تائهة وسط السراب
قالت: تغزل وقول ولا تنظام , يبعدك صمتك والظل يطويك ,اكتب فيني قصيدة عشقك منالعام الاول , اوصف مشاعرك وهات من طيب الكلام وابعد عنك الصمت وخله .
قلت والقول صعب لمثلها ينقال : قلت جفت ينابيع قلبك منزمان , ولا عرفتي طعم المر , او تلذذتي بطول الانتظار , القبيلة من غير ارض ولامرعى تموت , ولا عن ارضها رحل , ليلي وانا اناجي القمرة أمان ومن روعة نار السمر مع ذاتي , نسيت انا ذاتي .
قالت : يا ولد خيرة القبايل , انا من مثلك اشترى ولا اعرف بيع المودة ولا انشد الاسقام .
قلت : سبحان .. قولك من زمان مر طعمه , ووعدك ماله أمان , واليوم جيتي تنشدي مني نشيد الغزل او قول الوئام , مربعي نام فيه الغريب يعيش بطيب الاحلام , وانتي يا قلب ما عرفت له حشمه واحترام .
قالت : جيت انشد الحب والغزل والهيام , لقيت قولك مسبه ونعرة من فطر بعد ما صام , انا يا شيخ وابن الشيخ , قلت في القلب لك مكان ومحبة وحشمه, وما هجيت من قولك وحشة وبُعد وانتقام .
قلت: من داس لثوبي طرف , لو كان بالثريا له مقام , لانسفه , وقلبي لو كان ما عرف غيرك وسط غب عميق ارميه ولو اربطه بصب الحديد تراني ما ارحمه , روحي لمن بعتي قلبك بزييف الكلام وعاش ترفه بترفه واهرفه , وجيتي اليوم تنشدي حب دستي مقامه بالوصام .
قالت : ياحسف يوم لقيت منك موده وحب واحترام , واجريت وسط سراب زييف الكلام , واعجبني نقشه وفنه , واعرفت بعد ما فاتت الايام , قول ردئ الرفقه والعشرة والاحتشام .
لاصوم دهري من اصحاب ردئ الكلام , عل ربي يغفر لي ما جنيته على نفسي وهلي وربعي , والسموحه يا شيخ , وقلبك وسيع للزحام
: 
: 
: