لا ترمي اسهامك ترا القلب منصاب
مـن غـدر خــلٍ صـوّبـه قـبـل تلـفـي
كنت أحسبه في دنيتي سيد الاحبـاب
سلمـت لـه روحــي وانـاديـه ولـفـي
لين إنكشف في ناعم الملمس انيـاب
سمـه ذبـح فينـي الـهـوا قـبـل يقـفـي
قالـو تجـي طــلابٍ وجـيـت طــلاب
قدمـت مـا عـنـدي ولا شــي مخـفـي
عشنا على شرع الولي رب الارباب
هو ما وفى بحلفه وانا اوفيـت حلفـي
جيتـه بترحـابٍ و جـانـي بتـرحـاب
حشـمـة مـقـداره و هــو زاد نـزفـي
اللي تريده سيـف مـن فـوق الرقـاب
قالـه ولا هـو بأكـثـر الـقـول يـوفـي
اشتقت لـه شـوق الجـلاوي للاقـراب
وسخرت له حلمي وسلمـي وعطفـي
جازانـي بهجـره وصــده والاتـعـاب
سـدمٍ وسقـم ونـار مــا عــاد تطـفـي
محـدٍ يلـوم القلـب لا صـار مـرتـاب
لن القريـص إن روعـه حبـل معفـي
جبتـه عـذر منّـك ولا جبـتـه عـتـاب
ليـن إندمـل جرحـي تناسـاه حـرفـي
من عقبها عن الهوا خاطـري طـاب
لا عــاد يتعبـنـي ولا عـــاد يـشـفـي
إن ردتهـا خـوه علـى شـرع وكتـاب
انـا الخـوي يـوم الزمـن قـام يهـفـي
وان ردتها يعني على قولة أصحـاب
تمنعنـي اسلـومـي وديـنـي وعـرفـي
من قال مالـه فـي هـوا الغيـد كـذاب
لكن زهمـت الصـوم والصـوم يكفـي