العفو منك إلهي كتب:

مشكوووووووووووور على تنزيل الصورة
يلها معاني كثيرة.

احمد الزعابي كتب:

يوم الواحد يكون له والدين اتقياء ممكن تكون بار بهم لكن يوم الام تكون تقيه وتحبك وتموت فيك انت واخوانك وعمرها ما قست عليكم لازم وصخ ريولها تشربه وتبوس ريولها من تحت لجل تسمع منها كلمه ( الله يرضا عليك دنيا واخره )هاي الي تستاهل الولدان يبرون بها دنيا واخره ويدعون لها بالخير والسعاده فى الدنيا والاخره اذا توفت ......
ولكن الاب.... صعب كثير اني اكون له بار: لانه عمره ما سوا شي يستاهل الشكر والثناء وبالعكس كان هو السبب فى وفاه الوالده الله يرحمها وكان وايد يضربها ويتطاول عليها بحظور عياله الكبار ويمطها من شعرها الطاهر الله لا يسامحه دنيه واخره وكان يحاول يغتصب بناته وينتهز الفرصه عشان يجوف جزء من اجسادهن الشبه عاريه اثناء النوم يفتح الباب عليهم دون الدق ع الباب او الاستأذان مع علمه بأنه وقت نومهن يعني ما لازم يدخل غرفتهن ويوم رحنا العيد ذا نعيد عليه ونحب ع راسه قفل الباب بويه اخوي الكبير يعني ها الانسان ما يستاهل حد يروحله البيت الخاوي الي مابه الا اشباح وذكريات الوالده تقرصه بقلبه يتذكر كل ركن من اركانه وهو يعذبها به
الله ينتقم منه دنيا واخره وهو السبب فى مشاكل البنات حاليا لانهن تزوجن ناس ما كان برضاهن والحين النتيجه ضرابه وهواشه زعل بينهن وبين ازواجهن والمشكله هى (( انهم طلعوا نفس الوالد العاق ))) يضربوا ويهينوا ولا يرحموهن
الله المستعان والله الي يهدي مثل هاي البشر الحاقده والجاحده لنعمه الله لها وما شاكره النعمه الي بيدها
الوالده كانت حرمه متدينه ومتنقبه وتوفت بحادث سياره(كان حادث دعم من قبل باص ب16 شخص والوالده كانت مترجله من السياره والضربه كانت براسها من ورا ها كان السبب الرئيسي فى وفاتها) وتوفت والنقاب ع وجها الحمد الله رب العالمين
الله يرحمها ويغمد روحها الجنه ويخفف عليها ترابها ويغسلها بالماء والبرد وينقي خطاياها كما ينقا الثوب الابيض من الدنس وينور قبرها بنور الايمان وييلحقها بالرفيق الاعلى امين يا رب العالمين

احمد الزعابي كتب:

شكرا لج ع قراءتج لقصتي الواقعيه

احمد الزعابي كتب:

اخي الكريم قبل لا ترمس هاي الرمسه وتنصح اريد اسألك اسأله وجاوب عليها بنفسك
هل ترضا اخي الكريم ان ترا الوالده الكريمه تنظرب امامك وتسكت ؟؟؟؟
هل ترضا ان تقوم الوالده الكريمه ببيع ذهبها قبل العيد عشان تيب ملابس لك ولاخوانك التسع؟؟؟؟
هل ترضا بظلم الوالد العزيز لامك وتجريحها بدون اي سبب امامك وانت واقف وتناظر دموعها الحاره على وجنتاها؟؟؟؟
فى انسان فى الوجود تعذب وذاق كل انواع العذاب مثل ما تعذبوا اخواني وخواتي بسبب ظلم الوالد الي تقول عنه ما اضن انه فى اب يقدم على طرد عياله التسع برع البيت فى وقت الظهيره يأمرهم بالجلوس تحت شيره الشارع المقابل , والله انه الحر كلانا عدل لدرجه انه قافل باب البيت من الداخل مما جعلني انا واخوتي على الشرب من ماء المكيفات الي تقاطر برع المكيف والله شربنا من ماء الشير ((( البيباتالسود)))) وكلينا الثمر الاصفر الي تاكله البعران الي يكون شكله نفس الفلفل
وربي ما زدت ولا كلمه من عندي وكله حاطنه بذمتي لين يوم القيامه لاني ما كذبت ولا بأي شي يا اخي الكريم نحن ما ظلمناه هوالي ظالم لاهله ولعياله لدرجه انه ما له ربع وكلهم بعدوا عنه وعن مشاكله الي ما تنتهي
من فيكم جرب الضرب بالسكين ولا بيب المزارع ولا الوقوف على الجدار على الايدي ورفع الاقدام لفوق؟من فيكم جرب ينظرب بخيزران مكتوب عليه اسمه؟من فيكم جرب ياكل شعر ((يشله الوالد العزيز عن الارض من مجرد ما ينتبه انه فيه على الارض شعر ولا ادري شعر من المهم ان الشعر من برع البيت لانه كان عند باب الميلس))) يشله الوالد ويخليك تبلعه غصب وان ما بلعته يقوم بتعذيبك لين ما تبلعه
من فيكم جرب يبطل حلقه وحد يتفل فى حلقه ويقوله ابلعه؟؟؟؟؟
من فيكم جرب ياكل صرصور حي من داخل حوض السباحه ؟؟؟؟
اخي قبل لا ترمس اعرف الي قدامك ما يقول ها الكلام من فراغ
واذ تعرفني مثل ما قلت اكيد تعرف سوايا الوالد وتعرف حركاته الي الشرطه بروحها تغربلت منه ومن افعاله الي ما تخلص
واشكر كل من طيب خاطري وعاش وياي ماضي المرير بكل قساوته

كان الله ف عوونك أخي العزيز
لها الدرجه ف أباء بها الوحشيه !!!

الله يساعدكم ويصلح من حالكم ويهدي والدك ويتووب عليه

احمد الزعابي كتب:

انت ما تقدر تمنع اي انسان من كتابه شي بخاطره , ولا تقدر تخلي الناس تنافق لجل ترضي الشخص الي قدامها الناس تكتب الي تجوفه مناسب يا اخ حمد وبعدين الاخت الكريمه ما قالت شي عشان ترد عليه بثلاث مرات شكراااااااااااااااااااااا
اذ تريد تمر بالمواضيع مر واكتب ردك للموضوع موب للشخص الي كاتب نفس ما انت تدخل وتكتب
اي انسان له رده فعل واي انسان كان مجرب ولو شي بسيط من اي من العذاب المنزلي يحس بغيره لكن غير يوم .......... انسان ما يحس الا بنفسه وابوه العزيز الي مدلعنه من طفولته وشبيك لبيك على كل شي يريده ولده وعمره ما انضرب صطار واحد من البابا العزيز (حمد )
لي نقاش وياك اول ما اجوفك وبعدها بنتناقش صح ويه بويه

احمد الزعابي كتب:

اتمنى والله من الخاطر يتعدل حاله ويحب عياله لو مره وحده فى حياته ويودر عنه الغرور والتكبر .....