قلت الركـادة ميـر ويـن الركـادة
كنّي مع الحجاج في رمـي الاجمـار

من عقـب ماجانـا قـرار الزيـادة
من مجلس اهل الجود وافين الاشبار

كـلٍ مـن الفرحـة بيقـدح زنـاده
جبنا القروض نضارب السوق وانهار

وجينا نبي بـس الرجـا والهـواده
والله وكيلك شبّت اسعارنا .. نـاااار

والراتـب الماخـوذ جتـه القـراده
ماينزل الا..صافقه مثـل الاعصـار

فاتـورة الهاتـف وعاجـل سـداده
والقرض والكهرب وتسديد الايجـار

والتاجـر المليـان جـاب الوسـاده
يبـي يوصّـل راس مالـه لمليـار

والا المواطن صار..سهل اصطيـاده
جته الهوامير بوسَط غـب الابحـار

واصبح نهار وليـل وسـط العيـاده
مابين طب الراس والقلـب وشهـار

يامـن يوصّـل كلمتـي للقـيـاده
للحاكـم المحبـوب والوالـد البـار

ماعاد نبغـى فـي الرواتـب زيـاده
اللي نبيه اليوم تخفيـض الاسعـار


تحيتي لك