بلوشيا كتب:

فن الميدان **
وشوفو بعض المقتطفات الحلوه واااااااااااااااااااااايد حلوه ابيات شعريه بس اتضحك:

اوزن سمن من واسمك من=سيف ثقيل وانا اســنه
انت ولد من واسمك من=انا اسمك أعرفه وناسنه
--------------------=--------------------
ذوب يا السمن ذوب كلك ذوب=يا معذب الناس ورعاته
يوفلان يوم ما تعرف المطلوب=ما تكاشم فلان ورعاته
--------------------=--------------------
طاح المطر طاح لمطرطاح=وتحت النخل عنز مربوطه
قوم انطحي كان فيش انطاح=لا تشتكي دوم مربوطـه
--------------------=--------------------
شرب اللبن مختفي ما يبين=وشرب اللبن ما حن ارعاتــه
وشيء من العشق مختفي ما يبين=وشيء من العشق فاضح رعاته
--------------------=--------------------
سيل السنه سيل واسناسيل=وسيل السنه ما ترس راسي
لو قيدوني بقيد واسناسيل=سيل السنه ما ترس راسي
--------------------=--------------------
يو نازل السوق حل وشري=وزيد في الميزان قشاطة
حال المحبين حلوى شري=وحال المبغضين قشاطة
--------------------=--------------------
يا كاتب الخط بوشخطين=وغربي بدية بدرياهي
انت ما سدك وزار بوشخطين=وباغي توزر بدرياهي
--------------------=--------------------
بريسم حمر دوس واخضر دوس=وزرعك يا البيدار بندوسه
ولي يربي الفار في المندوس=يصبر على خراب مندوسه
--------------------=--------------------
مدفع نقع من مرامي سداب=وطشت من البيت عفريته
سمعتوا عن عقرب تلادغ داب=لو تستعين بمية عفريته
--------------------=--------------------
يا بانــي البيت موه تبنــــي=ابني بحصى كبار شيبني
قالت ما من كبر سن دوخت راس=قال فراق المحبين شيبني
--------------------=--------------------
ثوري يدلّه كان بتثوريــن=شفت الخفيات يوربي
غداي جمل والعشاء ثورين=ومستفتح بفيل يوربي
--------------------=--------------------
أمشي وراء الجيش ولو ميتين=وأنزل في المال واتمشــى
وأقطف من المال لوميتــين=وأعصر على العيش وتعشى

------------------------------------
صف صف صفيصيف يالصفصوف
صف صف صفيفصيف يالسفلة
ناشل شعيراتك كنك ياعدة صوف
ناشل شعيراتك يالسفلة
بضرب ضبي كان ضربي يصيب
وعند الضبي ضبي تيتيوني
ما يستوي الشي بالتغصيب
دام السبب شوب زيتوني
بر وسمن وبنجري مرهون
فوادي سحت والعبتيبه
اوكد معك بنجري من العام
مرهون بعد معك والعبتيب
---------------------------
لاتخلط الهيل في الفلفل
راعي النظر يس يس يس
ما احيدني زرعت بر بر بر
ولا احيدني قطعت بربربر
كانك تبى تبر بر بر بر
.ما نرابي عليك بربربر
وكانك تبى تفل فل فلفل
ويوم تبى تفل يس يس يس
------------------------------
خالي ضربني بعصا وقبان
قمت وتداكيت عالخيمة
يوم ما عندكم عصا وقبان
لاتشلوا الزور من الخيمة
ساير أنا السوق أشري شاه
يلني بذا الزين يطالعني
حد من الناس يشري شاه
وحد من الناس يطالعني
--------------------------------
مركب في الغبيب شاحن زبيب ,, وولد الملك طاب في عرسه
عيل سمعتوا عن كبش يناطح ذيب ,, اذا غضب الذيب بيفرسه

وسلمتوا ...