راحت سنة جتنا سنـة وأنـت غايـب

يعني عذاب العـام يبقـى معـي عـام

امن الغياب المـر ويـش أنـت جايـب

الآم والله مـاعـلــي قــلــة الآم

( كل عام و أنت الحزن ) يااغلا الحبايب

يا من حدا عن شوفته عـرف واحكـام

أتعبنـي المسـرى و بـرد الهبـايـب

معا طريـق(ن) كلـه أحـلام ووهـام

حتى و لـو عنيـت عـوس الركايـب

مامـر أبـو هـمـام بيـمـر هـمـام

فهـمـت ولا اعـيـد دام السبـايـب

كذبة شهر أبريـل مـن تسعـة أعـوام

أتصـدق أن المـوت ظلـم القـرايـب

وأن الصراحـه طيـب والكـذب هـدام

بغض النظر عن مـن بـدا باالحرايـب

وعن من زرع ورده ومن يـزرع الغـام

أنت الحبيب اللي مـن الوصـل هايـب

وأنت التقي اللي عـن البعـد ماصـام

أصبحت عـن حـزن المقابيـل نايـب

من عقب ماأنت بسبـت أفـراح الايـام

وأن عودت منه... وكبـر... وطلايـب

فاالصقر صقر أن لازم الوكر و أن حـام

هل تعتقد بني مـن الشـوق ذايـب ؟!

ذايب!! ولا كـن عـادت الحـر لاشـام

يكفخ عـن الزلـه عطيـب الضرايـب

بعيـد عـن درب(ن) توطتـه الاقـدام

راحت سنة فيهـا الشقـا و العجايـب

خليط بيـن الضحـك ودمـوع الايتـام

أخـر مـدارات الحـيـاة النصـايـب

واول مسـارات المحبـيـن الاقــدام

ماكل رآي(ن) يعجـب النـاس صايـب

لا غرتـك كبـر الأسامـي والاحجـام

ياثامنـة سبـع الأمــور العجـايـب

هاذي الحقيقه و الخبر عاجل!! وهـام!!

الا المحـبـه ماتـجـي باالغصـايـب

والله يـذل الشـرك ويعـز الاســلام

مرت سنة تتبـع سنـة وأنـت غايـب

وأنا على ذا الحال مـن تسـع أعـوام

( كل عام وأنت الحزن يا أغلا الحبايب )
و عطني على صبري نياشيـن ووسـام