دور
والله انــا شفـتـك ولا شبـهـت بــك إنـســان ظنـي أخـذت الزيـن كلـه مـن بنـات الـحـور
الفصول الأربعة
أنساك كلمه مالها أيّة وجود بمرجعي والقلب لامنّه نوى غيرك حبيبي بامنعه
تنتابني ذكراك ما بين الوعي واللا وعي ما كنّك الاّ بحر حلمي والمشاعر الأشرعه
من وين تطلع كنّك الاّ تقول يا شمس اطلعي يتنفّس الفجر بنفس حسنك ويشرق مطلعه
مع إن فرعك لو رميت الشمس به عيّت تعي إن الدجا يسري لها من دون ما تتوقّعه
إن الدجا يكنز عبيره للنسيم المطلعي كلّه على شان النسيم المطلعي يلعب معه
يمتد ليلي واشعلك شمعة غلا بين اضلعي ويمر بي طيفك ويتناثر بصدري واجمعه
تحتاج تتعبني وأنا أحتاج لك وأنته معي بعض المشاعر تتعب المشتاق لكن ممتعه
موقعك من قلبي تدلّه بس حدّد موقعي وبعدين خذ قلبي وفي دنيا غرامك ضيّعه
وإن طاب لك شوقي وطاب لصوت همسك مسمعي القلب لك والشوق في عروقي بكيفك وزّعه
القلب ملكك والفصول الأربعة من مطمعي دام التقت في مبسمك كل الفصول الأربعه
مدخل غرامي
القلب شال الحب والحب شاله مدخل غرامي والأحاسيس حوله
وضاع الفكر ما بين حاله وحاله واسهل حلوله صارت أصْعَبْ حلوله
الحِسِنْ لي يفرض علينا سؤاله كيف الربيع امتد لاربع فصوله
كيف ابتداه الحِسْن ثم انتهى له يا لين حتى الحسن منّه خذواله
وانا اتخيّل في خيالي خياله فرصة عمر تحت ابتسامة طفوله
غرٍ صفا حسنه وقلبي صفا له سهل التمنّي بس صعبٍ وصوله
يحتار فيه اللي يوصّف دلاله ويهين به لي عن جماله حكوا له
يخجل جماله من صفاوة جماله ويغيظ ربّات العيون الخجوله
يمشي معاهم بس كنّه لحاله معهم ولكن كن هم لي مشوا له
والي تعرّض في مرامي نباله والله ما يكسب ولا ربع جوله
عادل ولكن ما برمشه عداله يظلم مجبّينه برمشه وطوله
أصلاً جنوني بس في حَب خاله وشلون لا باوصف تفاصيل زوله
إن قال صَدّي.. قلت: لله قاله وان قال وصلي قلت: بالله قوله
هذا الذي قلبي من الشوق شاله مدخل غرامي والأحاسيس حوله
فهمت وما فهمت
فهمت العشق لى يطلب من الإنسان ذَرْف دْموع فهمت العشق لى يطلب من الإحساس كل أوجاع
فهمت العشق لى يفرض على الإنسان يعيش بجوع (فهمت وما فهمت اللي سكن في داخله (فزّاع
فهمت العشق بحر أحلام غزير غزير بليّا قوع فهمته بحر أحلامي بحر عشقي بليّا قاع
فهمته نبض فهمته لمس فهمته روح ولا مسموع فهمت ان العشق فرصة عمر متخبّيٍ بِقْناع
قريته درس فهمته عِلْم أعيشه روح بنور شْموع بكيته دَمّ جرحته لا عرفت انّ الصراع صْراع
فهمته.. له قوانينٍ ولكنّه بلا ممنوع فهمته أصعب دْروبٍ مشيناها بلا مرجاع
فهمت ان العشق غصن الوعد في خافقي مزروع فهمته ملجأ الإحساس ولكنّه بَعَدْ ضيّاع
فهمت ان العشق أحيان يشبه فِ النزول طْلوع اعيشه في اختلاف الوقت مثل ما تختلف الاصباع
فهمته جامع ويجمع وجمّعنا بلا مجموع بلا مرسى بلا مينا بلا شاطي وبلا مرباع
فهمته عالم الوحده شعارٍ رايع ومرفوع فهمته كوكبٍ ثاني.. يبيع الكلّ ما ينباع
فهمت العشق لى يطلب من الإنسان ذَرْف دْموع فهمت العشق لى يطلب من الإحساس كل أوجاع
فهمت العشق له أنواع وعشقي من فريد النوع (فهمت وما فهمت أَصْلاً وش اللى داخله (فَزَّاعْ
ماقــد عصـــاني
ما قد عصاني بعيشتي عمر دنياي.. ولو اني ابحكي كيف اقدر احاكيه
مادري وش اللي جاب هالحظ وياي.. كل من شكيت لشخص لقيتها فيه
بلوه اصلا كل هالعمر بلوه.. راضي و يا ليت اقدر اقول وافيه
لا اني بعطشان و لا شارب الماي و لا اني انا ماخذ و اقول معطيه
لا اني انا المذكور و لا اني بمنساي.. مادري انا اللي غالي او اني اغليه
احسب خطاي و كل خطوه بممشاي.. امشي برمش رضاه لو رمش بمشيه
عشق و غرام الموت واحساس بلواي مادري لايه غربه اليوم بنفي
ذوبت لك عمري مثل سكر بشاي.. عمري الحياه يا سكر العمر اغليه
كل الحواس تقول وش جاي وش جاي.. خايف تضيع اصابعي باصبع ايديك
ابغي اشبه نظرتي ترسم خطاي.. حتى القصيده ما لقت اي تشبيه
مادري عاد تعود بحزن و الناي.. ماقدر اذمه ولا بعد اقدر اغليه
قالولي هذا حزنك و قلت (ش)الراي.. اية حزن اية اباشسميه
يومي انا هذا انا عشت دنياي.. ليل وراه الليل وش عقب يجي
عشت بزمان قلت للطير مولاي.. كل من رفع جنحاه فزيت لبيه
البدر ـ مجاراة لقصيدة سيف السعدي
هذا هو البدْر والاَّ البدْر بِنْ عَمّه في عِلْم أنا والاَّ هذا الليل وِحْلومه
إن كان للحِسن قِمّه هذي القِمّه والاَّ عسى الحِسنْ كلّه فَدْوَةْ قْدومه
أقْبَلْ يضمّ السَّهَرْ وِعْيوني تْضمّه ما ادري من اللى من الثاني سَرَقْ نومه
كَنّ الوَصِلْ دِنْيتي يوم الوَعَدْ تَمّه وْكَنّ الوَعَدْ جَنّتي دام الوَصِلْ يومه
ما الوم من لامني في حبّه وْنَمّه حتى فوادي ولو يشكيه ما الومه
إذا تكلَّمْ يغار العطر مـِنْ فَمّه سوالِفِه كلّهــا بالمِسْك مَخْتومه
ياليت لى هَمّني مِنْ نَظْرته هَمّه عينه خذَتْ نَظْرتي قَبْل آخِذْ عْلومه
أبطا يسولِفْ عن الطيْب وْحَنَان أمّه ما يدري أنّه بقلبي وَثَّقْ سْهومه
ما يدري أنّه علاج العاشِقْ وْسَمّه وانّ القصايد على طاريه مَنْظومه
طالَعْت في ساعْته رَدّ وْقَلَبْ كمّه لا ساعْته قَصْدي وْلا قَصْدي خْتومه
ما قَصْدي إلاَّ الغَلا لى ساقني يَمّه أحيان ارومه وبعض أحيان ما ارومه
لولا الحيا والاَّ انا في ذِمّتي ذِمّه لاغْزي على روض رمّانه وْمَشْمومه
يا طيب القـلب
يا طيب القلب حكم قلبك الطيـب.....اخـرة غـيـرك وبعـدتـه وقربـتـك.....
ليه التباعـد مـع انـك دايـم قريـب......من وين مااصـد فـي عيونـي تخيلتـك....
ليه انت ناسي وذكري عنـدك مغيـب....تنسى وانا اذكرك وانسى اني تذكرتك....
صارحتـك بمـا يكـن القلـب ياحبيـب.....والظاهـر اخطيـت فظنـي وصارحتـك......
لو يعزى الصبـر دونـك قـال ماثيـب......المشكلـه ياطـول العـمـر مشكلـتـك.....
الصبر شيـب وشـوق القلـب ماشيـب......لازال يلعب فـي قلبـي كـل ماشفتـك.....
كم حسن الظـن فيـك وترجـع تخيـب.....كـدرت بالـي وانـا مايـوم كــدرت....
اليـوم حتـى شعـوري منـك متريـب ....هـذا خفوقـي يحـذرنـي وحـذرتـك....
خِذْ من الشاعر كلامه
لا تحسِبْ وْرود تنثَرْ لك غلا وتفلّه والبَحَرْ عشرين وِنْجومه وْضِحْك هْلاله
تعتقد إنّي أنا مَيِّتْ .. وانا لا واللّه آنا لا ميّت حبيبي لا ولا اللّه قاله
لى يبي يقرَبْ خفوقي ما يجيني بْزَلّه زلّةٍ أسْمَحْ لها ومن عقبها بِزْواله
كان عندك هرج بتْقوله لقلبي قِلْ له وش علينا بْهَرْجة المسكين واللى قاله
ما عرف شَيٍ في بالي لا بغيت أوصل له ويذكر اسمي يومها وبحلّه وبترحاله
من يحب بحب ضايع قلت اللّه شلّه ضاع واللي ضاع عندي إحتياط بْداله
والله لا احذفه أنا ويصير حرف العِلّه يالين ما يضحَكْ عليه ابليس قبل عْيَاله
لي (مَسِجْ) يكتب في بالي وعقبها أرسل له ويدخل بْشاشات حبّه وينحرِقْ جَوّاله
من خباله إلْخباله نيّةٍ ناوٍ لــــه ولا بغيت ازيد شاف خْبال غير خْباله
أرفعه وارجع أذلّه وارفعه وآذلّه لين أسمع مرّتين بأذني يا هي حاله
ولو بغاني هو رقى لي والاّ انا ما انزِلْ له لا له انزِلْ لا له ولا ألف من أشكاله
ذا طريقي من عرفتك والطريق تْدلّه الطريق اللي تدلّه لازم ان تسعى له
خِذْ من الشاعر كلامه والاّ حبّه خَلّه أنا آحبّك .. لا حبيبي لا ولا اللّه قاله
كيف أجيك
كيف أجيك و كيف أنا أبدأ في غرامك كيف قلى أبتديلك بالكلام
لك أسلم بس ما جاني سلامك يعني مستكثر على كلمة سلام
وش أسوي حتى أستدعى إهتمامك و أفتح الموضوع يابدر التمام
أبتسملك أو أقاطع في كلامك أو أجيك أب كلمه فيها إحترام
ماقدرت أبعد مادامني أمامك و لا قدرت أذكر مافاهيم الغرام
حرت بك و أحترت بك خلى مادامك مايهمك من غدى بحبك حطام
أبتدى بك حب ياعمري علامك ما تحس إحساس من صابه هيام
كان عن كل الهوى صار إعتصامك ما طلبتك غير و عليك السلام
الليل
لليل وعيونك وأنا كلن بكى وقت الوداع عيون تخفي دمعها وعيون تجهر بالدموع
يا وحشة الفرقى ويا درب المتاهة والضياع الله يصبر عاشق قلبه من الفرقى جذوع
الواقع أقسى من القسى جارح وغمده الامتناع السيف ظامي والزمن يفرض على نفسه الخضوع
لاحس صوت ولا صدى ولا فاد حتى الاستماع الصمت اقرب للرضا والصبر عادات القنوع
في غيبتك يا لهفتي ليلي معاناة وصراع وحدي امنّي وحدتي بأحلام وصلك والرجوع
هل أنت ضيعت الرجاء أو للأمل عندك شعاع اليأس طفى شمعتك ولا بقت بعض الشموع
أبشرك يا صاحبي واطلب من الفرقى الوداع والليل وعيونك وأنا نمطر من الفرحة دموع
من يحبك
من يحبك كثر ما حبك انا و مين بحبك حاول و ياما اجتهد
ومن في عينه شوفتك كل المنى لا و رب العرش ما غيري احد
انت شوفي و انت عمري و الهنا يا جسد بي روح و لروحي جسد
و انت عيني و انت نوري و السنا و انت اسبابي اذا حبي خمد
و انت ميعادي و سهدي و العنى و انت تعذيبي و صبري و الجلد
و انت راحاتي و روحي و الظنى و انت الاول ما به قبل و بعد
لمنا جو الــــمـــحبه و ضــــــمنا و من بعد قربك انا كيف ابتعد
شوف ما كبر يا حبيبي عشقنا فاق كل العشق وحده و انفرد
لو يوزع ع البسيط حبنا مابقى حد اذكره كره احد
ارتجاليه فزاع
تـلـفـونـي
يا مرحبـا يـا مغلـط فـي تلفونـي مسموح .. مسموح والغلطات عفويـه
صفريين تسعه سته و سته تموني الرقـم هـذا فتـح خـط السعوديـة
ان قلت لبيـك آمـر هـذي عيونـي فتحت ذا القلب والنيـه علـى النيـه
خليت لك في الحنايا بصمـه ولونـي تفرق على لون دمـي فـي مجاريـه
خليت لك يا حبيبـي بيـت فرعونـي يخربط الناس في الروحـات والجيـه
وخليت لك في عيوني ركب وضعوني تزعل وتنزل تحـت جفنـي وفوقيـه
يا صاحبي وان نشدني طيفك شلونـي اقـول طيـب وطيفـك فيـه ماريـه
ماريـه يـوم تقبـل تجـذب لحونـي واجر له من لحـون الشـوق قافيـه
بيحت يا قاصـد الغلطـات مكنونـي وانا رومنسي احب اهـل الرومنسيـه
من دونك اعيش وانت تعيش من دوني يا لين اوحيت صوتك يا لعنبـو حيـه
رجت زوايا خفوقي وانشـد ركونـي وانا ولد شيخ لـي هيبـه وشخصيـه
الارض ارضي والكون المرجله كوني لكـن الحـب والعاشـق وطـاريـه
تكفـون يـا نـاس بالله لا لا تلمونـي الصدفه اللـي بلانـي عـاد جبريـه
سموني العاشـق المغـرم وسمونـي الشاعـر اللـي قصايـده ارتجالـيـه
قنابل من فكـر راسـي ومضمونـي لكـن قنابـل غرامـه هـي بـذريـه
واغني البيـت متواكـب وموزونـي مبـدع ومجنـون وافكـاري خياليـه
يا نجد ودي اغني بـك علـى هونـي حورية الارض فوق الارض نجديـه
دموع المحبين
منابـع دمـوع المحبيـن عيـنـي تبكي على نفسي و تبكي على الغير
وعن الغلا يـا ساريـه خبرينـي هل عاد له فب القلوب الحباب تاثير
قلب الفراق اللي غدى لـه حنينـي ظميلن و القصه ماهي جمة البيـر
لكنهـا شـوق يـدفـه ضنيـنـي يا لله عساها ما تطـول المشاويـر
نوارتي..تجمـعـي و اجمعيـنـي و تغطرسي على جميـع النواويـر
مالي عذر حتى اقـول اعذرينـي بس احفظي تركيبة البيت الاخيـر
اشرف مثـل مقاصـده تحتوينـي قل العطا ... و لا كبار المعاذيـر
خلي علاملت الشقـا فـي جبينـي عطر و بساتين وورود و عصافير
ابي اشـوف العيـد فـي مقليتنـي و اركب لقلبي جنلحيـن و اطيـر
و ابي اعيش العمرما عـاد فينـي اصـادم الايــام والا المقـاديـر
يا مشغله خـط الغـرام اشغلينـي تـراي جـوال بلـيـا فواتـيـر
تمردي على النظر وسـط عينـي و تعددي علـى وجيـه الجماهيـر
لان المنـام اللـي بغيتـه يجينـيعي ا يجيني ليـن مسيـت بالخيـر
قنبله
يا وقت يا شاري الفرح من نفسي المخدوعه أبيع لك وارجى الأمل في البسمه الخداعـه
إذا حسبت اللي عطيتك ضعت في مجموعه أعطي ولا حصلت من ذاك العطـا أرباعـه
يا قنبله وسط الحنايا في الحشـا مزروعـه دايم اداريها واخاف إن تنفجر فـي ساعـه
ما دامت الفرحـه علـي بسبتـك ممنوعـه يا وقت وش يفرقك عن فعل الردي واطماعه
سبة هنوف لا سرت ليلي سـرى بجموعـه شوق ووله مع عبرة فـي خافقـي نزاعـه
خل ملكني في مياديـن الهـوى وشروعـه عيني له مصيفه وفي روض الحشا مرباعه
طيبه جذبني له وماشي راضي في طوعـه والا لغيره لا حشا ما لي أبـد مـن طاعـه
يا عيـن حـر قدتحقـق م البعـاد طلوعـه في رمش عينك عاشقك متحـدي مضياعـه
والعنق هو عنق الدماني لا انفرت مفزوعـه والا غزال سامع صوت القنيـض وراعـه
قلبي لشوفك كم يفـز وينصـدم بضلوعـه بتشتت شعوري ويصعب يا ضنيني رجاعـه
محبتـك لا هـي بمنحوتـه ولا مطبوعـه تسري بدمي ثم تغذي لي الجسم با جماعـه
نفسي من بعادك تراها يا الغـلا موجوعـه من هو يحس بحالة محـب تزيـد اوجاعـه
ما هوب انا اللي تفضحه عينه ولا دموعـه لو ان عيني من صروف حكايتـك دماعـه
مريم
الحـلا يحتويهـا و الغـلا يرتجيها شيخة الحسـن مريـم الله الله عليهـا
عيدها عيد ثاني بين القلب و محانـي قلت اسبق التهاني و اتعنـى و اجيهـا
يا البنات الصبايا عنـدي اهـا هد ايـا ما طارت الرواية و استحيت اهاديهـا
لان مريـم هديـه مـن الـه البريـا القلوب النديـه لـو ظمـت ترتويهـا
نور شمس تعلـى فـوق بـدر تجـلا دونه الوصف ولا غايه في الحسن فيها
من دكر من اسلافي وارف الظل وافيا بتديهـا القوافـي قبـل لا يبتديـهـا
الصبا مال بانه و قلت انـا خيزارانـه سمـو دبـي دانـه لا مريـم عليهـا
بحر النسيان
ماكنك الا شـوق فـي بحـر نسيـان كـل المشاعـر قبـل لا قلـت لبتـك
قبل المحبـة تمتلـك حـس الانسـان كل الحواس الخمـس ياشـوق حبتـك
قبل لا اتعنون صرت لـروح عنـوان مدام لي في وسـط الاحسـاس رفتـك
من سبتك غيـرت انـا اسـم حمـدان ليـن اعرفونـي باسـم فـزاع سبتـك
انـت بمكـان ويطلـع البـدر بمكـان واذا طلعـت يضيـع نـوره بهيبـتـك
منت بلـون الشمـس وقـت المسيـان استغفر الله الشمـس بالنـور صبتـك
كن العمر لحظـة اذا معـك سهـران وكن السهر عمر في لحظـات غيبتـك
ان جيت صوبي صرت لك دار واوطان وان رحت عني صرت بعدك وقربـك
قالوا تحت الاضلاع ماتنبـت اغصـان قلي وش اللي تحت الاضـلاع نبتـك
قبل الندى يصبح على الـورد ولهـان شميت طيب الورد مـن اصـل طيبـك
شفتـك وعاتبـت الليالـي والازمـان ويـن الليالـي كـل هالوقـت خبتـك
ومن سبتك غيرت انـا اسـم حمـدان ليـن اعرفونـي باسـم فـزاع سبتـك
بركان الغلا
يفوح بركان الغـلا والصـدر فـاح ويضيق من ليل الجفا كـون فسيـح
يا معود عينـي علـى قـل المـراح ويميل غصنك ويتعلـق بـه جريـح
وش فيك تاخذني على ريش وجنـاح شلون أطيح فراق و أنـا مـا أطيـح
طاح الضيا على جبينـك واستـراح والليل من بيـن الجدايـل مستريـح
يعني جمعت الليل بأنفـاس الصبـاح حتـى تجسـد فيـك معنـاه المليـح
الفرحة إلـي كنهـا طعـم النجـاح والمده الي تجـرح الكـف الشحيـح
مفاتنك سحـر لكـن سحـر مبـاح عليك أسمي منهـل الوجـه القبيـح
يا أعذب من الماء في مصبه يوم ساح يوم استبحت القلب وش لـه تستبيـح
اجتحتنـي واتقنـت فـن الاجتيـاح واتعبتني وانـا سـدودي مـا تبيـح
متعود تتـرك علـى قلبـي جـراح ذبـاح روح وتمشـي بـدم الجريـح
أشوفـك بعيـن الغـلا والإرتـيـاح و أنسى الطعون إلي أنا فيني فحيـح
أستوعب أخطائك وأطالبـك السمـاح ويطغى على كيل الهجاء كيل المديـح
لا لاح براقـك وبـرق الشعـر لاح أصرخ من الأعماق و أقول الصحيح
إنـك مليـح وتعتبـر سيـد المـلاح تستقبلـك أفـواه ويضيـع المـديـح
فارس إبن فارس
فز الشبل من صكّت الحلقه على الابطان يوم الشجاعة تنهزم وتزلزل الابطال
يومٍ تخربط يا عرب تتغيّر الأوزان رد الشبل في زمجره متحدّي الزلزال
فزّ الشبل (أحمد) بقوّه ترعب الميدان وذاك الأسد قايد يحرّك بيده الأشبال
وقام التحدّي في جبالٍ خوّفت فرسان و(احمد) بعزمه إنفرد وابعد شرات اللال
لا ما يهمّه صعب كل الصعب تحته هان والنصر ما جابه صدف جابه بطولة بال
يخضع له الفوز بفخر من سالف الأزمان تاجي وعزّي ومنهجي، يا غيثي الهمّال
شيخي وابوي (محمّد) اللي للنصر عنوان في عيونه يبان التحدّي والصبر وآمال
واحمد تعلّى واعتلى هو فارس الشبّان في عيونه يبان التحدّي والصبر وآمال
أنا اشهد انّه عاش ع صهوة فرس وعنان ولا يْبيّن الرجّال كود ان كان ابن رجّال
ولا اظن بان السيل يجري دونه الوديان وحنّا إذا قلنا تراه أقوالنا أفعال
مازان هو بالفوز والله الفوز باسمه زان يختال هو بالفوز.. لا إلفوز به يختال
المجد كل المجد من (أحمد) بنى له شان والعز كل العز من (أحمد) خصاله نال
ما خاب ظنّي فيه يوم الصبح نوره بان الصبح يفرح يوم شاف (احمد) بخيله صال
له غنّت حروف القصيده باعذب الألحان والنعم باحمد قلتها والحق به ينقال
فارس ابن فارس إذا قالوا فلان فلان أحمد بن محمد ابن راشد ياحيّ الفال
يومٍ عزيته فزّ قال انّي أخو حمدان أنا اشهد ان الفوز باهدي لك على كل حال
ويـن أنت
وين أنت ياللي كل ما قلت .. وين أنت حتى السؤال يقول وين الأجابه
عامين ضايق و أنت لليوم ما بنت و هي حالتي بين الحزن و الكـابه
ليش أنت بعيون المخاليق ما شنت في عين من حبك سرابه ..سرابه
لو لا الغلا يا صاحبي ما تمكنت صداً من الهجران صاير خرابه
عود علي أنا أترياك لاهنت الحال واحد والظروف أتشابه
إذا سألت تحبني قلت لي كنت وأنا ابتسم من باب حب الدعابه
وأن خنتني أعلم ترى ما بعد خنت ألا معك لكن خونت ذرابه
خنتك مع طيفك بعد ما تيقنت أنك علي بعد الثرى و السحابه
أكبر خطأ محبتك وأنت ما صنت حباً يخلده المشيب أ لشبابه
تدري آش يغيض الرجل في هوى البنت انه يعيش في واقعاً ما درابه
لكننا وش أنا وش أنت هذا السؤال إللي يبيله إجابه
قلوب ومحاني
الحب ما يسكـن قلـوب ومحانـي الحب أسمى عاطفه تسكن الـرّوح
يا حبّك اللّي كـل ما أظمـا سقانـي سراب لال ودرب مهجور ونزوح
ما اقول منك اللـّي لفانـي كفانـي لأنّي أحبك هجر وعنـاد وجـروح
إن غبت عنّي طال عمـر الثّوانـي تقول عمر الثّانية من عمـر نـوح
وان جيتني مـرّت ليالـي زمانـي ما كنّها إلا البـرد بعيونـي تلـوح
قبل الجفا عذرك سبقنـي وجانـي لا تعتذر ذنبك من العـام مسمـوح
أبني على شوفك صروح الأمانـي وشلون ما تبني على شوفي صروح
إن كان غيري عوّضك عن حنانـي ما عاضني غيرك من الغيد مملوح
إنت الأخير .... وانتـه الأوّلانـي لو كان حبّك حد قلبي على الصّوح
والله مـا بـاح بغرامـك لسانـي إلا عيونـي دوم يطرونـك تبـوح
كتمت سرّك لين دمعـي عصانـي راعي الهوى لو يكتم السر مفضوح
لا تلوم قلب جـر فيـك الأغانـي حتّى الحمام يجرّه الشوق وينـوح
لاتندفع
لا تندفع و تقول كلمة احبك و انته تظن اني انا و انت اغرب
ادرس دراسه بين قلبي و قلبك و عقب الدراسه ينولد بينا اعجاب
خلي القلوب تعيش قربي و قربك و خلي الشهد من وجنة العمر ينساب
خلي التلاقي بين دربي و دربك او باختصار اقول خلينا اقراب
يا شمس شوف القلب كيف انعجبك شوفه حبيبي كيف بمحبتك ذاب
شوف القصايد كلها تــنــكــتـبـك و انت لقلبي غالق كل الابواب
سهم الغرام اليوم دامر ارتفع بك و انت تايس في القشق دون اسباب
معنى احبك يعني مـعنى احبك و حلو الدلع يا سيدي بين الاحباب
لحن المفارق
بنـت تمـر الضلـوع وبيتـهـا بيتـهـا ما غيرتها السنين وما تغيرت وما تغيرت أنا
يـوم اكشفـت عـن مفاتنهـا وضميتـهـا قالت لي الحب وش هو قلت بيـت الهنـا
يا ليـت مالـي خفـوق ينبـض و ليتهـا إلا نعس رمشهـا مـا عـاد تسـرد بنـا
يغـار قميصهـا مـن لـمـس جاكيتـهـا لا هزت كتوفهـا كبـر ودلـع و اغتنـى
خصـر مـن الشـوق ذا مالـو تماديتهـا إن أقبـل الله لنـا وإن أدبــر الله لـنـا
أغلى المزايين و أحلاهـم شهـر صيتهـا فديـرة الخصـر و الأرداف طفـرة بنـا
قالت يا زين المطر قـال المطـر جيتهـا لين السحب حاصرتها مـن هنـاك وهنـا
قلـت لسنـا الشمـس علمنـي لا مريتهـاأبغي أشوف السنـا لا مـن تعانـق سنـا
خلتنـي البارحـة و أنـا مــا خليتـهـا غنيـت لحـن المفـارق والهجـر والعنـا
لي الحيـن وانـا ضلوعـي بيتهـا بيتهـا مـا غيرتهـا السنيـن ومـا تغيـرت انـا
.
.
.
انشاء اللة تحوز على رضى الجميع
$$e
روز
: 
: 
: