عندي مــــن الضيقه رصيدٍ خيالي

لو كان هـي تقسم تكفي الخلايق

مـــــن غدر خل وظلم سود اليالي

وصكات وقت وزمرة مــــن الرفايق

وألام جرح وذا البخت مــــــا يوالي

والعين ما تغفا ولو هــــــي دقايق

ياصاحبي لو تعلم اللــــــي جرالي

لا مــــــــا تلوم البال لا صار ضايــق

أقولها مــــــــــن جور شيٍ هيالي

إن كان مـــــا تظهر جميع الحقايق

لطم الخدود ومُرها كيف حالـــــي

وذباح حيدر ودَّه يشيل عايــــــــق

لطيـــــــــــــم جوزيف وتبناه كالي

ومسعود يرجم بالحجــر بيت فايق

وسلطان وزويد تلهـــــــــو بسالي

وعوده بيطعم عيد ولا هــو بطايق

اشفق على من هو بسميه تالي

لا صار شاقــــــــه للبدايات شايق

ضُمر وخيل وليــــــل ذيب العيالي

وقــــت المغيره وش تفيد العلايق

واقع ولا هــو مــن نسيج الخيالي

رَف الجراد اللــــي سكن بالحدايق

مسيره لشرق مــــــــا به جدالي

قــــــــــوم النفاق مزورين الوثايق

كاره علـــــى مر السنين الطوالي

إثارة الفتنه وشب الحرايـــــــــــق

كــــم فرقو مـــا بين غالي وغالي

يــــا مرتدين الثوب مــــا هو بلايق