للشاعر:حامدزيد





ونفسي للوفا والطيب وفعل الخير جزامه



وأسيّر نفسي بعقلي مدام النفس هدامه



ولا يقوى على قلبي صغير الحسد وأجسامه



وترى لا خير في رجلٍ يوطّي للردى هامه



أوفي له مطاليبه وأودّه وأرفع أعلامه



أبعرف هو صحيح إنّ القدر بالناس دوّامه ؟



ومن في هالزمن يقدر يوجّه خطوة أقدامه



ومن منّا قدر يعرف خفايا مقبل أيامه ؟



عرفت إنّ القدر يفرض علينا بأسوأ أحكامه



وبه ناسٍ لنا ضامت ، وبه بالناس منظامه



مدام الحسد باقي وبعض الناس نمامه



ولا تشره على رجلٍ عيونه خانت أقدامه



تناسى غلطة الصاحب عليك بلحظة اخصامه



تروّى واعرف بضرب الحديد تفكك لحامه



تراك بكسرة الخاطر حكمت القلب بعدامه



ولا تامن من الحاسد رضاه ورفعة ابهامه



مدام إنّ البخت عيّت توّفق رمعة سهامه



ولكن الفتى ودّه يحقق جملة أحلامه



وعن وجه الزمن بكشف حقيقه وأرفع الثامه



وأنا عندي مع الدنيا مواقف ترفع الهامه



مدام إن الأمل طبعي ( عرين وصرت ضرغامه)



تحت رمل الثرى نبقى تغطي جسمنا خامه



ولا يبقي من الميت سوى ذكراه وعظامه



وكلٍ يطلب المولى يبيحه يحسن ختامه



وصحف البيّنة جفّت وعنها رفعت أقلامه