ما هو اطرف واصعب موقف تعرضت له عند قيادتك السيارة؟؟ردوووا بسرعه

    • ما هو اطرف واصعب موقف تعرضت له عند قيادتك السيارة؟؟ردوووا بسرعه

      |a ما هو اطرف واصعب موقف تعرضت له عند قيادتك للسيارة.
      اتمنى من كل عضو ان يكتب عن المواقف التى صادفته اثناء قيادته للسيارة:sad
      وانا ابدء بنفسى انا كنت ما زلت متدربه ولم احصل على رخصه القيادة ...وفى ذلك اليوم جاءت لزيارتنا
      صديقه العائله ............وماذا حدث في ذلك اليوم ؟



      قلت لصديقه العائله ممكن اجرب قيادة سيارتك والحرمه ما قصرت عطتنا اقود السيارة وهي معى
      وفجاءة جات لفه كان انا الف بسرعه شديدة :sad وما حسينا الا والسيارة تترتفع للاعلى وتنزل للاسفل وتضرب
      في الرصيف والحمد لله ما اصابنا مكروة$$e لكن السيارة تاذت واجد ما شويه راحن ثلاث تواير والنافذة
      الاماميه تاثرت شوى........لذلك انصحكم لا تعطوا احد يقود سيارتكم وبعدة ما عندة الليسن
      اتمنى اسمع مواقفكم وشقاوتكم

    • هلا

      الحمدالله حصل خير بسالفتك سر الورد وانا بعد بالبدايه بعد ماستلمت شهاده الرخصه بفتره تعرضت لحوادث والحادثه الاخطر اللي اتعرضت لها وبعدين خلاص تبت عن السرعه (يعني شوي كنت اسرع):):):)

      وهي انحراف سيارتي تلقائيا عن الطريق الجبلي المؤدي الى منطقتنا والسياره تنحرف يمين ويسار بس الحمدالله الله ستر لانه الشارع كان واحد ذهاب واياب والشارع الثاني ماكان بيه سيارات فتلافيتهم ومن ثم اصدمت بعمود الاناره من الجنب والحمدالله انا طلعت منها سليمه ولكن السياره اتاثرت من الجنب من ناحيه ى السائق والتاير انقلب فوق تحت ياحسره شو كان موقف ماانساه لاني بجد كنت متوتره وخايقه كثير حتى بكيت :):)كعكعكع

      مجرد موقف من المواقف وارجو الحذر من السائقين فالسياره من حديد تنفع وتضر اهم شيء اتباع القوانين وتخفيف السرعه والتجاوزات بالشاره لامنك وسلامتك ومن معك بالسياره .

      الله الموفق

    • عسا الله لا يريكم أية مكروووة من الحوادث

      أما عن نفسي كنا نخرج في السيوح في الليل لكي نطارد أرانب أنا وصديق لي والحمد الله نجينا من الموت
      أثنا المطاردة وضعنا عقلنا من عقل تلك الارنب كنا نطاردها وين ما تروح وراها ترف نلف وراها
      حتى أنها لفت وراء سمرة وحنا عاد ما صدقنا لفينا وراها وما حسينا نفسنا ألا جنب السمرة فكرناها ماتت
      وهي عاد جالسة مع أمها ونحن متلحوزين ساعة نطاردها بالسيارة وفي النهاية طلعت هي المنتصرة وطلعنا نحن المخبلة ولكن الحمد الله ما صبنا بمكروووة هذا هو احد مواقف الحاصلة معي

    • انا بخبركم عن حادث بس ما مر بي انا , مر بصديقه للعائله .......وهذا الحادث في خلال هذا الفتره حدث
      اقصد فتره ما بعد العيد ب5 ايام مضت ...على العموم هذه الصديقه كانت خارجه ومعاها الاهل في السياره
      ولما وصلت على عتبه البيت من جهة يسار الشارع وكانت حاطه اشاره ............اتاري بسياره كانت تسرع بسرعه عاليه 120 ...والشخص المسرع ما حاول يخفف السرعة
      ...........المشكله انها ما انتظرت السياره وهي خلاص لفت .................بأذا وانه دعمه وتدرجت السياره فوق الرصيف وشاحت على جدار البيت الي ان تشقق الجدار ..........وانضح ان شخصين من الاهل تاذو الاول انكسر في رجله والثاني عنده رضوض
      اما هيه فاحمد الله ما اصابها شي.......ولكن ماذا سيحل بها .....هل عليها تدفع حق جدار البيت او الرصيف او سيارتها......فعلا حادث ما تقدر تنساه..............|y

    • الرسالة الأصلية كتبت بواسطة:ساندي بل

      مشكوووورين على المواقف الحلوووة
      --------
      لاكن انا ما اسوق ...:D



      -----------------------------------------------------------------------


      الصغيرونه الحلوه اقصد ساندي بل

      ويش قصدك من المواقف مال سيارات او شاحنات او باصات


      ما فهمناكي يا مخلوقه غيرت الاسم و العقل تغير

    • السلام عليكم

      السلام عليكم ورحمة الله وبركاته
      سر الود :- زين الحين يوم كسرتي سيارة الحرمة وكله عشان تجربي تسوقي حسبي الله عليش لكن المهم الحمد لله على السلامة والانسان يتعلم الصواب من الخطأ.
      احلى مسقط:- شفتي كيف السرعة ما فيها فايدة لكن معليه عسى يكون درس زين لك والحمد لله على السلامة .

      اما انا مواقف كثيرة صارت معي قبل الليسن وبعده لكن الموقف اللي ما راح انساه ابدا واللي كلما تذكرته اضحك من قلبي هو
      في يوم كنت ساير صلاله ومعي عائلة مصرية مكونة من الاب والام وبناتهم ثنتين المهم وانا في الطريق وقرب هيما كنت جالس اشغل المسجل وما دريت غير بجمل طالع علي بنص الطريق ولكن الحمد لله استطعت ان اتفاداه لكن بغينا الفايده جتنا المصايب زايده تفاديت الجمل وانقلبت السيارة رأسا على عقب ولكن من لطف الله انها انقلبت في منطقة ترابية كثيفة جدا وانقلبت قلب واحد بس وضلت مقلوبة على راسها لكن الورطة ان الابواب ما رضت تفتح لان الرمال صكت عليها وصرنا في موقف مضحك ومبكي في نفس الوقت كل واحد فوق الثاني واللي ورى راح قدام واللي قدام راح ورى وضلينا على هذي الحالة محبوسين قرابة نصف ساعة الا ان مرت عائلة اماراتية وانقذونا.

      وهذا الموقف ما راح انساه ابدا.

    • اشكركم على المساهمه واقول لكل من شارك وتعرض لمواقف صعبه الف الحمد لله على سلامتكم وما تشوفوا شر
      ونتمنا نسمع مواقف اكثر
      اما انت يا سائق التاكسى الله كان فى عونكم وعون الجمل .............. والله صحيح انكم كنتاو في موقف تحسدون عليه موقف فعلا يضحك وفى نفس الوقت ويبكى وفعلا موقف ما راح تنساه ...........واقول لكم مرة ثانيه الف الحمد لله على سلامتكم

    • السلام عليكم جميعا

      لازم تطلعوا المستخبي يعني |a
      مو مشكله انا صارلي حادث بس بسيط والحمد لله كان قبل الليسن اما من بعد ما طلعت ليس ولحين الحمد لله ما صارلي شي والله يجيرنا شر الحوادث .

      صارلي الحادث لما كنت امشي في الطريق الترابي اللي في منطقتنا وبيني وبينكم كنت مسرع كثير بسيارة الوالد طبعا #e ...... المهم وتعرفوا الطريق اللي يكون بين المزارع يكون ضيق بحكم وصول اغصان الاشجار الى الشارع وانا ما كنت منتبه الى ان الشارع اللي بيجي قدام بيكون ضيق بحكم اغصان الاشجار .. طبعا ما حسيت الا وسياره جايه من الجهه المقابله طبعا ما قدرت اتفادى الوضع بحكم اني في اوائل قيادتي للسياره ... راح الاميري الذكي بضرب البريك مال السياره بقوه وسحب الهاند بريك في نفس الوقت #e .. السياره المسكين شاحت يمين ويسار وارتطمت بالسياره الجايه من الجهه المقابله $ ..

      بعد ما وقفت السياره اتضحلي اللي دعمته هو واحد من حارتنا من جماعتنا يعني :D

      الله يعينه المسكين كسرتله سيارته

      المهم في النهايه ما صارن اي اصابات بس شوي السياراة


      ...............................................................................................

      اهم شي بالموضوع اذا كانت الاضرار بالسياره وبس ترى كنوز الدنيا فدى روح الواحد منا وكل واحد نجى من اي حادث لا يستخسر سيارته لانها فدى روحه وما داوم طلع من الحادث سليم ومعافى فالسياره راح تتصلح واذا خسرت سياره راح تجيب غيرها ولاكن اذا راحت الروح ؟؟؟؟؟؟؟؟؟؟

      طبعا ما تجي غيرها

      اجارني واياكم وجميع المسلمين من شر الحوادث
      تحياتي للجميع : الاميري