السلام عليكم جميعا ً- إخوانى وأخواتى فى الله - ورحمته تعالى وبركاته ,,

الحمد لله الذى جعل تلك الفكرة لدى لأوصلها لكم بإذنه ,,
الحمد لله الذى يسر لى هذا الجهاز لكى يساعدنى على إطلاع هذا عليكم ..
الحمد لله الذى خلق لى يداً أكتب بها هذا الكلام الآن ..
الحمد لله الذى جعل لى لساناً يذكره وقلباً يشكره ..
....

بالله عليك .. بالله عليكى ...

إحمدوا الله الآن ..
.
.
.

أما بعد أحبائى فى الله ..

معلش إسمحولى أتكلم بالعامية الشوية دول علشان يبقى سهل عليا أوصل لكم الفكرة ..

بكل بساطة , وزى ماإسم الموضوع موضح ..
أنا عايز كل واحد فيكم يصلى فى اليوم والليلة - فى ال 24 ساعة يعنى - ( 80 ) ركعة

طبعاً كلكم مستغربين .. وإللى مش مصدق .. وإللى بيقول دة بيخرف .....
إلا إن الحكاية سهلة .. وإحتمالية فعلها من 85% إلى 90 % .. وإحتمالية المواظبة عليها من 80% ل 85 %

..... طبعاً أنا بكلم شباب .. يعنى فى ريعان الصحة , يعنى قادرين .. ومن الآخر كدة لو حد فيكم عنده 24 ساعة فاضى فيهم .. ممكن بالإكراه يفضل يصلى تلت المدة دى وغالباً مش هايتألم بدنياً ..
إذن المسألة مش مسألة ألم بدنى أو إرهاق أو عدم قدرة ... لأ فى قدرة إن شاء الله
إنما المسألة مسألة إستعداد دينى تعبدى خالص لوجه الله .. وإرادة , ولا أقول إرادة من حديد , لأن السألة مش صعبة أوى يعنى .

طيب ... معلش أنا طولت فى المقدمة .. بس علشان عنصر التحفيذ بس يشتغل ..

نبدأ بإذن الله ..

.
.
.

أنا هاعدلكم الصلوات إللى هى ( 80 ) وإن شاء الله هاجيب فضلهم وكيفيتهم ووقتهم .. وبعد كدة هالخصهم ورا بعضيهم تانى ..
........

الصلوات كالآتى ...


" 17 " ... ركعة فرض / الصبح - الظهر - العصر - المغرب - العشاء /
ودول أغنياء عن التعريف والإقرار بالتفاصيل
ونرجو من الذكور الصلاة فى السجد بالسبة للصلاة المفروضة .. وهذا من كمال الإيمان , وكمان يكون لايق مع ال ( 80 ) ركعة إللى إنت هاتصليهم

.....

" 12 " ... ركعة سنن مؤكدة ( نوافل ) وهما / 2 قبل الصبح ( ركعتى الفجر ) - ودى فيها أقوال - ﴿ركعتا الفجر خير من الدنيا وما فيها ﴾.. حديث صحيح رواه أحمد ومسلم وغيرهم , وغيرها من الاحاديث العديدة / 4 قبل الظهر و2 بعده / 2 بعد المغرب / 2 بعد العشاء /

.....

" 8 " ... ركعات سنن غير مؤكدة / والسنن الغير المؤكدة على حد علمى هى التى واظب عليها الرسول - صلى الله عليه وسلم - وتركها تارة أخرى .. أما السنن المؤكدة فلم يتلركها - صلى الله عليه وسلم قط .. وهم / 4 قبل العصر / 2 قبل المغرب / 2 قبل العشاء /

.....

" 2 " ... ركعتان بعد صلاة الظهر , غير النافلة .. ﴿من صلى 4 ركعات قبل الظهر و4 بعده حرم الله جسده من على النار ﴾.. معنى حديث فى صحيح البخارى

.....

" 10 " ... ركعات تحية المسجد / دى أول ماتدخل المسجد - ولا بد أن تدخل المسجد - تصلى ركعتان تحية للمسجد .. وبنا أنكم ستدخلون المسجد 5 مرات يومياً .. إذاً المجموع = 10 ركعات

.....

" 8 " ... ركعات صلاة ضحى / طبعاً الوقت من الشروق حتى قبل الظهر بربع ساعة أو تلت ساعة للإطمئنان / معلش , هاتشد على نفسك .. بس سهلة والله .. إنت ممكن تبدأ ب 4 وبعد كدة 6 وبعد كدة 8 .. وهاتصلى من أول سورة الضحى وإنت نازل على إللى بعديها .. دة بدايةً , بعد كدة لو عاوز تطول طول ..

.....

" 4 " ... ركعات صلاة تسابيح .. إيه هى بقى صلاة التسابيح .. / دى أربع ركعات كل ركعة هاتقول فيها الفاتحة ووراها سورة , بعد ماتقول الفاتحة والسورة , تقول وإنت واقف ( سبحان الله والحمد لله ولا إله إلا الله والله أكبر ) 15 مرة , تركع عادى وبعد ماتقول سبحان ربى العظيم تقول بردو ( سبحان الله والحمد لله ولا إله إلا الله واله أكبر )
بس 10 مرات , تقوم تقول سمع الله لمن حمد وتقول إللى فات بردو 10 مرات , تسجد وتقول سبحان ربى الأعلى وتقول بردو نفس إللى فات 10 مرات ترفع راسك وتقول تانى 10 مرات تسجد وتقول 10 مرات ترفع راسك وتقعد - جلسة الإستراحة - وتقول بردو 10 مرات .. يبقى كدة قلتها 75 مرة .. و75+75+75+75 = 300 مرة ..
وآدى الحديث إللى رواه أبو داوود وإبن ماجة وإبن خزيمة فى صحيحه ...
﴿عن عكرمة بن عباس قال , قال رسول الله - صلى الله عليه وسلم -للعباس بن عبد الطلب : يا عباس يا عماه , الا أعطيك , الا أمنحك , الا أحبوك (أى أخصك) , ألاأفعل بك عشر خصال (أى أعلمك مايكفر عشر أنواع من ذنوبك) , إذا أنت فعلت ذلك غفر الله ذنبك أوله وآخره , وقدمه وحديثه , وخطأه وعمده , وصغيره وكبيره , وسره وعلانيته .. عشر خصال : أن تصلى أربع ركعات تقرأ فى كل ركعة بفاتحة الكتاب وسورة , فإذا فرغت من القراءة فى أول ركعة فقل وأنت قائم : سبحان الله , والحمد لله , ولا إله إلا الله , والله أكبر خمس عشرة , ثم تركع فتقول وأنت راكع عشراً , ثم ترفع رأسك من الركوع , فتقولها عشراً , ثم تهوى ساجداً فتقول وأنت ساجد عشراً , ثم ترفع رأسك من السجود فتقولها عشراً , ثم تسجد فتقولها عشراً ,ثم ترفع رأسك من السجود فتقولها عشراً (أى جلسة الإستراحة قبل القيام) . فذلك خمس وسبعون فى كل ركعة , تفعل ذلك فى أربع ركعات , وإن إستطعت أن تصليها فى كل يوم مرة فافعل , فإن لم تستطع ففى كل جمعة مرة , فإن لم تفعل ففى كل سنة مرة , فإن لم تفعل ففى عمرك مرة .﴾صدق رسول الله صلى الله عليه وسلم .

.....

" 2 " ... ركعتان خفيقتان قبل القيام / فعن أبى هريرة أن النبى صلى الله عليه وسلم قال :﴿ إذا قام أحدكم من الليل فليفتتح صلاته بركعتين خفيفتين ﴾.. رواه مسلم .. وهذا من آداب القيام

.....

" 8 " ... ركعات قيام الليل .. أو أكثر / وطبعاً القيام بيبتدى من بعد العشاء حتى قبل آذان الصبح .. وأفضل وقت هو الثلث الأخير .. يعنى قبل الفجر ب3 ساعات تقريباً ..

.....

" 2 " ... ركعتان شفع / وهم بعد القيام مباشرةً .. وإقرأ فيهما سورة ( سبح إسم ربك الأعلى ) فى الركعة الأولى .. و( قل هو الله أحد والمعوذتين ) فى الثانية

.....

" 7 " أو " 5 " ... ركعات وتر تنهى بهما يومك ... معلش عايزينك تشد على نفسك وتجيب السبعة .. ممكن تبتدى بواحدة وتانى يوم يبقوا 3 بعد كدة 5 وتخش فى الآخر على ال7 ... صدقونى هاتكسبوا كتير قوى قوى .. فكروا وإحسبوها .. وإسأل نفسك : أنهى أحسن ركعة ولا (7) ... طبعاً السبعة .. يبقى صليها .. شوفتوا الحكاية سهلة إزاى

يبقى المجموع " 80 " ركعة فى اليوم والليلة
.
.
.
عايز كل واحد/ واحدة فيكم يقول هو هايعمل إيه بإذن الله .. وإن شاء الله كلنا وأنا معاكم سنكون من المجاهدين فى سبيل الحصول على ثواب وأجر ( 80 ) ركعة فى اليوم ..
صدقونى الحكاية مش صعبة ..
بس إنتوا إبتدوا واحدة واحدة زى ماقلت ..
بس معلش يعنى إللى هاتحافظوا عليه مرة واحدة ومش هاتجيبوه بالتدريج هو الآتى

الصلاة الفرض طبعاً
النوافل المؤكدة والغير مؤكدة إذا أتيح الوقت والقدرة
ركعتين العتق من النار إللى بعد الظهر أكيد
صلوات تحية المسجد إذا أتيح الوقت .. وأدعوكم بدخول المسجد مبكراً
ركعتان خفيفتان قبل القيام
الشفع

أما إللى ممكن تبدأوه بالتدريج فهم

صلاة الضحى .. إبتدوا ب 2 و بعد كدة 4 .... لغاية ماتوصلوا لل 8
صلاة التسابيح .. ممكن تصليها بدايةً .. لكن مش لازم تواظب عليها كل يوم .. خليك كل جمعة الأول زى ما الحديث قال
صلاة القيام وطبعاً هاتبتدوا ب 2 وبعد كدة 4 ... حتى 8 إن شاء الله
الوتر إبدأ بواحدة حلوة كدة .. بعد كدة زود لغاية ماتوصل لل 7

ولو فى حد عنده القدرة والعزيمة إنه يبتدى ال ( 80 ) ركعة مرة واحدة ويواظب عليهم .. فمفيش مانع .. بس منصحوش إنه يعمل كدة .. إلا إذا كان واثق فى الله وفى نفسه ثقة عالية أوى ....
.
.
نقولهم تانى بئة بإختصار ... وهاوضح إن شاء الله مدى صعوبة كل صلاة


" 17 " فرض (( مقدور عليه بالإكراه ))

" 12 " سنن مؤكدة (( مقدور عليه ))

" 8 " سنن غير مؤكدة (( مقدور عليها ))

" 2 " بعد الظهر - عتق من النار - (( سهل جداً ))

" 10 " تحية مسجد (( سهل ))

" 8 " ضحى (( صعب للكثرة ))

" 4 " صلاة تسابيح (( صعب جداً )) بس بالله عليكم صلوها

" 2 " ركعتان خفيفتان قبل القيام ((سهل جداً ))

" 8 " صلاة قيام ليل (( مقدور عليه إلى حد ما ))

" 2 " شفع (( مقدور عليه ومكمل للقيام وسهل ))

" 7 " وتر (( صعب نوعاً للكثرة))
.
.
.