الناس ترقد وليلي ساهره كله= على وليفن ملك روحي ووجداني
الصاحب الي هجرني ومتصل لله = مدري ظروفه تعيقه او تنساني
ارجع لوقتن مضى اطويه وافله = واذكر كلامه واعيده مره وثاني
الصاحب الي مكن بالقلب ثم شله = يسوى جميع البشر من قاصي وداني
من يوم قفى روحي منه منحله = كان السعاده تجيني كل ما جاني
قضيت وقتن معه ما صار به الزله = همسة قصيده وصوته نغم ولحاني
واليوم قلبي من الفرقا على مله = احاول اسلى مع طيفه اذا جاني
رغم القساوه طلبت الله يغفر له = ويحن قلبه ويرجع مثل ما كاني
ياطير بلغ سلامي لصاحبي وقله = يرد مرسال مره ولو على شاني
وقله ترا الهجر زاد القلب بالعله = والعين جاها الرمد من كثر ما عاني
عز الله انه بنى في الصدر له حله = بنى اساسه وشيدها بنياني
يالله يرجع حبيبي ياعسى وعله = وعيش عمري معه وودع احزاني
![]("http://www.g9g1.com/vb/uploaded/11644_11286002274.jpg")
