#ليش الدنيا ما ترحم#

    • #ليش الدنيا ما ترحم#

      ليش الدنيا ما ترحم
      هيهات يالدنيـا ومافيـك هيهـات
      اهات واحزان وجـروح وغرابيـل
      اخـذت بالدنيـا مراحـل وسجـــات
      وماريحونـا شلـة القـال والقيـل
      اهل النمايـم والفتـن والوشايـات
      ياكثـر ماقالـو هـروج وتهاويـل
      ياكثر ماراحـت وياكثـر ماجـــات
      وياكثـر ماقالـت علينـا اقاويـل
      وين الرجال اهل الوفا والشكـالات
      اللي لهم بالطيب صيـت ومداهيـل
      اللي لهم في موقف الطيب وقفـات
      اللي على شان الوفاء تتعب الخيـل
      مسايـر الذربــان متعـه ولــذات
      اختار لك من خيرة الناس حلحيـل
      روحه مع روحك لياجاك صدمـات
      ياقف مواقيفك ومن حملـك يشيـل
      اللي له بكـل المواقيـف بصمـات
      انا اشهد انه سيـد كـل الرجاجيـل
      وابعد عن الحاسد وعن كل شمـات
      اللي على موتـك يغنـي مواويـل
      الموقف اللي زود الحـزن غصـات
      اشكي منه ودموع عينـي هماليـل
      لا ما ذكرت الموقـف اجـر ونـات
      افز مع طاريـه واساهـر اسهيـل
      ابكي على الايـام واهـل عبـرات
      والله يبـدل حالـة الحـزن تبديـل
      الحزن يالاجـواد سوابـي اسـوات
      هذي حقيقـة واقعـي دون تمثيـل
      ماني بلاحي ولا قيـل لـي مـات
      اصبر علـى صكاتهـا والبهاذيـل
      الحزن بيّن فـي حياتـي علامـات
      واصبح سمات الوقت من غير تحليل
      اللي بقى من العمر يروح حسـرات
      من زود جور الوقت والهم والميـل
      انا تبينـي كـل الاحـزان بالـذات
      تقصدني الاحزان تقبل كمـا السيـل
      علامـة بالخـد نقطـه وشامـات
      وعلامة في القلب تدميـه بالحيـل
      قضيت عمري بين حـزن وتنهـات
      خسارة الايام مـن غيـر تحصيـل
      مابين صيحات وما بيـن اهـاااات
      حتى استوى عندي نهاري مع الليل
      جرحي عميق وداخل الصدر كدمات
      ياقلبي اصبر عل في الوقت تعديـل
      اتابع الاهـاااات واصيـح صيحـات
      وانا صبرت وطافح عنـدي الكيـل
      الصبر له حد وانا احتـاج فزعـات
      وضاع الامل مابين جحـاد وبخيـل
      ناس عرفناهـا تحـب الاشاعـات
      وتعدل بالاخبار وتضيـف تسجيـل
      ناس تولف بالقصـص والحكايـات
      واكبر مصيبه جاتنا بكذبـة ابريـل
      وقامت لكذبتهـا تسـوي دعايـات
      لعلهـا تبقـى لجيـل بثـر جيـل
      يامجتمعنـا والله انهـا دخـيـلات
      ماهي بمنا جعلها المـوت والويـل
      ياسامعي لاتضيع بيـن المتاهـت
      من صدق الجهال ملقـوف وخبيـل
      انا يكفينـي مـن العمـر ساعـات
      اعيشها وافرح مع اهل المواصيـل
      كم عشت بالدنيا صعاب ومشقـات
      وخلتنـي الايـام مطـواع وحليـل
      نصيحتي لاتضيع الوقـت نزهـات
      الوقت غالي والعمر عنـدك دخيـل
      الله يبدل حـزن الايـام بمسمـات
      دام الامل نـزرع بساتيـن ونخيـل
      وختامها صلـو كثيـر الصـلاوات
      علـى نبـي علـم الحـق والفيـل

      .........
      هاي القصيده خاصه لأهل الغيبه والنميمه ويطعنوا في أعراض الناس..............

      عجبتني ونقلتها