هاقصه عيبتني ونقلتها
7
7
استيقظت ذات عصريتن وانا ما بين نايمتن وقايمتن افرّك في هالعيون واحكحك في هالكشه والقمل يزاعقون ويصايحون " جعلش المرض وش عندش مزعجتنا"
وتدخل امي وتلقي علي الموشح المعتاد
" نهارش رقاد .. وليليش سهاد .. لا قعاده مع هلش .....
انا ******** ولا قيامن مع العباد
خخخخخخخخخ يمه حفظتها من كثر ما تقولينها
امي ******** قومي طاح حظش في قوطين مسدود مزبورن رجة قرود
انا ******** خخخخخخخخخخخخخ
يمه وش دخل القرود في القوطي ؟
امي ******** قومي بلا لكاعه وش دراسش انتي ذا لزوم السجع
اخلصي علينا اليوم بنروح نتمشى.
انا ******** احلى يا نتمشى
وين؟
امي ******** في ربوع بلادي .. قومي بس اخلصي لا تاخريننا
وانا اللي انط ذيك النطه واطير اغسل وجهي وماش ما فيني ذاك النشاط . وابوي راكب السياره واخواني مرتزين ويظّربون انواع الهرنات وانا بالقوه اتسحب.. وفي طريقي روحت اخوي للبقاله وقلت له جب لي شي بارد بسرعه قبل نروح واركب السياره واخوي يعطيني ذاك القوطي.
انا ******** يدك على الباقي
اخوي ******** ما بقى الا ريال وخذته
انا ******** عمن عماك ذا القوطي بأربعه
واعاين فيه الا مكتوب عليه شراب القوه . قلت خل اشربه واشوف وش زوده يوم يخلوه بأربعه .
ومن شربته الا واحس بشي يدغدغ يخليني ودي انط وافزع واسوي كل شي.
ومن وصلنا قمت اطامر اخواني واحول اول وحده وأشيل زمزميات القهوه والشاهي عن امي وامي مستغربه خايفه تقول شي واهوّن.
وأشيل كل الاغراض واسبقهم واقص التذاكر وادخّل اخواني قدامي وافرّ المنتزه لين حصلت مكان حلو واحط الاغراض فيه ومن قوّه الحطّه تكسرت زمزميات امي وفناجيلها وبيالاتها و حصلت المقسوم من امي..
"بيني وبينكم هو ضاق صدري شوي بس ما علي من احد شديده"
ورحت اتمشى الا واشوف لكم ذيك العجيز اللي يالله تمشي وماده يدها وانا اللي تاخذني النخوه و القط يدها واقول " يدش يا خاله وش بغيتي ؟"
وما دريت الا وانا متكرفسه على وجهي والحرمه جنبي .
الحرمه ******** جعلك العمى ما تشوفين يالملقوفه **************************** طلعت بنت صغيره توها لابسه العبايه وتتعلم على السكيتي
وزي ما قلت لكم انا ما همني يا جبل ما يهزك ريح واقوم كن ما صار شي وأكمل طريقي بكل ثقه يمكن احد يحتاج مساعدتي..
الا وأشوف لكم ذيك البنت المسيكينه تمشي مسرعه وخايفه ووراها واحد يلاحقها وهي تمشي وهو يمشي وأنا ولا يهمكم امشي وراهم.. ما راح اخلي البنت لحالها وما دريت الا ويحط يده على كتفها ويقول " لي متى بتمشين .. هنا حلو ما فيه احد يا حلوه "
والبنت تطالعه وهي خايفه وعيونها تلاقط وتقول " لا ما ابي "
واخبط الرجال بشنطتي على وجهه وانا ازاعق " يا قليل الحيا ياللي ما تستحي على وجهك "
واقول للبنت " لا تخافين بسرعه انحاشي لهلش
والبنت ما تحركت ما غير تطالع فيني هي وايا الرجال...؟؟؟؟
ما يحتاج اقول وش صار .. طلع الرجال زوجها وانا على قولتهم مالك الا غبرتها...
وانا امشي قلت خلاص بلا فزعات بلا هم وما دريت الا وألقى ذيك البنيه الصغيره ام سنتين في المسبح لحالها تغوص وتطفح
انا اطالع.. قلت لا تتسرعين يا بنت خاف البنيه تمزح والا تستعرض وتسوي حركه
واناظر وماش البنت تغرق
البنت تغرق ************ وازعق واتلفت حولي ومابه احد.
قلت افزعي يابنت قبل ما تروح الروح . وأطب في المسبح بعباتي سبحت شوي وانا في نص المسبح تذكرت اني ما اعرف اسبح وقمت اطوفح واغوص مع البنت .. مره هي تطفح وانا اغوص ومره انا اطفح وهي تغوص قعدنا ثنتينا في مراجيح شوي الا وينتبهون لنا الناس ويطبون الجهال ويطلعون البنيه وانا جاني ولد ابو عشر سنين وقال وقفي على رجليك ترى الماي مو غزير .. ويوم مديت رجلي الا المويه يالله توصل بطني الله يفشلني.
وأطالع الا والناس تناظر وانا شكلي نكته . عباتي طايحه على كتوفي ونقابي مايل طالعه عيون وحده وخشم وعلى جنب اذني طالعه مدري وشلون طلعت واقوم اتزين واطلع وانا اتنافظ واقوطر ونعالي مليانه مويه .. فصختها وكبيت المويه حتى طلع سمك بعد وامشي وانا بردانه وبراطمي زرق وتتهزهز لين وصلت اهلي وانا اقول :
"مشينا لبيتنا بس لا بارك الله فيه من باور هورس ذا باور خرطي
7
7
استيقظت ذات عصريتن وانا ما بين نايمتن وقايمتن افرّك في هالعيون واحكحك في هالكشه والقمل يزاعقون ويصايحون " جعلش المرض وش عندش مزعجتنا"
وتدخل امي وتلقي علي الموشح المعتاد
" نهارش رقاد .. وليليش سهاد .. لا قعاده مع هلش .....
انا ******** ولا قيامن مع العباد
خخخخخخخخخ يمه حفظتها من كثر ما تقولينها
امي ******** قومي طاح حظش في قوطين مسدود مزبورن رجة قرود
انا ******** خخخخخخخخخخخخخ
يمه وش دخل القرود في القوطي ؟
امي ******** قومي بلا لكاعه وش دراسش انتي ذا لزوم السجع
اخلصي علينا اليوم بنروح نتمشى.
انا ******** احلى يا نتمشى
وين؟
امي ******** في ربوع بلادي .. قومي بس اخلصي لا تاخريننا
وانا اللي انط ذيك النطه واطير اغسل وجهي وماش ما فيني ذاك النشاط . وابوي راكب السياره واخواني مرتزين ويظّربون انواع الهرنات وانا بالقوه اتسحب.. وفي طريقي روحت اخوي للبقاله وقلت له جب لي شي بارد بسرعه قبل نروح واركب السياره واخوي يعطيني ذاك القوطي.
انا ******** يدك على الباقي
اخوي ******** ما بقى الا ريال وخذته
انا ******** عمن عماك ذا القوطي بأربعه
واعاين فيه الا مكتوب عليه شراب القوه . قلت خل اشربه واشوف وش زوده يوم يخلوه بأربعه .
ومن شربته الا واحس بشي يدغدغ يخليني ودي انط وافزع واسوي كل شي.
ومن وصلنا قمت اطامر اخواني واحول اول وحده وأشيل زمزميات القهوه والشاهي عن امي وامي مستغربه خايفه تقول شي واهوّن.
وأشيل كل الاغراض واسبقهم واقص التذاكر وادخّل اخواني قدامي وافرّ المنتزه لين حصلت مكان حلو واحط الاغراض فيه ومن قوّه الحطّه تكسرت زمزميات امي وفناجيلها وبيالاتها و حصلت المقسوم من امي..
"بيني وبينكم هو ضاق صدري شوي بس ما علي من احد شديده"
ورحت اتمشى الا واشوف لكم ذيك العجيز اللي يالله تمشي وماده يدها وانا اللي تاخذني النخوه و القط يدها واقول " يدش يا خاله وش بغيتي ؟"
وما دريت الا وانا متكرفسه على وجهي والحرمه جنبي .
الحرمه ******** جعلك العمى ما تشوفين يالملقوفه **************************** طلعت بنت صغيره توها لابسه العبايه وتتعلم على السكيتي
وزي ما قلت لكم انا ما همني يا جبل ما يهزك ريح واقوم كن ما صار شي وأكمل طريقي بكل ثقه يمكن احد يحتاج مساعدتي..
الا وأشوف لكم ذيك البنت المسيكينه تمشي مسرعه وخايفه ووراها واحد يلاحقها وهي تمشي وهو يمشي وأنا ولا يهمكم امشي وراهم.. ما راح اخلي البنت لحالها وما دريت الا ويحط يده على كتفها ويقول " لي متى بتمشين .. هنا حلو ما فيه احد يا حلوه "
والبنت تطالعه وهي خايفه وعيونها تلاقط وتقول " لا ما ابي "
واخبط الرجال بشنطتي على وجهه وانا ازاعق " يا قليل الحيا ياللي ما تستحي على وجهك "
واقول للبنت " لا تخافين بسرعه انحاشي لهلش
والبنت ما تحركت ما غير تطالع فيني هي وايا الرجال...؟؟؟؟
ما يحتاج اقول وش صار .. طلع الرجال زوجها وانا على قولتهم مالك الا غبرتها...
وانا امشي قلت خلاص بلا فزعات بلا هم وما دريت الا وألقى ذيك البنيه الصغيره ام سنتين في المسبح لحالها تغوص وتطفح
انا اطالع.. قلت لا تتسرعين يا بنت خاف البنيه تمزح والا تستعرض وتسوي حركه
واناظر وماش البنت تغرق
البنت تغرق ************ وازعق واتلفت حولي ومابه احد.
قلت افزعي يابنت قبل ما تروح الروح . وأطب في المسبح بعباتي سبحت شوي وانا في نص المسبح تذكرت اني ما اعرف اسبح وقمت اطوفح واغوص مع البنت .. مره هي تطفح وانا اغوص ومره انا اطفح وهي تغوص قعدنا ثنتينا في مراجيح شوي الا وينتبهون لنا الناس ويطبون الجهال ويطلعون البنيه وانا جاني ولد ابو عشر سنين وقال وقفي على رجليك ترى الماي مو غزير .. ويوم مديت رجلي الا المويه يالله توصل بطني الله يفشلني.
وأطالع الا والناس تناظر وانا شكلي نكته . عباتي طايحه على كتوفي ونقابي مايل طالعه عيون وحده وخشم وعلى جنب اذني طالعه مدري وشلون طلعت واقوم اتزين واطلع وانا اتنافظ واقوطر ونعالي مليانه مويه .. فصختها وكبيت المويه حتى طلع سمك بعد وامشي وانا بردانه وبراطمي زرق وتتهزهز لين وصلت اهلي وانا اقول :
"مشينا لبيتنا بس لا بارك الله فيه من باور هورس ذا باور خرطي
: 
: 
: