رحلة إلي جبــل شمس..

    • رحلة إلي جبــل شمس..

      سلامـ عليكمـ ..وشحالكمـ يالغوالي؟؟

      المهمــ بقولكمـ قصة صارت ويا أبويه واخواني وأعمامي و أولادهمـ ..

      المهمـ كان يا مكان في قديم الزمان .. قرر الأهل الذهاب إلي رحلة أو مبيت في عوالي جبل شمس ..وبالفعل ذهب الأهل إلي هناكـ ((الشباب)) ..والبنات منطبات في بيوتهن ..

      المهمــ طبعا المفروض الكل يأخذ وياه سيارة فورويل ..لكن الأخ عمي أخذ وياه سيارة عادية ..والكل يناظره بإستغراب هذا صاحي ولا لا ..المهمـ قعدوا يكلموه..ما راضى قالهمـ بتشوفوا إذا ما وصلت الشبح مالتي ..والقهر سماها شبح واهي ما تستاهل..والكل أخذ الفكرة على قد عقل عمي ..الكل كان معه سيارة فورويل ما عدا عمي ..وهمـا يسوقوا توقفت سيارة عمي الشبح ..والشباب قاموا يضحكوا ويقولوله ها أشوف ما وصلت الشبح مكان ..وشوي وعمي يكسرهمـ بس الله رحم..وقاموا يدفروا السيارة واشتغلت ..وهو يقول آه يا سيارتي العزيزة ليه خيبتي ظني فيج قدام هالمستهبلين ..وعمي الثاني سريع الغضب شوي ويقتله ..و وصلوا بالسلامة والحمدلله ..والجو كان حيل بارد ..وقاموا ونصبوا الخيمـ مالاتهمـ ..وكل واحد قام يسولف وغربت الشمس ..وجاء الوقت النومـ كل واحد دخل خيمته وكل زوجة ترسل حق زوجها وتسأل عن حالهمـ ..والأخوان كل واحد دخل خيمته ومن شدة الذكاء إلي فيهمـ حطوا الأكل براا ..والماعز عيد معه ..وأكل الأكل إلي حطوا الأخوان براا..وإلحينة اهمـ يسمعون صوت وطلع الصديق يأكل الخس مال السلطة ..وكل واحد يناظر على الثاني وشرده وراء الماعز ..بعدين سامحوه ..طبعا الكل ما رقد لمن وصل الساعة 3 رقدوا..وكان قريب صلاة الفجر ..و وجو حيل بارد.. إلحينة عمي نهض لجل يقومهمـ للصلاة بس لقى الوقت لسه بكير وقام وحفظ سورة الكهف ..وقامـ عمي الثالث يبي يسير الحمامـ ..وشافه يقرأ..وقال عمي في دماغه الله يثبتك وتحفظ السورة ..ورجع عمي الثالث و رقد .. و جو حيل بااااااااااااااارد..وجاء وقت صلاة الفجر ..وقومهمـ والكل فيه رقاد والكل قامـ ..والماي بااارد ..وإلحينة شلون يتوضأ..لكن توضوا..والجو مثل ما قلتلكمـ بارد..وعمي كان الإمام وإلي وراءه يرتجف من البرد ..وإلحينة عمي يالس يتلو عليهمـ سورة الكهف..وطبق نسى ..والتحف إلي وراء ما أحد منهمـ حافظ سورة الكهف لجل يقوله ..ويلسوا والقوم وراء تعبانين والماعز يالس يأكل أكلهمــ ..عمي صرخ قال يا أخي خلصنا قرأ إن أعطيناك الكوثر..والشعب ما قدر يستحمل وانفجروا من الضحكـ ..عقب ما اذكر شو صار..وجاء الصباح والكل يستعد للذهاب إلي منازلهمـ ..والأخ إلي عنده الشبح ضيع مفتاح السيارة ..الكل صرخ في وجهه وقال ..((خيـــــــــــــــــــــبة))..وإلحينة يبدأ الفريق بالإنقسامـ ويدوروا..صرخ عمي وزقره يعني ناداه وقاله أنت أمس نص الليل سرت وراء الجبل شو تسوي يمكن طاح هناك المفتاح ..والأخ سار يقضي حاجته ..وإلحينة الكل متقزز ما يبيون يروحون وراء الجبل ..و تموا يدوروا وين سار المفتاح ..وهو العمـ إلي مفتاحه ضايع ما عنده خبر بالدنيا ..وعمي خلاص الضغط ضارب توووب..وقاموا يدوروا بجدية وحصلوا المفتاح الله يسلمكمـ تحت الإطار مال سيارته ..ههه..ونزلوا ويا الشبح ..والكل رد بيته سالمين ..بس لمن تشوفوا أشكالهمــ كأنهمـ طالعين من سجن ..اللحية والشعر طولوا في يومـ ..وما تسبحوا يومـ ..والتراب كل في جسمهمـ ..وتوته توته وخلصت الحتوتة


      وإن شاء الله تعجبكمـ القصة ..

    • جبل شمس فيه مخيم وفيه غرف للإيجار
      بيها أجهزة تبريد وتدفئه وبيها دورات مياه
      والمخيم فيه مطعم وفيه عرشان للإيجار
      ودورات مياه عامه
      علمتني الحياة أن لا أضع المعروف فيمن أخشى أن لو مددت له يدي يوما أن يقطعها
      هادئ

    • حلووووووووة رحلتهم ما تنَسى مغامرات وحالة ولو ما صارتلهم هالمواقف ما بيتذكروا إلا انهم فيوم من الايام راحوا جبل شمس ...صح ولا لأ؟؟~!@q
      يسلمواا
      people laugh at me coz i'm different, but i laugh at them coz they are all the same

    • اما صدق سالفة تضحك ,,

      وبصراحه ..انصح فهالوقت تصلح الزياره لجبل شمس لانه ماحد يفوته ,,

      تحيتي لك العفاسيه ,,
      اللهم استرنا فوق الأرض وتحت الأرض ويوم العرض عليك الوطن ليس فـندقاً نغادره حين تسوء خدمته ولا مطعماً نذمه حين لا يروق لنا الطعام الذي يقدمه الوطــــــن هو الشرف والعز والإنتماء والــــــولاء الوطن إن لم يكن دنيانا فلا خير في عيش بلا وطن