الحمدلله رب العالمين ما جالي شربت من هالمقاااااااهي




قرفه تقرفهم يا رب




تسلمي ع التنبيه أختي

حوموا كبدي الله يقرفهم بس وصلني التحذير هذا بالأيميل وعلى طول قطعت كل العلاقات الدبلوماسيه بيني وبين ستار بكس والبذات الفوربتاتشينو واخوانه الكابتشينو والأكسبرسو ما بقى الا نشرب فضلات الحيونات اخص واعقب...والله حلاتها فنجان قهوة متحمس من يدين رجال بدوي يحمل الراس والله وتدوخك ريحة الهيل ويلسعك بمرارته وعلى طاري القهوة عندي معلومات بسيطه عن القهوه من جدي وسالفه تبارك الله يقول زمان اول زمان الطولات وخصوصا عند البدو كانت القهوه وما زالت من ابرز معالم الكرم وحسن الظيافه عندهم وحتى انها كانت لا تشرب تحتسى لمجرد الأحتساء ولكن كان يعقد عليها امور كثيره وحتى لو كان الضيف جايك وعنده طلب ما يشرب قهوتك لين تحقق طلبه ولفناجيل القهوه عده مسميات منها :

فنجال الهيل :و هو اللي يشربه راعي البيت قبل ضيوفه حتى يتأكد من طعمها.
فنجال الظيف: واللي يصب للظيف اول ما يوصل وبالعاده يتكرر ثلاث مرات.
فنجال الكيف: وهو اللي ينصب للزوار بعد حق الضيافه نوع من استطعام القهوه و محبه شربها.
والأخير هو فنجال السيف :وهذا ما يشرب الا ايام الحروب ويصب على اسم فارس من فرسان الأعداء ومن يشربه يلزم نفسه بمواجهه ذاك الفارس وقتله .

ومن زود حب البدو للقهوه تسابقوا الشعار في كتب القصايد فيها ويمكن من اشهر القصايد اللي انكتبت بالقهوه قصيده الشاعر دغييم الظلماوي بعنوان (( يا كليب شب النار)) و ظهر العديد من الشعار اللي حاولوا مجارات هذي القصيده مثل: عبيد السعدي وراعي بقعه والقبالي راعي قصر العشروات وظهر مجموعه كبيره من الشعار اللي قصدوا بالقهوه وطعمها مثل :علوش ابن ظويهر العنزي والشيخ صنيتان ابن راجح البدران .

اما هذي فهي قصيدة (( يا كليب شب النار)) للشاعر الكبير دغييم الظلماوي وتعتبر من اثار الشعر ودرره

ياكليب شب النـار ياكليـب شبـه
عليك شبة والحطب لـك يجابـي

وعلي أنـا ياكليـب هيلـه وحبـه
وعليـك تقليـط الـدلال العذابـي

وادغث لها ياكليب من سمر جبـه
وشبة الي منه غفـى كـل هابـي

باغـي ليـا شبيتهـا ثــم قـبـة
تجلب لنـا ربعـا سـراة غيابـي

نسريـةً ياكليـب صلفـا مهـبـه
لاهب نسناسـه تقـل سـم دابـي

سـراة بليـل وناطحيـن مهـبـه
متكمكمين وسوقهم بالعقابي

الوالمـة ياكليـب عجـل بصبـه
والرزق عند اللي ينشى السحابـي

صبـة لقرمـ صرفتـه ماحسبـه
يوم البخيل مكنهب الوجـة هابـي

وصبة لمنعورن ليـا جـاة نبـة
يرخص بعمره والدخن لها ضبابي

وعدة عن اللي مايـداري المسبـه
اللـي يـدور بالقصيـر الغيابـي

عن الطيب عده نـازلا لـه بغبـه
يضرب علي درب الخطا مايهابي

لا باطن الهلبـاج خطـوا الجلبـة
يا حلو خبـط عصيهـم بالركابـي

أطمر لهم وأبـدي سـلام المحبـه
لا جو على هجناً يديهـم خرابـي

سلام أحلى مـن شخاليـل جبـه
وأحلى من السمن الجديد الرعابـي

مع كبشً مصـلاح راسـه نجبـه
لا دبَـر الهيـن متيـن العلابـي

خطو الولد يـوم الملاقـي نكبـه
يأتي علينا من حسـاب الزهابـي

وحتيش لو يلبس زبون وجبـه
معيـرة علـى غضيـر الشبابـي

أنا لقيـت الصبـر يازيـن غبـه
يرقيك رؤوس مشمرخات الهضابي

من لاصبر ياكليب في حكم ربـه
هذاك يـوم البعـث مالـه ثوابـي

يقولها اللي مـا حسـب المسبـه
ولا عرقل الاجواد ببعض الهلابي

هذا هـوى بالـي وهـذا مطبـه
من قبل مايسفـح علينـا الترابـي


ياويلي ويلاه قلبت الموضوع لبرنامج ديوانية الشعراء لوووول سامحني يا اخوي اخذ راحتي بموضوعك شسوي العرق طق فيني وانت جبت طاري القهوه ما قدرت الا اعبر ..لاهنت يا اخوي ولا هان قدرك مبدع ورائع في موضوعك....سامحنا على البدليت لأنها وردت سهوا وانا اختك لاهنت ولا هان قدرك

بيني وبينك يا اخوي انا قمت اشك حتى بعصايرهم لوووول ما اعرف الله يستر من شنو مسوينها خخخ يعني اذا القهوه طلعت من فضلات حيوان شلون العصاير ماعندي فكره بس عشان اريح نفسي من شرهم قطعت كل علاقاتي بستار بكس وعقبالكم