هذا الشعر :

فــز قلبــي تــاه فكــري مـن شويــّه
مانــي مصـدق حقـيقــة أو ســراب


كــن ريــم يـانعـــة مــرت عـليـــــّه
مــن حلاهـــا ذاب قلبــــي ذاب ذاب


نــرجـسيــة ســولعيـــة إبــدويـــــّه
كــل شـبر فـ جسمها قصـة عـذاب



كــل نفـس فـ حسنهـا ترجـع برــيّه
لــــو رأهــــا كافـــر عيــا وتـــاب


قـال عقلــي روح ناظــر هالبنيـــّه
قلـت رايـك يافـتـى عيـن الصواب


أقـتــربـت وأقـتـربـت هـــنا هنيـــّه
ليــن عـيـا بينهــا وبيـنــي حجــــاب


قمـت أناظــر فـي حـلا بنت صبيّـه
نبـض قلبـي شكـّل وصابـه ارتيــاب


شعرها المنشول عـ الشيلة سويّه
والعبايـة تحتضـن ذيـك الثيــــــاب


والعـيــون تقــول لوحـــــة بابليّــه
والكحــل مرســوم مفتـاح فـ بـــاب


والمشـي ماهو بمشيـة عسكريـّه
المشـي مشيــات غــزلان الخبــاب


ليــن فجــأة وقفـت,صـدت عليــّه
ناظرتنــي بعينهــا نظــرة عتـــــــاب


قلـت عفـوا,قالـت مشبـه عليـــّه
قلـت لا بـس أنتـي للسائـل جــواب


قالـت أسأل,قلـت انتـي جامعيــّه
لأنـي ملاحـظ وسـط إيـدج كتـــاب


جامعيـة وأفتخـر مكتـوب ليـــــّه
هـذا كـل أللـي وصلنـي مـن جــواب


إرتعشـت ورعشتـي كانـت قويـّه
وأعتلانـي وأغتشـى عينـي ضبـــاب


قـلت أنا مـن يوم شافـج ناظريـّه
صرتـي واحـة والمـلا حولـج غبـاب


صرتـي شـي فـاق حـد الجـاذبيـّه
كلـما حولــي عــلا فـــوق السحــاب


قالـت أتبالـغ تجامـل هــذا فيـــّه
قـلت وأكثـر أنتـي للظامـي شــــراب


إنتي لو تبغين روحـي هاج هيـّه
فـدوة لـج مـن يوم يومـي للحســـاب


لـو بوصفـج ماتكفـي ألابجديّـــه
لأن حسنـج يرجـع الشايـب شبـــــاب


بس أنا من يوم شفتج يا عفيــّه
أشتعـل راس مـن الفرحـه وشــــاب


أطلبه ربـــــي يجمعنــا سويّــــه
مــا يفــرق بيننــا غيــــر التـــــــراب


ونتضر منكم الرد