الذاهبة
اللـه اللــي راد والعــقـــدة قــضــاها اللي عـقــــدها
===========لا على الـدنــــيــا سـلام و لا لبــاقي العمر زينة
الفـضاء ما كــنــه إلا خـــيـــمــةٍ طــــاحــت عمدها
===========والفــــرح مــــا كـــنــه إلا شـــيـخٍ أنـــــقـصـت يدينه
والعمــر قطـعـة زجاج انـكسـرت ولا طال مدها
===========والعـرب فــي العـيـــن بـــدمـــوع اليـتامى مستهينة
والشــــــوارع لــفــهـا ثــــوب الظـــلام اللي جـحدها
===========والبــيـــوت أطــلال من عـقب المحـبة والسكينة
والشتـــاء واللـيـل والبــرد والسماء يـصرخ رعــدها
===========والعيون اللـــي وراء الشــبـــاك مـذعـــورة حـزينة
طولوا في الكف الأصحب وبقت روحي وحدها
===========كنـها في كـــوكــب ثــــانــي خــلا مـن ســاكـنـيــنه
الــــــوداع اللــي بـعـلـم العيــن يـعبــر من رمـــدها
===========والـوداع اللــي بل علم بالقـفـص صدري غبينه
والـــوداع اللــي بـــلا رجــعــه عـلــيّ أمــر وأدها
===========والله أنـه غــرغــرة سـلــم وسـكـاكـيـــن سنـيـــنه
و العنـــود اللي جـفـيــت الناس والدنــيــا بـعـدها
=========مـدت الفــرقـــة لغــاليــهـــا وهــي تــعــطي الثـميـــنة
ويــنــها كيــف تــركتـنـي ليــه ماجـت في وعـــدها
===========والقمــر لا طــــل خــابـــرهــا يــجــي بـيـنـي وبـيـنه
رحــت أنــادي و أتــلمس في مهـب الـريح يدها
===========كني حــصان بــلا صاحــب طـوى البيداء حنينه
رحت أصيح الصبح ويـنـه والعرب مارد أحدها
===========ما سمـعـت إلا صدى صـوتي يـقـول الصبح وينه
كنهم من يوم ذيك الشمس غابت عن بلدها
===========طلعـونـــي في النــفــود وصكـــوا أبـــواب المدينة
كنــهـم من يــوم ذيــك الذاهـبـة محــدٍ وجـــدها
===========كــلّ رجــالٍ مــن الشـــرهــة قـــلعه الدرب عينه
أثــرهــا ماتــت وماتــت كــل فــرحـــة في مــهــدها
===========والربـيــع أقـفـت به اللي كـانــت التــاج لجـــبـيــنه
جاورت عقب الحـدايق حفــرةٍ مقــسى لحدها
===========حفـــرةٍ مانــي مصــــدق كيـــف ضـمــت ياسمينه
للحــزن فـيــنـي مثــل ما لطهـــارة فــي جــســدها
===========ويــش أسوي لا فـتـشـت اللي لـها وسط الخزينة
زخــرفة حلم و بـنـتـلـه مسكـن وسـمت ولدها
===========آه لــو غــــدت ولـــدهــــــــا في خمـيــلــة والــديــنه
عاهدتني و أظفرت في يمين أقوى من عهدها
===========و الصميلـه خيـر فـيـه إن كـــان ما تـنـفــذ يـميـنه
ما تـثـقــى عـن رثـــاهـا عـرق اقـتــــض بـشـهــــدها
===========ولا تبقى خلف قضبـان الجـفـن عـذراء سجينه
كيف عند العالم أيــام العـزاء محصـى عددها
===========وإلا لا طالت شهـــوره واللـه اعلـم كــم سنـيـنه
لا الثــرى فيـها نــبـات ولا المـشي خفـف نكدها
===========لا السماء فيــهـا طيـــور ولا البـحـــر يــمـه سفـيــنه
للقـمــر هـذا مــســــاه وللـعــصــي هـــــذا رغـــدها
==========لـزهــر هــــذا شـــــذاه وللــــذهـــــب هــذا رنـــيـــنه
قــالــوا الشيـخ الفــلاني مـرجع القــــوم وسـنــدها
===========قال يـبـشــر بالعــوض وللـعــلــــم جيـنـــا نـاقــليــنه
ساقــلك بــدر البــدور اللي نشــدها من نشــدها
===========جــادلٍ هــزت عــروش وخيـبــت روس ذهـيـــنه
قــســمـها في رسمها في جسمها إلا في رشدها
===========وأسمهـا أنجــال الغـضب قـومه بالألســن رطـيـنه
أتـرك النــــاي وعطيــة شيــخـــنا غـــــن لسـعــدها
===========وانـبـسط يا عم و أنسى اللي وراء التــربة دفينة
قلـت ولصـدري تــنــاهيــد تــــروع مــن شــهـــدها
===========آه واويـــلـهـا من يــجــلب على قـــلبـــي ضــنــيـنة
خــلــو أغــلــى ذاهـــبــة تــرى ربـيــع اللـي فقدها
===========و العــطـا راعيــه محـــدن صــوبــه اللـــه لا يـهيـنه
لو ضـمنــت الجـنـة تــــفــاحــة القـلـــب وشــهــدها
===========قلت من بكـــرى عسى مجنـونــهــا تـاقـف سنينه
لشاعر : ناصر القحطاني
مع تحياتي: اليحيائي
: 
: