القصيده
يالقصيده ليش سموّك القصيـده
مفرده والجمع سموّهـا قصايـد
كلمةٍ عن مسمعي مانتي بعيـده
دارجه والها على سمعي عوايـد
التواريـخ القديمـه والجديـده
غرّدت باسمك على روس النوايد
ياعروسٍ مابعد صرتـي فقيـده
كل يوم نْزفهـا والشـوق زايـد
اثر سرّك سـرّ ماكلّـن يجيـده
كايـدٍ مايعرفـه ياكـود كـايـد
كود من يكتب ودم القلـب بيِـده
مايحسّـب للخسايـر والفوايـد
شاعرٍ قدرك على زوده يزيـده
يرفعه عن هرج نقّـال النقايـد
ماختلف عقله ولااخلف فالعقيـده
بس حطّك نشدةٍ ظمـن النشايـد
فرحة ايامـه وميـلاده وعيـده
يوم لبّسـك البناجـر والقلايـد
سيّده والعبد يتبع شـف سيـده
ماتركتي من هل المعنى شرايـد
السعيد يجيـب كلماتـك سعيـده
والحزيـن يردّهـا هـم ونكايـد
والهوى بابٍ رميتي بـه وقيـده
واكثر الشعـار شبوهـا وقايـد
عاشق السجّه يزيّن بك بريـده
وان رقد حطّك تحت لين الوسايد
قصتك بين القصص قصّة فريده
خالده لوكان راع الشعـر بايـد
ان كتبها وحّـده قالـوا قصيـده
وان جمع ديوان سمّوها قصايـد
: 
: