ALbatross كتب:

السلام عليكم .. كيف الحال والأحوال .. عساكم مرتاحين ..

لأني جايبلكم موضوع شوي صعب الحديث

عنه .. وخاصة في مجتمعاتنا الخليجية .. وظهر مسلسل خليجي عنه ..

موضوع من واقع حياتنا وصميم مجتمعاتنا .. موضوع له من الفوضى كثير ومن العقاب عظيم ..

موضوع الندم عليه ما يفيد .. بس هو قضيه للشباب والشابات حبيت أناقشه معكم ..

ألا وهو موضوع " اللقيط / اللقيطة " ...

موضوع جد محزن ... لأني العشاء كنت أسولف مع الشباب وخبروني قصه وإلا قصص مريعه عن هذا

الموضوع .. فحبيت أن أنقلها لكم للمناقشة والإستفاده ..


امراة في احدى الحارات ترتكب الفاحشة مع رجل ومتى ؟؟ في شهر رمضان الفائت ..

شهر رمضان .. شهر المغفرة .. شهر الكرم والجود .. شهر الخيرات ... شهر الطاعات ..

المهم إن المرأة كبر بطنها وعرفوا الأهل بالقصة و بلغوا الشرطة بعد ما قالت المرأة الرجل الذي فعل

الفاحشة معها .. جات الشرطة وأخذت الرجل ودونت أقواله والرجل ما اعترفت وإنما انكر ( لأنه كان

على وش زواج ) ... الرجل على وش زواج .. من وين يات هذه المصيبه .. المهم الرجل انكر الموضوع مع

انه هو كان أبو الولد .. وعن الفضايح وعشان تسكت السالفة قام الرجل برشوة الحرمة .. وعطاها كم

ألف ريال وسكتت الحرمة وأهلها ... المهم تو الحرمة تبا تربي ( شهرها التاسع ) وش بتسوي وهي

متفقة مع الرجل إنها تربى الولد وترميه ... راحت الحرمه مع أحد من أهلها إلى السيح البعيد عن

التجمعات السكنيه عشان تربي ... ولكن واحد من الرجال الكبار في السن شوي شاف السيارة سايرة

السيح وتبعهم ... وسمع الصايح والصراخ في السيارة واتصل بالشرطة وجاءت الشرطة بسرعة ما

قصروا ..يدودا الحرمة بعد ما ودوها المستشفى وتمت يومين وألحين هي في السجن .. والولد مع أهل

الحرمة يربوه حتى يكبر ...


لكن السؤال المطروح هو ... إن الولد لما يكبر ما بيبغى يعرف أبوه ؟؟؟

وشوف الصدمه بعدين من أولاد الرجل الرسميين ( لأن الرجل تزوج وخلف توأم لحد ألحين ) لما يعرفوا أن

أبوهم عنده ولد ثاني .. ومن ويش من جريمه شنعى ارتكبها في لحظة ضعف ... وشوف الصدمة على

الولد لما يعرف أن ابوه حي .. وش بيسوي ..

هذي قصة ...

والقصة الثانية يتبع ..

ALbatross كتب:

القصة الثانيه ...

رجل يشتغل في احدى الشركات قام بعمل الفحشة من احدى البنات اللواتي يعملن معه

في نفس الشركة .. اتفق الرجل والمرأة على كتمان الأمر .. حتى لا يعرف الناس

بالفضيحة لأن الطرفين من اسر محترمه .. وكلاهما لديه وظيفة مرموقه ... المهم ان

البنت ما كانت تتوقع انه بتحمل لأنها كانت مجربه من قبل وما حملت .. وبعد ارتكاب

الجريمة .. حست البنت باعراض غريبه زواع .. ضيق .. ألم .. راحت للطبيبة لتكشف

عنها .. وقالت لها الطبيبه بأنها حامل ... اندهشت الفتاة وحاولت بكل الطرق أن تسقط

الجنين ولكن دون فائدة .. حاولت اخبار الرجل ولكنه لم يهتم .. وبعدها حاولت اخفاء

الأمر على الأهل لكنها لم تستطع فكانت الفاجعة الأليمه عليهم ..واستقالت البنت من

وظيفتها ولم تعد تخرج من البيت لكي لا يفضح الناس حقيقتها ..واستمر الحال على ما

هو حتى ربت البنت .. واخذ أخ الفتاة البنت ووضعها بقرب أحد المساجد المعروفة

والكبيرة في منطقتهم في جنح الظلام .. ولما اتى الناس في الفجر استغربوا وخبروا

الشرطة .. اهتم احد الرجال بالموضوع لأنه كان بحاجه إلى ولد يربيه لأن زوجته

عقيمه وهو يحب زوجته لحد الجنون .. المهم من بعد منازعات ومناوشات حصل الرجل

على حق تبنيها بمسوؤليته الخاصه .. وربوا البنت ودرست وكبرت واشتغلت طبيبة في

واحد من المستشفيات الكبيرة والمعروفة ... وفي يوم من الأيام شافت رجل طالع من

البيت وهو شوي شايب ( 54سنه حوالي ) .. وسألت أمها وأبوها وقالوا لها انه واحد من

ربع أبوها .. المهم ظلت البنت تشوف الرجل لمدة أسبوع وهو يخرج لما تجي البيت ..

وفي يوم من الأيام دخلت البت وشافت الرجل جالس وسلمت عله ورد السلام بحفاوة

وهو يطالعها من فوق لتحت و يقول ما شاء الله والله كبرتي وصرتي حرمه .. المهم ان

البنت فكرت انه جاي يخطبها .. ولكنها تفاجأت عندما سمعته يقول : تعالى في حضني يا

بنتي .. استغربت الفتاة وقالت : انا ما بنتك يا عمي ( حسبته مخرف لأن وايد حالات مثله

تشوف في المستشفى اللي تشتغل فيه ) .. وقالها لا أنا أبوك الحقيقي .. ولما صدت

صوب أبوها وامها شافتهم منزلين راسهم الأرض .. وسألت أبوها وامها : أنا بنته ؟؟؟!!!

وكانت الإجابه صدمه رهيبة مدمره .. لكم الفتاة تماسكت عندما سمعت أبوها يقول :

ايوا ... وبعد دقائق صمت ولحظات اتخاذ القرار لدى الفتاه ما بين أبوها وأمها اللي

ربوها وعلموها وغيره غيره وغيره وما بين أبوها الحقيقي اللي ما سوى غير أنه رماها

وما سأل عنها ..

لكن الرد كان اقوى من الصدمة .. قالت البنت لأبوها الحقيقي ( من بعد ما سمعها أنه

حزين ونادم ومذنب وانه جاي يكفر عن غلطه ) : اطلع من البيت .. لا انت أبوي ولا

اعرفك .. انصدم الأبو الحقيقي وحاول ولكن بدون فايدة ( والأب الحقيقي لما شاف البنت

تشتغل في المستشفى كطبيبة بغاها ولكن قبل لا ) .. المهم الأب الحقيقي طلع من البيت

خاسر ( ما خاسر حب بنته لا .. خاسر فلوس بنته ) ...وعاشت البنت مع أبوها وأمها

اللي ربوها لحد اليوم وتزوجت وهي سعيدة في زواجها ..


شاركونا بآرائكم حول القصة .. والقصة حقيقية 100 % وحدثت في احدى القرى العمانيه ...

تحــــــــــــــــــــــــــــــاتي .. |a$$6|a