السلام عليكم
انا ضيف جديد واتمنى ان اكون ضيف خفيف عليكم
لاحظت فى المنتدى وجود كثير من البرامج مع الكراك وبصراحة انا بتعصب لما اشوف كراك
بالاضافة انى لاحظت تنبيه للمدير بيحذر فيه الكراك
" لتفادي غلق الموقع من قبل الشركة المستضيفة "
اعتقد انه يوجد اسباب اقوى من مجرد الخوف من المستضيف
بداية نعرف السوفت وير والكراك
السوفت وير هو عبارة عن برنامج زى اى برنامج بنستخدمه فيه شركة او مؤسسة او ممكن مجموعة افراد اشتغلوا عليه شهور واحيانا سنين ومقابل مجهودهم بيقوموا ببيع البرنامج ده
اذن فاى طريقة للحصول على البرنامج بغير شراءه تعتبر سرقة
المبرمجين علشان يحموا نفسهم من ان البرنامج يتنسخ او ان شخص يشتريه ويعيد بيعه بيعملوا عليه حماية مثلا برقم سيريال يعطهولك لما تشترى النسخة
ولكن فى بعض المبرمجين بيقوموا ببرمجة برامج تتخطى الحماية وهى ديه الكراك

اخلاقيا الكراك والنسخ غير المشروع غير مقبول لان
1 - انت بتسرق مجهود اشخاص بدون وجه حق
2 - انت بتضر بصناعة البرامج لانك بتخسر الشركات مبالغ احيانا تضطرها لعدم الاستمرار ويبقى كده ضريت نفسك وكثير من المستخدمين اللى بيستخدموه البرامج ديه

دينيا الكراك حرام شرعا وحرامه اكتر من شيخ فى اكتر من فتوة
http://www.elafco.com/ubb/Forum1/HTML/000470.html
http://www.arabslab.com/vb/showthread.php?t=3001
http://www.almoslim.net/rokn_elmy/show_question_main.cfm?id=15589

قانونيا يعتبر الكراك ممنوع قانونيا ضمن قوانين الحماية الفكرية فى معظم دول العالم المتقدم



البعض اتاح استخدام الكراك فى حالات خاصة
مثلا يحق لك استخدام الويندوز بسبب سياسة مايكروسوفت الاحتكارية


اما غير ذلك ان لم يكن الشئ ضرورى كالماكل والمشرب فلا يجوز سرقته



عزيزى يمكنك البحث عن بديل
استخدم http://www.osalt.com/
http://sf.net
وجوجل للبحث عن بديل مجانى واحيانا حر


خالص التحية