[INDENT]ياللي على وجهي قريتي كل صفحات الشقى ...

اقري وانا بكتب قصيده وبشعل الساحه حريق ...

باقي كثر اللي راح واللي راح كثر اللي بقى ...

ومن ما وصلت لغايتي باموت في نصف الطريق ...

يا بنت يوم امطر غلاك بقلب الوجدان وسقى ...

تدرين وش سبه شقاه وسبه الجرح العميق ...

شقاه من يمناه واسم الشيخ والنفس محقى ...

والجرح منك يا اعذب العذبات يالموت الرقيق ...

يا بنت ما دام البدو تخلف هقاوي من هقى ...

وانا بدوي متني يشيل من الزمن ما لا يطيق ...

ابا افتخر حنا بدو نعشق على وضح النقى ...

حنا بدو فينا الولد للقمه العليا عشيق ...

حنا بدو فينا الولد لو شاف موته ما تقى ...

حنا بدو فينا الولد يرق ولو ماله رفيق ...

حنا بدو فينا الولد لا من رقى رقى رقى ...

لين يوصل غايته لو كان في قمه طويق ...

يابنت جيتك وثمن عمري ابي ليله لقلى ...

يما كذا ولا بلاش من الصداقه والصديق ...

ساعه تبسمتي وشفت الجمر والثلج اصدقى...

قلت اشهد ان الموت حق وصحت لك صيحه غريق ...

واعتقت دمعي والزعل والحزن لرضاك اعتقى ...

وابطت عيوني في عيونك يا عساها ما تبين ...

وامنت باللي سخرك تقرين كل صفحات الشقى ...

واشعلت بردي في دفاك بمحبه الساحه حريق ...


اســـــــــــــــــــــــــــــ الاحــــــــــــــــــــــزان ــــــــــــــــــــــــير
[/INDENT]

اشكركم على الردود