لو سمحتوا.......

    • هلا باللي لفانا

      بولنده

      بحثت وسألت ووجدت هاتين القصيدتين
      للشاعره نهى نبيل

      الأولى حكي جياكر
      **************

      ويقولوا إن الزين بس للصبايا
      حكي الجياكر صدق ماخوذ خيره
      عندي حبيب فيه كل المزايا
      فوق الشهامه اشهد انه دميره
      له ضحكة تسوى سواة وسوايا
      (( ورزة عقال ماهي لحد غيـــــــره))
      وغمازيتين هناك صوب الشفايا
      ونظرات عين يالخلايق خطيره
      ودي اشوفه كل لحظه معايا
      عيني بصيره وبس اليد قصيره
      صرت المحه في عين كل الزوايا
      واموت لاجا ذكره باي سيره
      اترك عشانه كل عمري ورايا
      وابني له بوسط الحشا الف ديره
      سبحان من خلى الحسن فيه ايه
      قلبي هواه ومدري وش هو مصيره
      من يوم شفته الوصل صار غايه
      ورسمت في لحظه اماني كثيره
      واطنني تناسيت كل البلايا
      وعيوبه صارت في عيوني صغيره
      ((كحيان))((ومنتف )) قليل العطايا
      مير اشعر بظله كني اميــــــــــــــــــره
      يرمي سهام العشق احسن رمايه
      ((وينيشن ))قليبي وينثر عبيــــــــــره
      كم مرة يحلف مالي سوايا
      ولاجا يناديني ينادي سميـــــــــــــــــــــــره
      لكن احبه يا بلاه وبلايا
      وابقى اتحمل سلبيات كثيــــــــــــــــــــــــــــــره
      لاني وهبته الروح واجمل الهدايا
      حبي مع اخلاص على شوية غيـــــــــــــــــره
      وصرت اعذره واهيم به في عمايا
      واقول يرجع لي ويعقل مسيــــــــــــــــره
      جنن قلوب الناس واحلى صبايا...
      وعذب لي قليبي وملعوووووون خيره ...!!



      والثانية سكسوكه
      ********
      [B]هذاك المـار قدَامـي ولـه نظـرات قتالـه
      له سكسوكتن حلوه بأقصى الوجه مرتسمـة
      حرمني النوم في ليلي.حرمني النوم عقبالـه
      يحس الشوق في صدره ذبحه وزاد في همه
      أحب أمه أحب عمه أحب جده وأحـب خالـه
      أموت بنظره عيونه واعشق كل حروف اسمه
      أحب جِده وأحب هزله,أذوب وحالتـي حالـه
      وإذا يطروه قدامي أحـس بداخلـي صدمـه
      ذبحني بكثر ماشتاقه.ذبحني بكثـرة أشغالـه
      شغلني جنن قليبي,فصلني من على الخدمـة
      ياليت أقدر أصير بيـوم شيٍـن دايـم قبالـة
      وراه بكل مكان يروح شيٍـن غالـي يهمـه
      ياليتي ساعـةٍ بيـده أو ارقامـن بجوَالـه
      يطقطقني على كيفه ولا أحفظ سـوى رقمـه
      أنا ادري انه يعاني وأدري صعبـه أحوالـه
      قلبي مايطاوعنـي يبـي دايـم اهـو يمَـه
      أنـا مايهمنـي ربعـه وعذالـي وعـذالـه
      أحبه بكل جنون الحب والإحسـاس والذمـة
      صحيح انه يكذِبنـي و ظنونـه علـى بالـه
      لكني بعلمـه كيـف هـو دمِـي وأنادمَـه
      يقـول إنـي أنـا أنسى!فـال الله ولا فالـه
      لو بانسى أنا نفسي ما أنسـى أبـد رسمـه
      ياقلبي شوفلي حلنٍ بحبـنٍ صارلـي عالـه
      ياإمَا تجيبه لعنـدي.وإلا اطلبـه مـن أمـه

      أعتقد انك تبحثين عن القصيدة الثانية
      اتمنى ان تكون هي...:)


      ومساؤكم ورد


      [/B]