الله يردك يا أبو عابد بالسلامة
وش حيلة المشتاق ... غير يكتب قصيدة
طرى طيفك على بالي وفكرت ألتقيك شلون
لقيت البعد يفرقنا وبيني وبينك الأميال
دعيت الله يجمعنا ونفرح باللقا والدون
دعيت الله يصبرني إلى لقيا خوي البال
أنا باقي على خبرك ولكن لو تشوف شلون
غدا قلبي بعد بعدك غريبٍ طاح في غربال
ألا يا حزنِ حزن اللي بعد خله غدا مغبون
بعد ما كان له صاحب بقى فردٍ بليا وصال
تعجل يا بعد حالي تعجل واسبق المكنون
وسط عيني تجمع دمع لو يهدر تقل شلال
أنا برضى ولو ساعة تسامرني وثم تسرون
ولكني بعد ساعة أبي منك تعيد الحال
ترى صبري على بعدك كثر ساعة يجيب جنون
لذلك ارحم قليبٍ يصيبه بعدك بزلزال
كتبته نحت من راسي وأرسلته جرى بالكون
يدور شخص يستاهل رسى عندك بليا جدال
: 
: