الطريق إلى وادي شعيب ... بدون خـارطــــه !
إعداد و تصوير
عبدالكريم أحمــد الخلايلـــــه
16 / 6 / 2008
ـ شـو رأيك اليوم نروح على منطقة وادي شعيب في جنوب شرق السلط ؟
ـ أنا سامعك بتقول ياريت ! طيب ، شـو رأيك نلتقي أمام الجامعة الأردنية
ـ أول إشي تشرب فنجان قهوة عندي في البيت ، وبعدين نقول ياااااأللـــه .
المدخل الرئيسي للجامعــة الأردنيــــة
[bimg]http://img124.imageshack.us/img124/1990/86025791wd6.jpg[/bimg]
مسجــد الجامعـــة الأردنيـــــة
[bimg]http://img124.imageshack.us/img124/2512/38759415px0.jpg[/bimg]
ـ حط عداد سيارتك ع الصفر ، طبعا ً السيارة جاهزة من كله ... كله ... ولا ّ لأ .. ديربالك !!
ـ شوف ياخال ! نطلع طلعـة نيفين ، أيوه ، أنا بعرف ، إنـه طلوع حاد شوي
بس شو بدنا نساوي ، أنا بحاول أبعدك عن أزمات السير .
ـ يالله عاد شـد حيلك ، بدنا نلحق قبل ماتحمى الشمس .
ـ إحنا وصلنا الإشارة ، ياعيني علييييييييييييك ! نعم عداد سيارتك بيسجل 3 كم!
ـ شوف يا صديقي ، ها المـرّه ، بدنا نمشي دوغري ، لأنه إذا رحنا ع اليمين بدنا
نروح ع مدينة صويلح ، وياحبيبي ع الأزمة . وإذا رحنا ع اليسار معناته بدنا
نروووووووووووووح ، على حدائق الحسين والمدينة الطبية .. لا ...لا ... لا
الله يعينك بدنا نظل ماشيين دوغري ... معلش فيه طلوع بس مقدور عليه ....
ـ حط أول وقول يااااااا ألله ... شوف شوف شوف ، لما صعدنا الشارع الجنوبي
للمدينة ... صارت صويلح كلها واضحة ... إنت إطـّلع على يمينك .. وشوف
هاالمنظر .... يااااااااااااااااااااااااااااااااسلااااااااااااااااااااااااااااااااااااااااام !!!!!
منظـر عام من مدينـــة صويلـــح
[bimg]http://img209.imageshack.us/img209/8623/41163748nu1.jpg[/bimg]
ـ غني .. ياخوي... غني !! ما أنا سامعك بتقول وياه أنا ماشي ماشي !!!!!
ـ كم عداد سيارتك ؟ إذا العداد 5 ،5 كم ، فإحنا الآن بالقرب من جسر " الكماليه "
عاد الآن ناظر قدامك رح تشوف مناظر بتوخذ العقل .. آه .. هاي منطقة
" الـْـحــُمّرْ "
ـ إحنا رح نواصل طريقنا من تحت الجسر ( فيه دوار صغيرون ) بنحطه على
على يسارنا .... ويالله ... To Essalt with Love ، ماشيين على بركة الله.
ـ أظن عداد سيارتك صار 7.5 كم ، أيوااااااااااه أطـّلع ع اليسار رح تشوف مصلى
وضريح الشهيد " وصفي التل " ... إنتظر!!! عليش مستعجل ؟!!! مطولين
بدنا نقرأ الفاتحـه على روح الشهيد .
مصـلى وضريح الشهيد وصفي التل
[bimg]http://img72.imageshack.us/img72/1912/67422161hl4.jpg[/bimg]
ضريح الشهيد وصفي التل
[bimg]http://img510.imageshack.us/img510/4268/11037834ox8.jpg[/bimg]
ـ ماشي ياعم يالله إمشي ، وبس يسجل عداد سيارتك 10 كم ، فأنت أمام جامعة عمان الأهلية ( يعني إنته بأول " طريق السـرو " ) شجر ، كازية ، مطعم ، ورد.
الطريق المؤدي إلى مدينـــة السلط ( المعروف بـ" شارع السـرو " )
[bimg]http://img529.imageshack.us/img529/7364/54197490ko6.jpg[/bimg]
[bimg]http://img47.imageshack.us/img47/9825/56651986uj3.jpg[/bimg]
[bimg]http://img209.imageshack.us/img209/1243/97205169xi1.jpg[/bimg]
ـ شو تفكر!!! وادي شعيب ؟! بعيد شوي ، بس مش أوي أوي .
ـ نحن الآن على مشارف مدبنة السلط ، يعني عند إشارة قلب المدينة ، بيكون عداد سيارتك 18 كم ، ودير بالك ..!! خذ أقصى يسارك ، حتى تلف بإتجاه موقف الباصات وتحط الكراجات على يمينك .
مشارف مدينة السلـط
[bimg]http://img523.imageshack.us/img523/5449/57663386gk5.jpg[/bimg]
منظـر عام من مدينـــة السلـط
[bimg]http://img72.imageshack.us/img72/7201/10jo5.jpg[/bimg]
وادي شعيــب
[bimg]http://img209.imageshack.us/img209/810/11jb8.jpg[/bimg]
[bimg]http://img529.imageshack.us/img529/8608/12qi1.jpg[/bimg]
[bimg]http://img209.imageshack.us/img209/5889/13rl7.jpg[/bimg]
[bimg]http://img209.imageshack.us/img209/4508/14da0.jpg[/bimg]
[bimg]http://img50.imageshack.us/img50/2672/15ca5.jpg[/bimg]
[bimg]http://img72.imageshack.us/img72/4754/16xj3.jpg[/bimg]
[bimg]http://img209.imageshack.us/img209/8079/17ud0.jpg[/bimg]
[bimg]http://img205.imageshack.us/img205/8057/18jj5.jpg[/bimg]
[bimg]http://img124.imageshack.us/img124/6068/19wb8.jpg[/bimg]
[bimg]http://img523.imageshack.us/img523/4665/20un0.jpg[/bimg]
وتستلم أول طريق " وادي شعيب " سامع إللي أنا سامعه آآآآ ه والله سامع هذه
أغاني شعبية بيحكوها السلطيه .... شو رأيك نسمع شو بيحكو .... آآآآه والله ياريت ......
" يا طا يح وادي شعيب وعيرا ويرقا معروفه السلط عروس البلقـــا "
إسمع ... إسمع شوبيغنوا !! سامع ....!!! هذول عم بيغنو إشي ثاني .......
" وحق النبي شعيب ماسمعنا الخبر والعشره للغير والمهموم أنااااااااااا "
بتحب تسمع كما وكمان يالله !!!!!....
" يازريف الطول طايح وادي شعيب والشعر الأشــقر لحد ِ الكعيب "
ـ على ها الأنغام الطربيه يالله نمشي !! بس !! شوي شوي
ـ عاد ... بدك تمشي شوي شوي مشان تتمتع بمشاهدت المناظر إللي بترد الروح
ـ شوي شوي : ـ مناظر ، منعطفات ، مياه بتسيل ع الشارع ، متنزهين ، بائعين
ـ ياسلااااااااااااااااااااااااااااااااااااااااااام وين إحنا ؟!! إحنا ياخوي عند "عين حزير"
مش عداد سيارتك بيسجل 20 كم ، خلااااااااااص معناته إحنا فعلا ً عند عين
حـزير ، ع فكره ؟!! إنت بتعرف مين هـوّا " حـزّير " يارجل هذا أخو سيدنا يوسف عليه الســـلام !!
عين حــزير
[bimg]http://img124.imageshack.us/img124/3340/21du9.jpg[/bimg]
ـ إيــش!!! أكيد مبسوط !! يعني إذا ها المناظر مابتخلي الواحد ينبسط ، شو بده يبسطه إذا ً.
ــ شو رأيك نمشي كمان شوي ...بس على مهلك شوي : المنعطفات بتخوف والمناظر بتجنن
يارب سترك .
ـ ؤؤووووووووووووووووه عداد سيارتك بيسجل 27 كم ، إذا ً على يمينك طريق بتـْـودي إلى منطقة " عيرا و يرقا " ... بلاش تدخلها أجلها إلى رحلة ثانيه!!
آرمـة منطقة عيرا و يرقا
[bimg]http://img124.imageshack.us/img124/5243/22al4.jpg[/bimg]
إمشي دوغري بس 1 كم
ـ يااااااه وصلنا الجسر ... صار لازم ننزل ونتفرج ع السيل والشجر والعصافير والليمون والرمان والكينا والدفلى والتين والبرتقال والقصيب والورد وإلذي منه !!!!!! يعني بدنا نصف
ســاعـه وأكثر، فأنت الآن وسط منطقة ولا في الأحلام !!! ، يالله خلينا نوكل ساندويشاتنا ونشرب الشاي ، ونستريح ونشرب الماء البارد ، وكمان المرطبات !!! ما أناى معي ثلاجة ولا يهمك !!!.... يعني أنا محتا ط من كله !!! بس تكون مبسووووووووووووووووووووط .
مناظـر من منطقـــة الجسر في وادي شعيب
[bimg]http://img124.imageshack.us/img124/1295/23ta8.jpg[/bimg]
[bimg]http://img124.imageshack.us/img124/5373/24lu4.jpg[/bimg]
[bimg]http://img124.imageshack.us/img124/3308/25jn6.jpg[/bimg]
[bimg]http://img124.imageshack.us/img124/1707/26px5.jpg[/bimg]
ـ نوينا .... قول يا ألله عليك توكلنا .... لاتنسى لما يصير عداد السياره 31 كم تتمهل !!!!!!
ـ ياه !!! شوف .... شوف .... إيش بتقول؟! مسجد !!! نعم مسجد ومقام سيدنا شعيب عليه السلام .. صارلنا ماشيين 4 كم من الجسر ... يالله ندخل ع اليسار ونصلي ثم نقرأ الفاتحه
على روح نبي الله شعيب عليه السلام .. رح تشوف المسجد والمقام والمكتبة .... ورح نجلس تحت ها الشجرات وأشرحلك عن سيدنا شعيب وزيارة موسى إله هون ومساعدته لبنات شعيب وزواج موسى من وحده من ها البنات ثم رح أحكيلك شوي عن طبيعة وتاريخ وادي شعيب.
الطريق المؤدي
إلى مسجـــد ومقام النبي شعيب عليه السلام
[bimg]http://img295.imageshack.us/img295/9967/27tc5.jpg[/bimg]
آرمـــه تشير إلى المسجـد والمقام
[bimg]http://img401.imageshack.us/img401/2668/28nt5.jpg[/bimg]
مسجـــد و مقام سيدنا شعيب عليــه السلام
[bimg]http://img295.imageshack.us/img295/6138/29bd8.jpg[/bimg]
ــ أووووووووه إسترحنا نص ساعـــه !!!! يالله نواصل مسيرنا .....
ــ ع الطريق رح تشوف تناقضات البيئه ، رح تشوف شجر ، بعدين صخور وجبال ومغر وكهوف ووديان وتشكيلات صخرية وأحيانا مابتشوف إلا الجبال الجرداء وبعد شوي رح تشوف مي وخضره وليمون ونخيل وباعة الأشجار والأزهار ووووووووووو!!!!!!!!!!
مناظر طبيعيـــة
[bimg]http://img93.imageshack.us/img93/5489/30gv0.jpg[/bimg]
[bimg]http://img93.imageshack.us/img93/5770/31ha0.jpg[/bimg]
[bimg]http://img93.imageshack.us/img93/1615/32vs9.jpg[/bimg]
[bimg]http://img93.imageshack.us/img93/1603/33tp4.jpg[/bimg]
[bimg]http://img93.imageshack.us/img93/8479/34sf4.jpg[/bimg]
ـ أظن الآن صار عداد السياره 43 كم إذن إحنا فييييييييييييييين ؟؟!!!! والله ياصاحبي
إحنا في مكان البطولة والأمجاد .... إحنا عند النصب التذكاري لشهداء " معركة الكرامه "
شو رأيك !! ندخل ونتذكر بطولات الجيش العربي الأردني في معركة الكرامه إللي صارت
يوم 21 / 3/ 1968 م .
صور من أحد مواقع معركة الكرامه
والنصب التذكاري للشهداء
[bimg]http://img93.imageshack.us/img93/1760/35zd0.jpg[/bimg]
[bimg]http://img93.imageshack.us/img93/1483/36fc9.jpg[/bimg]
[bimg]http://img93.imageshack.us/img93/4913/37zn4.jpg[/bimg]
يالله أقعد خليني أشرحلك بالتفاصيل عنها .
ــ إن شاء الله تكون إنبسطت ..... وشايف الطريق إللي رايح دوغري ، ع اليمين ؟!! هذا ياسيدي بيوخذك على الشونة والأغوار الوسطى والشمالية ودير علا ّ ومقام أبوعبيدة وضرار بن الأزور وشرحبيل بن حسنه ومعاذ بن جبل .
الطريق المؤدي إلى الشونة الوسطى والشونة الشمالية
[bimg]http://img206.imageshack.us/img206/310/38ga4.jpg[/bimg]
.....أما إللي ع اليسار رح يوخذك على الشونة الجنوبية وعلى البحر الميت... وياحبيبي وين ما رحت كلها مناطق جميله ... وجنات على مد النظر. المرة الجايه بنكمل ونروح ع البحر الميت .... مش رحناله الشهر إللي فات ......!!!!
ـ لكن إحنا بدنا نرجع .... بس بعد مسافه رح أوخذك من طريق آخر .... إذا ً .. صفر عداد السياره .... حطيته صفر عند النصب التذكاري؟! ... مزبوط .... طيب ... قول ياااااأللــــه
ـ وياه أنا ماشي ماشي ......يالله غني أنا عارف إنك طربان.. شوف ها المغر شوف ها التشكيلات الصخرية ... شوف ها النخيل شوف ها المزروعات ....!!!
مناظـر من طريق العودة
[bimg]http://img206.imageshack.us/img206/2730/39lx4.jpg[/bimg]
[bimg]http://img206.imageshack.us/img206/6372/40dl4.jpg[/bimg]
[bimg]http://img206.imageshack.us/img206/6352/41fr9.jpg[/bimg]
[bimg]http://img295.imageshack.us/img295/651/42jg4.jpg[/bimg]
ـ آه والله ..سامعك بتقول العداد سجل 13 كم يعني إحنا عند مقام النبي شعيب طيب ماشي ..!!!
ـ وصلنا عند الجسر مش هيك ....
[bimg]http://img206.imageshack.us/img206/1350/43kh6.jpg[/bimg]
[bimg]http://img206.imageshack.us/img206/8673/44qq9.jpg[/bimg]
ــ شو بدنا نعمل ؟! المهم ماتروح دوغري .. فيه شارع على
يمين الجسر ... إمشي عليه ولا يهمك طلوع .. صح والله طلوع طوووووووووووويل وبده
روح طويله ... بس بيني وبينك ها المناظر إللي بنشوفها تخلي الواحد ينسى الطلوع والتعب
ودير بالك ... منعطفات حادة وطلوع حاد ، ولما تشوف العداد 18 كم... يعني بتصير في مدينة
مـاحص ، ولما يصير 20 كم بنكون في مدينة " الفحيص " ونشوف مصنع الإسمنت ، ونخرج من الفحيص إلى شارع الحجاز ثم الإلتقاء مع شارع المدينة الطبية ثم ع اليسار إلى صويلح وعند الإشاره ، نوخذ ع اليمين بإتجاه " نزلة نيفين " وماتشوف حالك إلا ّ عند الجامعة الأردنية ....
الطريق من وادي شعيب إلى ماحـص
[bimg]http://img206.imageshack.us/img206/2514/45go2.jpg[/bimg]
الطريق من الفحيص إلى مدرسة البكالوريا الدوليــة
[bimg]http://img206.imageshack.us/img206/8057/46uq8.jpg[/bimg]
الطريق من البكالوريا الدوليــة إلى شارع الحجاز
[bimg]http://img206.imageshack.us/img206/9910/47uj8.jpg[/bimg]
الجـامعــــة الأردنيــــــــــــــــة
[bimg]http://img206.imageshack.us/img206/7656/48nw2.jpg[/bimg]
روح خذلك دوش ماء بارد ... وحط راسك ع المخده بلكي توخذلك غـفوه !!!!!
ــ وها الحين أقولك زين سويت ، والله يعطيك ألف عافيه
ــ بس يا معود لاتنسى تبعث الصور للمنتدى ، خلي غيرنا يشوف ها الرحله الممتعـــــــه ..............!!!
سلااااااااااااااااااااااام و إلى اللقااااااااااء
: 
: 
: