يـــــــــــــا هيه اسمعني وزت السجاره

ارمه مــــــن ايدك دون متقول لي ليش

زهب لنا الدلـــــــــــــــــــه وزود بهاره

بــــــدل شريط الحزن او بسحب الفيش

لا تدمــــــــــــــــــر الخفاق وتشب ناره

اليوم مــــــــا به غير ضحكٍ وتحشيش

وحيّد عـــــــــــن علوم العمل والتجاره

لا تقول كــــــم وبيش ولا قول لك بيش

العمر ساير بين ربــــــــــــــح وخساره

ما شفت كبر الجيش وما كــن به جيش

واللي علــــــــــــى العُزّل يشدد حصاره

والشرطي اللـي مطنش الوضع تطنيش

هذا يذوق الموت وذا لــــــــــــه عماره

عطني حجار الدومنه ما بها شيش!

نادي علــــــــــــى عوده وطرِش لجاره

بزهب اوراق اللعـــــــــب دون تغشيش

طرنيب ولا هند منــــــــــــــــك اختياره

عوده بيقلب لعبــــــــــــة الهند تفريش

ودك علـــــــــــى الطرنيب كارك وكاره

مــــــــــــا ني بلاعبها ابي لقمة العيش

وراعي المخالب زاهيٍ بـــــــــه شقاره

يــــــــــا قدرة الله يفتك الريش بالريش

أقول لك يــــــــا سعود عطني السجاره

يطري علـــي راعي الطبوع المناغيش

الجاذل اللــــــــــي مــــــــا يرد الزيارة

تدري حياته كنها لحظــــــــــــة الطيش

يرخي المسامع صوب هــــرج العياره

كنه يحوش كايد الهـــــــــــــــم تحويش

يخطي عليّ ولا لفانــــــــــــي إعتذاره

مــــــــن زود مابي أكيش العذر تكييش

كنت أحسب الطيبــــــــه تعدل مساره

وثرة نوى بــــــــي ما نوت قبله قريش