رجال الدفاع المدني

القلم البرونزي كتب:

أخوي خلينا نرجع لمحور الحديث

فرق الأنقاذ والتنسيق المسبق بينها

وخطط الطوارئ.

pretty_life كتب:

ما عليه أخي ,, صار خير ,, وعذرا ما فهمت انها مزحة ,, تبي الصراحة ,,وما راح ألف وأدور معك وفي موضوعك ,, سالفة الانترلوك وحدها نكتة .. بأمانة ,, محد اتعض من اللي صار في جونو ,, أبدا ,, لا نحن ولا المسؤولين ,, بصراحة .. صار لنا محبوسين في عامرات يومين بسبب الشارع ,, وفي احدى مواضيعك في أحد الاخوان أظنه ( الواثق ) قال أن الشركات احتمال تتعمد ما تعدل الشوارع عشان يبنوها من جديد ,, وجهة نظر معقولة ,, لولا هالشي ,, ولو كانت الشوارع مرفوعة عن الوادي أو عالاقل ما تكون في مجرى وادي كان ما صارت هالكارثة ,, نعم كارثة,, ضحايا بها العدد وينكروهم ؟ ويقولوا كلهم مجازفين ؟؟ كلهم ؟ ؟ 42 سيارة مجازفة؟؟ طيب اللي جازفوا ,, اعترفنا انه خطأ ,, هل يعني انهم ما يتحملوا مسؤلية غرق 42 سيارة وموت أغلب من فيها؟؟

أسألة كثيرة مثل ما قال عفريت ,, بس لمن توجه؟

3freet كتب:

معقولة 42 سيارة ؟؟؟؟؟$$t

معقولة انه 42 سيارة جازفة بالدخول للوادي ما اتوقع اقل شيء واحد من هم بيكون عاقل؛؛

اذن هناك خطاء ما ويجب اصلاحه؛؛؛

من المسؤول؟؟؟؟~!@q

كووورة كتب:

بصراحة بعض الناس ما عندهم تفكير أمس شفة واحد متهورمعاه اولاده يخوض الوادي وتعطلة علية السيارة وبعدين جلس يصرخ الجماعة ما قصرو فية نقضوه لكن ما علشان خاطرة على خاطر الاولاد

pretty_life كتب:

فعلا كلامك صح .. سمعت يوم الامطار فيه واحد دخل بأهله في الوادي وما قدروا الدفاع المدني يطلعوهم وماتوا جميعهم ,, اذا ما كنت تخاف على نفسك ,, ما تخاف على أهلك؟؟ ,,والله فيه ناس متفاخرة انها عندها سيارات كبيرة ,, ونسوا انه الوادي ما بس ماي ,, الوادي يجرف معه الحجارة والطين والاشجار ,,,وأكبر سيارة ما تقدر توقف في وجه الطبيعة .. الله يسامح هالنوع من الناس ,, والله يتغمدهم برحمته

القلم البرونزي كتب:

نعم تقريباً مايقارب ال 42 سيارة بس ما نفس الوادي أختي هوه قال في أماكن متفرقة ، وحتى لو كانت أماكن متفرقة هل يعقل أن يكون العدد 6 وفيات فقط ونحن نسمع طراطيش وليست بمؤكدة من يرى بأم عينه أن هناك الكثير من الغرقاء

أنا امس كنت أشوف الأخبار وكان اللقاء عند واحد عليه رتبة نقيب ذكر أن عدد الوفيات المؤكدة 6 ومازال البحث جاري عن أشخاص أخريان.

nowiraa كتب:

اشكر القلم البرونزي وبريتي على اثارة الموضوع وطريق العامرات مايحتاج الواحد يتكلم عنه يكفينا الزحمة كل يوم والمعاناة تكبر عند نزول الامطار وانا وحده من الناس الي اتجازوا الطريق قبل نزول الوادي بنص ساعة وبريتي معها حق لانه طريق الوادي هو المنفذ الوحيد للوصول للعامرات يعنى وانت في وسط الطريق وتتفاجأ بالوادي قدامك وين بتروح فوق الجبل بصراحة كثير من الماسي تحصل ولا حد وقف وناقش هالموضوع من المسئولين وبعدين شو كان يصير لو الشرطة اقفلت الطريق من الصوبين ومنعت الناس من المرور اظن انهم ماراح يخسروا شئ وبعد الشباب الله يهديهم ليش المجازفة في الوادي لانه عندي سيارة دفع رباعي للاسف انا صورت فيديو مشهد لشباب جازفوا عشان يقطعوا الوادي وانقلبت عليهم السيارة ولولا لطف الله بهم لكانوا في عداد المفقودين بس للاسف الصور معتمة والله يرحم الجميع .

مريم الوهيبي كتب:

أحسن شي برأيي شارع االعامرات وادي عدي يسكروة ويسويو هالمنطقة منطقة كوارث و يخططوا لطريق ثااااني أبدا ما يمر بالوادي