بســــــــــــــــــــــــم اللـــــــــــه الرحمــــــــن الرحيـــــــــم
والله انك تدعين ا لجهل وانتى تعرفين **** يو قلتى لك عبارة مالها اية مجال
يو رحتى تتبعين افكار ناس خايبين **** حملوك بكلمتين وقلتى انهم راس مال
قلتى ان اصل البشر مخلوق من ماء وطين **** بس ماهم البدو والظاهر انهم من حثال
والله انك قلتى الكلمه ولا انتى تدركين**** انها صارت قضيه لك ولا فيها جدال
يوم قلت لك اركدي رحتى على تضحكين **** والله ان كنى جنوب وكنك بضحكه شمال
والله انى في البداوة نسل الاولين **** والله انى في البداوة عابر تسعين جال
والله انى في البداوة لا اهين ولا استهين **** والله انى في البداوة من عمام ومن خوال
والله انى ابدوى قاسي ولا عمرة يلين **** والله انى ابدوى ما عشت في لين ودلال
والله انى ابدوى و لا تغيرنى السنين**** ابدوى نسل ابدوىما هو يغير فى المقال
والله حن فى البداوة على خلق ودين **** صايمين وساجدين ولله الكمال
الكرم موجود فينا كل وقت وكل حين**** والشجاعة نسل اهلنا اليا صار القتال
وجارنا يبشر بعزةوحنا له نعيين **** من تصاريف الزمن حنا انخلقنا للثقال
فعلنا مثل القمر لا غاب لا بد ان يبين **** وفعلنا ايشابه الصوان في رووس الجبال
حن خلقنا للشكاله اخذي علم يقين **** الطفل حنا يساوى منكم عشرة رجال
طفلنا يا بنت ياتى على الفطرة فطين **** وان هرج قلتى كلامه شايب كله جزال
ادرى انك لا لمحتى قاف شعري بتسرحين **** بس قولى وش جوابك على هذا السوال
بايش ضروك البدو يوم رحتى تجرحين **** البــــــــدو ماهم حثاله انتى والله الحثــاله
ارجو ان تنال اعجابكم
تحياتي قيس البلوشي
