الــصــورة الــلي بــجــوالي تــعـــذبـــنـــي:

    • الــصــورة الــلي بــجــوالي تــعـــذبـــنـــي:

      الصـوره اللـي بجوالـي تعذبـنـي
      ياكثـر ماجيـت ابمسحهـا واخليـهـا

      ياللي جفيت وجفـاك المـر ذابحنـي
      عقبك وجيـه البشـر مانـي بدانيهـا

      من يوم حبك غزى القلـب وتملكنـي
      قطعـت كـل العـلاقـات وطواريـهـا

      اقـرى رسايلـك ودموعـي تسابقـنـي
      وارد واقرى الرسايل واحتفظ فيهــا

      انت آخر انسـان هاقـي منـه يصدمنـي
      والظاهـر ان هقوتـي بانـت مواريـهـــا

      لـو الوصايـا ليـا احتديـت تنفعنـي
      ياكثـر نـاس ٍ علـى ذودي بوصيـهـا

      ليت الفـرح بنـك لاجيتـه يسلفنـي
      واقاصده راحتـي وحقوقـه اوفيهــا

      من كثر ماكنـت جارحنـي وظالمنـي
      قمت اعزل جروحـك بقلبـي واسميهــا

      تـدري وش اللـي يبكينـي ويضحكنـي
      انـك محـامـي قضيتـنـا وقاضيـهــــــا

      تدري متاك تعـرف قـدري وتفقدنـي
      لارخصت نفسك لشخص ٍ مايراعيهــا

      بكـره الا هملـوك الـنـاس تذكـرنـي
      وتقول عـزاه عينـي مـن يداريهــا

      مدام غيـري علـى قلبـك مشاركنـي
      وش هـو لـه اعلـق الأمـال وابنيهـا

      يكفينـي انـك رحلـت ومنـت عايفنـي
      هذا عـزا النفـس مـن كثـرة بلاويهــا

      اهديتك دمـوع مـن طعنتـك تحرقنـي
      وانـت اللـي تستاهـل الدنيـا ومافيهــا

      واهديتني جرح موجعني وعاجبني
      لــن الهـدايـا عـلـى مقدار مهديـهـــــا

      صحيح حنا انتهينا بس صدقني
      والله ان تبقى هوى روحـي وغاليهـا

      مفضوح راع الهيام ونظرته تغني
      ملامحه واضحه في وجهـه راعيهـا

      لكـل داء ٍ دوا لـو هــو متعبـنـي
      إلا محبتـك أعيـت مـن يداويـهـا

      ان قلـت علمنـي انسـى لاتعلمنـي
      دنيـاي لامـن نسيتـك ويــش تاليـهـا

      فارقتنـي وضحكتـك عيـت تفارقـنـي
      والله يلعـن ابــو الفـرقـا وطاريـهـا

      مقدر أفكر بغيرك وانت عارفنـي
      عشان حاجه بقلبي مقدر أخفيهــا

      اخاف لاحبنـي غيـرك وعاشرنـي
      يشوف صورتـك فـي عينـي ويوحيهــا

      نشدت عنك وسمعـت اللـي يفرحنـي
      وارتاح صـدري مـن همـوم ٍ يحاتيهـــــا

      تبي تعرف وش على الفرقا مصبرني
      انـك بخيـر وحياتـك مهتنـي فيهــا

      مـن يـوم ماغبـت والوحـده تعذبنـي
      اقرى رسايلك في حرقـه والاحيهــا

      اشوف صورتك ودموعي تسابقني
      وياكثـر ماجيـت أبمسحهـا واخليها


      دٱئمٱً ۆ ٱبدٱً ~o) : ( ا̄ﻟبسٱطہ - ٺضيف علئ شخصڳ رونققٱً مميزٱً .. ﻳ̉جعلڳ مختلف ڳن بسيطٱً ٺڳن ٱجمل ..

    • "مشكوووور خيووو همس عالمرور الحلووووو"
      دٱئمٱً ۆ ٱبدٱً ~o) : ( ا̄ﻟبسٱطہ - ٺضيف علئ شخصڳ رونققٱً مميزٱً .. ﻳ̉جعلڳ مختلف ڳن بسيطٱً ٺڳن ٱجمل ..

    • ابدعتي صراااااااحة كثري لنا منهم ,,,,, تشكرااات
      إن الإنسان قبل الحب (( شيء)) ***** وعند الحب(( كل شيء)) ***** وبعد الحب (( لا شيء)) الحب : هو الذي ينقل الإنسان إلى تلك الواحات الضائعة ،، واحات الطهارة والنظارة والشعر والموسيقى لكي يستمتع بعذوبة تلك الذكريات الجميلة التائهة في بيداء الروتين اليومي الفضيع وكأنما هي جنات من الجمال والبراءة والصفاء في وسط صحراء الكذب والتصنع والكبرياء $$e@أم عمر @$$e

    • ابدااااااااااااااااااااااااااااااااااااااااااع
      نتسلمي اختي
      جرحتك من كثر شوقي وخليت الكلام رماااااااح
      ولاادري شلون يا عمر طعنتك حييل بعتابي
      بدون شعور صدقني ترى كثر الغلا ذبااااااح
      تعال وشوف بغيابك غلاك شلون سوابي
      حرام تغيب من عمري وتعطيني الفراق وشاح
      حرام الدمع في عيني مناديله هي هدابي
      :(

    • @أم عمر@ كتب:

      ابدعتي صراااااااحة كثري لنا منهم ,,,,, تشكرااات


      $$e" تسلمين حبيبتي أم عمر على المرور الرااااااااائع"$$e
      دٱئمٱً ۆ ٱبدٱً ~o) : ( ا̄ﻟبسٱطہ - ٺضيف علئ شخصڳ رونققٱً مميزٱً .. ﻳ̉جعلڳ مختلف ڳن بسيطٱً ٺڳن ٱجمل ..

    • "بنوووتة مشكوووووورة على المرور الحلووووو"
      دٱئمٱً ۆ ٱبدٱً ~o) : ( ا̄ﻟبسٱطہ - ٺضيف علئ شخصڳ رونققٱً مميزٱً .. ﻳ̉جعلڳ مختلف ڳن بسيطٱً ٺڳن ٱجمل ..