عديت فالرجم ببدع زيـن الامثالـي
رجمٍ طويلٍ علـى الديـرة يعلوينـي
في حزة اعصير قبل الليـل يبدالـي
رقيت انفس همـومٍ ياعـرب فينـي
دنيا عجيبة بهـا حـزنٍ وغربالـي
حتيش لو عشت فرحة عدّة اسنينـي
دنيـاك دايـم تبـدل حـالٍ ابحالـي
دوارةٍ مالهـا صـك ومضاميـنـي
لو ارتويت ابشرابٍ عذب وازلالـي
تسقيك عقبه هماجٍ همـج وتسقينـي
دوام حال الفتـى مايمكـن امحالـي
اشرب من الصافي قبل ايعكره الطيني
ولحـدٍ بدنيـاه خالـد دوم منزالـي
والناس للموت يالمخلـوق ماشينـي
عمرك قصيرٍ ترا حتيش لـو طالـي
حتيش لو عشت ميه بعـد خمسينـي
دامك بوقت العمل في عصر الامهالي
اغنم حياتك بفعـل الخيـر والزينـي
وافعل فعولٍ تسرك يـوم الاهوالـي
يومٍ بهوله يشيّـب عينـك وعينـي
ولسان حال الندم لـو ينظـم اقوالـي
ان كـان ردد قصيـدة ابنلحسيـنـي
ليس الغريبُ غريب اوطان يالغالـي
غربتك لاصرت ملفـوفٍ بتكفينـي
لا واخساره ليا مـن قلـن اعمالـي
زادي قليلٍ واشوف الموت حادينـي
وياناس متني تعب من كثر الاحمالي
ماعاد فيني صبـر والهـم طاوينـي
لا واهنـي الحمـام ايغـرد ايلالـي
ما سامه الحزن وانا الحزن شارينـي
لو ينتثرهمي وسط ابيـار فالجالـي
جفّت وصارت جفافٍ مابهـا لينـي
وختامها بطلب اللي مرس الاجبالـي
منشي طويقٍ ومنشي رجـم ابانينـي
رب السموات رب البيـت يالوالـي
ارحم دموع العبـاد اللـي منيبينـي
وارحمني لاصرت مدفونٍ وبلحالـي
فالقبر محزون مامن شخص ايسليني
إليا اتركوني حبايب واورثوا مالـي
مافيه غير العمـل طالبـك تنجينـي
وصلوا على المصطفى مارش همالي
واعداد ما غـرد القمـري بتلحينـي
: 
: