1- صارحيني
كلمات : رياض ابراهيم
الحان : خالد عبدالرحمن

كلمات صارحيني

صارحيني ..
منهو أنا بدنيتك
جاوبيني ..
إن كنت فعلاً منيتك
ما كنت أرضى تزعلين = و إنتي بتهديني الزعل
ما أطيق عني تبـــعدين = في قربي حسيت بملل
محرومه عيني شوفتك = لا تحــــرميني كـــلمتك
حتى الصـــراحة بيـــننا = صارت صعيبه بدربنا
وإن كان ودّك تـــبعدين = صعبة أنا أنــسى حبنا
ما يعني هذا ترجــــعين = في دنيتي بألقى الهنا

2 - صدقيني
كلمات : خالد عبدالرحمن .
الحان : خالد عبدالرحمن

كلمات صدقيني

صدقيني قــــلبي يحـــــكي لك حــــقيقه= صــــدقيني ما أرى غيرك مــــلاك
من أجــــل وصلك باتـــخذ أيّة طريــقه= ما أبالــــي لو طريقـــــي لك هلاك
بعدك ولا غيابك على نفسـي ما أطيقه= كيف أجاهد روح تشقى من غلاك
شرع الخــــــطا يا زين عم الخلـــــيقه= وإن هفا شوقي معك أبغى رضاك
يا زمــــان اللوم احــــرق لي وثيــــقه= طيـــــها دستـــــور بظـــلمه وطاك
منهو فينا أو في البشر ما نشف ريقه= كـــم قيل عـــنهم الشقي هذا وذاك
الشـــك من طبعك وباحساسك رقيــقه= مقـــــبولة عندي ولوهذا عطــــاك
روحـــي تنادي لك بصـــرخة غريـــقه= يا مغرقــــتها لـيش عيني ما تراك

3 - بلا ميعاد
كلمات : خالد عبدالرحمن .
الحان : خالد عبدالرحمن

كلمات بلاميعاد

فجــــــــأة طلبتـــــنـي لـــهـا .. بـلا ميـعـــــاد= طـــول انـتــــــظاري علّ حالي بسببهـــا
لبّيت وجيـت قبالـــهـا .. شفتـــــهـا تــــــزداد= روعـــة بصـورة حسـن ربـي رسمهـــا
عينــــي أنـا بعينــــــهـا .. والقـلـوب ابـعـــاد= أخشـى هدب عينـي يلامـــس هدبهــــــا
ما أقوى الحكي حينها .. والقلب ما أعــــتاد= عـلـى لقى اللي حبّــــــها مـن عرفهـــا
نظرة سواد عيونها .. هـذا المنى والمــــراد= لهفـة شفــايف طـوّلـــت فـي عـناقهـــا

4 - خذ ماتبي
كلمات : خالد عبدالرحمن .
الحان : خالد عبدالرحمن

كلمات خذ ماتبي

خذ ما تبي بـس اتـرك القلــــــب يرتــــــاح= لا بالمودة عطيتــه لا بالصراحــة خذيتــــــه
فـي غايتـــك تهوى على مــــــلك الأرواح= صدق الخيانـة جزيتـه يا كم بـــغيري نويتــه
كافـي علي أصبــــــحت بالســد فضّــــــاح= غصبٍ عليّ حكيتـه بكاني حظــــــي وبكيتـــه
قل لي متى ترسـم على قلبــــــي جــــراح= منك الصبر ما قويتـه أفقدتنـــــي ما أحتويته
أملكت كلّ قلبي الوفـي ومـــعك مفـتــــاح= عقب الندم وش رأيته عن حب غيرك عميته
من علّمــك ترمــــي بقيعــان الأرمــــــاح= لا بالقتل قد نويتـه عمري بكفــن حي طويتـه
جـذعٍ ذوى عطشـان لـو ترفـعـــه طـــــاح= تتعب معه لو ركيته ما هو بحــي لو سقيتـه
لا تنتظـر رجعـــه ولا تطــري اصـفــــــاح= ما أقول حبك وطيتـه ما أقول حـــــبك نسيتـه
أبعـــد عسـى في دربـك اليـــــوم ترتــــاح= أنت الذي أهتويته ولا .. بالغـصيبه مشيتــه

5 - لأجل حبك
كلمات : رياض ابراهيم .
الحان : خالد عبدالرحمن .



كلمات لأجل حبك

رجـــعنـا بـــــعد ما كــــنت= بعيد و إنتـــــــي بـــــــعيده
وأنا يا مــــنيتي آمـــــــنت= فراقك قلـــــبي مـــا يطيقه
قويتي الصبر في فــرقاي= وأنا في غيبتك مــا أقــوى
نسيتـي يوم كنتِ مــــعاي= والنســـــيان بــــك أتـحدى
هل هو شعورك هالغريب= أو أنا مـــــــاني لك حبيب
ثــــــلاث سنين بنا مــرّت= ولا كنّـا نحـسّ بـخــــــوف
عيــوني منّــــي تبــــــرّت= قليل النوم فقـدها الشوف
لأجل حبّـك قويـــت أسهر= إلى حتى طـــلوع الشمس
وهذا لعينـــــي مــــــــقدّر= يمر اليوم مـــثل الأمــــس
مدري متى شمسك تغيب= مـــــدري جرحــــــي يطيب

بقايا جروح
كلمات : خالد عبدالرحمن .
الحان : خالد عبدالرحمن .



كلمات بقايا جروح

خذني بقـايا جــروح= أرجـوك داوينـي
لا تـروح الـروح
كفا عذابي منـك= ليـه تشقينـي

ما فـوق جرحي جرح= وجروحي تاوينـي
وصبري فقدته بجرح
الموت له حـروه= خوفي يمسينـي

يا خلّي يا مرتاح= ليتك تواسيني
لا تنوي المرواح
ملامحي جـروح= وش منك يشفينـي

ما بيـن عصف وريح=الهـمّ طاوينـي
وانت لاهي مـريح
أبيك لعمري يوم= بالوجد تعطينـي

- ضويتي
كلمات : خالد عبدالرحمن .
الحان : خالد عبدالرحمن


كلمات ضويتي

ضويتـي بخاطــري شمعـــــة= نسيـت إني بوسط النــــــاس
عيونــــــك هلـت الدمعـــــــة= دلايــل رهفــــة الإحســــاس
صمــــتـك حديــث عيـونــــك= همــس الحـكــي بشفـــاتــــك
شفـت الحيـاه مـــن دونـــــك= مخلـــــوقه فـــي همـسـاتــك
عينـي علــــى مــا تنـظـــــره= فيك اشغلتنـي نظـــرتـــــــــك
شوقــي تــــرى ما أقــــــدره= ساقـنـي فـي طـــــاعــتـــــــك
وقـــتٍ مضـــى لا يهـمــــــك= انتـهـــــــى مـــع ناســــــــــه
واللــــــي جذبنــــي يـمّــــــك= يصعــــب علــي قيـاســــــــه
تذكّــري بكـــــره وبـعــــــــــد= للقــــــى وش نـنـتـــظـــــــــر
نـنـتـظـــــــر حلــو الـوعــــــد= وبســــعــــادة نـسـتـمـــــــــر

- يالايمتني
كلمات : خالد عبدالرحمن .
الحان : خالد عبدالرحمن

كلمات يالايمتني

يا لا يمتنـــــي ما بقــــى لـي شفاعـــــه= ســـاد الشكـل وتغـيرت كـل الأوضــاع
ما عاد لك مني ولا حــــــرف طاعـــــه= حـــل الفراق اللي على الوصل قطّــاع
في طـــــــيّ لحـظه افترقنـا بساعـــــــه= مانـــي على فرقــــاكِ يا بنـت جــــزّاع
ما يمنعـك خافق يعـــــرف المنـاعـــــه= لـو للهـوى في خاطــري حمل ووضاع
أغواكِ ومـن هـو ساعيٍ بالقـطاعـــــه= وشلــون تفكيـرك عــلـى الـذم ينصـاع
تعطيه للهرجـات وأهل الإشـاعـــــــــه= لولا بنـي جنســــك على الغيـرة جيــاع
للصدق في نفسي بحفظــه وداعــــــــه= وللفـكــر بخصـال المـوازيـــن جمّـــاع
أقــــدّم جمــيـل العــــطا باستـطاعـــــه= قدمّت ما عــندي ومنـك العـــطا ضـــاع

لالا تناجي
كلمات : خالد عبدالرحمن .
الحان : خالد عبدالرحمن .



كلمات لا لا تناجي

لا لا تنــاجــي كـفـــــــاك نـضـــــــال= دع لي غرامي وأجـــد لـك أمـــــل
لا لـم أراك يومـاً حفـظت الوصـــال= ادفـع ثمن هزلك بهـــــذا الجهــــل
اجعـل من الماضـي ذكــرى تقـــــال= واعرض عن الحاضر كفاك جـدل
أنا لســــت هيمــــاناً بـذاك الجمــال= ذهب الجمــال منـــــك أم لا يـــزل
أسألك يوم غــدري أجبنـي السـؤال= أم للغرام شـرعـك حـــب الهـــزَل
لك تجدنـي قريبــاً بعيـــد الــــمنـــال= قلبـي بهيمانه وضــــع ما حـمـــل
أنصحك لا تعايش ذميـم الخـصــــال= تغـدو إلى دنيـا تعـــــانـي الفشـــل
ضع للغـرام قــــدراً كفـاك احتـيـــال= واعدل بحق غيرك كما لك عــدَل

تروعني
كلمات : خالد المجاهد .
الحان : خالد عبدالرحمن .



كلمات تروعني

تـروّعـنـي لـواحــــــــظها الجميـلـــــه= إلا سـلـهــم ولي بالعــــــيـن سلـّـــم
يغض الطرف عن غيري وأجـي لـــه= وأسولــف لـه وأعــاتـب وأتكـلـّــــم
صدوق الـودّ لـعيــونــه نـشــــــيـلــــه=عـلـى كفـي خفـوقـــــــي لـــه مـقــدّم
أعـــــرف الزّيـن وعـيـونـي تـخيلــــه= عسى عذب اللي ما يعـطـف ويرحَم
على هـاك النـــحـر شـوف الجديـلـــه= يـزمّ شفــاه مــــــوقـــه ويتـبـسّـــــم
عديل الـروح روحـــــي لـه عـديـلــــه= عـلـى صـوته صـــدى وجدي تِرنّــم

طرف جفن عيني
كلمات : خالد عبدالرحمن .
الحان : خالد عبدالرحمن .




كلمات طرف جفن عيني

طرّف جفـن عينـي لمكحــــولـة العيـــــن= عينـي ايقضت فينـي من الشــــــوق ما كـان
خيــط الولــع خلاّني أتبـعـك يا زيـــــــــن= خيـطٍ جــذب فـي خاطـري حـــــــــرّ وجـــدان
راح الفكــر ينـظـم مـن الشــــعــر بيتيـن= شاقــه بنظــم الشعــر مرسـوم الأعــــــيــان
شفت الحلـى فيــها يوصـــــف بوصفـيـن= وصـف الحسـن و وصـفٍ يبيّـن لـهـا شـــان
يا ظالمــة غضّـي مـن الـطّــرف تكـفيــن= لا تـودعـيـن النفـــس لبيـــض الأكـفــــــــان
يـا ماخــذه بـلا عــــــــطا للـبـعــــد ويـــن= تونــي معـــك شفــق مـا ذقـت سِلــــــــــوان
اللـه وأكبـر ليـتـنــي معــــــــك وقـتـيـــن= وقتٍ تعيـش النفـس بــك حـــــلـو الأزمــــان
وقـتٍ نهــــــــاره ليــل والعـيــن بالعيـــن= أسهـر ونومـي ما يعــارض لـــــي أجفــــان
أسهـر بليلـي والقمـر وجهـــــك الـزيــن= مِنور حـلــو يكســف حيـاء غـادي ألـــــوان
فينـي من الوجـدان والشـــــوق حمليــن= عسـى خفوقـي يشمـلــه منـك الإحســـــــان

دق البخت
كلمات : خالد عبدالرحمن .
الحان : خالد عبدالرحمن + مساعد العيسى


كلمات دق البخت

دق البخت بابي= من عقب طول غياب
الزيـن وافاني
حمّلته عتابي= ومهما افترقنا أحباب
أهواه ويهواني
ادمعت عينه .. وأدمعت عيني= كفانا من زود الفرح هلت دموع

عمري ابتدا لي اليوم= ما للي فات حساب
من عقب ما جاني
وقلت كل اللـوم= فـي كلمتين عتاب
بالطيب يلقاني
ادمعت عينه .. وأدمعت عيني= كفانا من زود الفرح هلت دموع

حبيبي وأدري به= والظن به ما خـاب
عـوّد علي عانـي
قدّر لي الطيبة= وطاب الهوى له طاب
في مرتع أحضاني
ادمعت عينه .. وأدمعت عيني= كفانا من زود الفرح هلة دموع

الله أقوى
كلمات : خالد المجاهد .
الحان : خالد عبدالرحمن .




كلمات الله اقوى

اللـه أقوى ليـه خانتنـي الظــــــروف= ماهقيـت الليـل ما يوفـي الوعــــــد
ماتت الفرحــة وأنا بعينـي أشـــــوف= حـارت أقــداري وقلبـي فـي جلــــد
هي وأنا فـي ظـلمـة الليــل ووقــوف= القمـــر شاهـد ولا غيــره أحــــــــد
وقتنـا قاسـي وفينــــــا مــا يـــرووف= تسـألــه عينـي وعينــه مــا تــــرد
لهفتـه لي مثل قلـبي لـه شغــــــــوف= لـه عنيت وأوفيـت أنا لـه بالوعـــد
سلهمت عينـي بهـا رجـوى وخـــوف= ليلنــا جـانـا بعـكــس اللـي نــــــــود
منــوة الـظـامي مناهــا الرشــــــوف= يـا بخت من شاف ووافـاه السعــــد
يا سـراب ولو مسكـتــك بالكـفــــوف= لو شربت أظمى وهي تظمى بعـــــد

إفـــراق
كلمات : خالد عبدالرحمن .
الحان : خالد عبدالرحمن .




كلمات إفراق

إفراق على حروة إفراق
ليلي ونهاري مــا ينطاق
وش بيـــــدي ...
ما دام هذا إختيارك
فوق خـــــدي ...
دمعه تقبل إعتـذارك
خنتي عهـدي ...
ورديت لك إعتبارك
قسوى ضـدي ...
يا راميتني في نـارك
أخشى أكــره ...
والقلب يرفض عطاه
ودمعه تشـره ...
ليه حبيبي ذا قســاه
طول عمــره ...
ماحسه قلبي وعصـاه
صان قــدره ...
ولا مره شكـــاه
ما أطلبك ليه ترديـــــن
مالك غلى يا مرخصتني
دنيا تتوه بها العناويـن
بدال ما اتيه إحضنتني
لكني باقول لك
مني أنا إشرهت
عليك دمعه

فكري وروحي
كلمات : رياض ابراهيم .
الحان : خالد عبدالرحمن .




كلمات فكري وروحي

فـكـري وروحـــــــي يـمّـــــك قريـبـــــــه= ما تبتعــد عنّـك ولــــــو صـرت أنا بعيــد
أشـواقـي لي زادت ما هــــي غريـبـــــه= فرضٍ إلا غبتـــــــي أشــواقـي تـزيـــــــد
الوقــت ما هـو شـيء بـدون شـوفـــــك= وأدري أن حبـي حـي فـي وســــط جوفـك
يكفـي إنــك تحــس بعذابـي وشكـــــواي= راضـي بحبــك لـو هـو همـي وبلــــــواي
عـنــدي أمـــل بنلتـقـي يـا حـبيبـــــــــــه= صدفــــة بتـجـمعنـا بليّـــا مواعيـــــــــــــد
قلبـي معــك لا شـك بياخــذ نصيبــــــــه= لقيا برضى الخاطر عسـى أيامنــــا عيـــد
أنسـى الألـم والكي.. تنسيــن خـوفـــك= قـدرك اللي ما هو شـوي والله ما أعوفـك
أنتي السعادة لي وانتي سبب شـكـواي= وأنتـي فــرح ودمــوع رسمــــــــه بدنيـاي

لي متى
كلمات : فهد بن مشعل .
الحان : العاشق



كلمات لي متى

لي متـى قلبي أسيـــــــرك = لي متى عيني تهـــــلّ
لي متـى أبكي هجيــــــرك = وأنت يمي لك محــــل
أرتعــش اللــه يجـيـــــرك = قلبـي اللي ما يمــــــلّ
يشتكي قسـوة ضميــــرك = كيف تخدعني وتحــــل
ما عطيت الـحب غيـــرك = وأنت تجرح ما تمــــلّ
لا تقول لي ما أبي غيرك = الكـذب مـا يكتمــــــــل
عــــاذلٍ مـوّت ضمـيــرك = مبعدٍ عنــه الخجـــــــل
ما لـه إلاّ فـي عشـيـــرك = طعن وسيوفٍ تســـــلّ
وأنت راضي به يشيــرك = كيف دربك ما يـــــــزلّ
يا حسـافـه طـار طيـــرك = مدمـيٍ جرحـه يهــــــلّ
وانطفـى نجـمٍ ينيـــــــرك = وأنا بي حـلّ الأجـــــــل
كثّـر اللـه ألــف خيـــرك = تهـدي المـوت بعجـــــل

تقوى الهجر
كلمات : الأمل المجروح .
الحان : خالد عبدالرحمن


كلمات تقوى الهجر

تقوى الهجـر ..
وش لي بقى عندك ..
تدوّر لي عذر .. لا تعتـذر ..
تقوى الهجـر ..
ما نجبـره ..
من عافنا ما ينجبـر .. لا تعتـذر ..
زاح الصبر ..
لا لا تعنّى لي وتمـرّ ..
و تبغى الصبر .. ويـــن الصبر ..
جرحي عميق ..
والقلب في دمّـه غريـق ..
و تبغى الصبر ..
ويلاه من وين الصبر ..
مهما تقول لا تعتـذر ..
مهما تقــول .. من الأغاني والجمل ..
ما يحتمل .. قلبي فديا جبر الألم ..
يمشي معك درب الندم .. ما يحتـمــل ..
يكفي عليه .. منك احتمل كذب وغـدر ..
حبك سراب .. ضيعت وقتي أتبعـه ..
وسط الضبـاب ..
وصوتك ينادي اسمعـه .. صرت أتبعه ..
واليوم في صحراء الظما ..
ترمي فؤادي وتحرقـه ..
ترجع تقـول ..
أبعتـذر .. ليــــه العــذر ..
دام الهوى .. ما له على قولك عذر ..
والجرح يا جرحي يداويه الصبر ..
ليـــه العــذر ؟؟
الله كريم .. الله عليم ..
هو عالمٍ بالحال .. ولا يمكن يظيم ..
عزاه لك .. يا قلب يا أحلى نديم ..
عزّتي .. للحب لو يصبح يتيم ..
حبك يتيم .. وكلك ندم ..
وين الندم بين السطور .. عمر العدم ماله ظهور ..
ترى هذا غـــرور .. هذا غـــرور ..
تمشي بطريق ..
و أنا بطريق ..
إللي يوديني لبعيـــــــــــد ..
عنّك يا أول رفيق ..
البعد يعفيني المزيـــــــــــــــد ..
وين الوفى والتضحية .. وينك رفيق ..
وبتجمع أوراق السنين ..
لا تنسى تجمع جروحي .. ودمعي .. وآهـاتي معــك ..
وقلبي بعد ما قتلته ..
يا رفيقي .. ما عاد يقدر يمنعك ..
كل الأمر .. عاد بيديك ..
يا خلّ يا هـاجــر ..
ما عندك عــذر ...

لك خافقي
كلمئت : خالد عبدالرحمن .
الحان : مساعد العيسى

كلمات لك خافقي

ليتك لعينـي قــــــريبـه= كان أبسهر ونومي لـجفني حـــــرام
عمري عطابه صخيبه= ما يضيع العمر ودامك لــــــه غرام
أنتظر مـتى على الفرحـــــــة تجين= ودنيتـي فـي ناظري بقربك تزيــن
طرفي اشتكى لي شوق= بالله شــــــسوي به
ما بقى من هالعمر كثر اللــي راح= وشوفتك يإ شـوق تبـري الجـراح
لك خــــــافقي شـــــراي= بموانسك تطري به
عشت لك وغير إحساسي ما أقول= وبأنتظر لو غيـــــابك لــي يطـــول
ردي على الولــــــــهان= لا يهون بك تعذيبه

يا شوق
كلمات : فهد بن خالد .
الحان : خالد عبدالرحمن .





كلمات ياشوق

ماني على فرقـاك يا شــــوق نـــاوي= ميـر الزّمـن له وقفـةٍ بيـن الأحــبــاب
يشـهد على ما أقـول قـلبٍ شقـــــاوي= دمـعٍ نثرتــه بـان من بين الأهـــــداب
كانـك على ذبـح الوفى فينـي قــــاوي= تذبـح خـفـوق اللي يحبـك ولا تــــــاب
واللي بقـى مـن وقتنــا مـا يســـــاوي= لحظــة نعانيـها مـن البعــد أغــــراب
لا يا نجــوم الليـــل ماني بهـــــــــاوي= فرقـى منـاة الروح ولو طالت أسباب
يا ناصحـيـن القلـب ما لــه مـــــداوي= غيـر الحبيــب اللي لـه القلب طـــلاّب

حقيقة
كلمات : خالد عبدالرحمن .
الحان : خالد عبدالرحمن .




كلمات حقيقة

حقيقــة فعـــــــلك ما يـطــاق= ومن يستحق فينـا العتـب
وإن كـان تنـويـن الفــــراق = سهلـــه عليـك بلا سـبــب
قـلـيـل أحـــــــسّ بطيبـــتــك = كـثـــــيـر مــــــــنـك الـلوم
لا تتـعبـيـنـي وش بقـــــــــى = مرض الشقــــا لــــي دوم
ما بـيـنـنـــا دار الزعّــــــــل = ما أظلمك فـي كـل الخــطا
والجـد أبقــى مـن الهــــزل = والتضحيــة أصـل العــــطا
وشلـون أبمـشـي بطاعتـــك= وانتــي عـــلـيّ تـقـســيـــن
إخــذي القــرار براحـتــــك = ما أسـألـك زيـن أو شـيــن
مـن كـثـر خـوفـي والألــــم = مـا عاـد أحـس بأي خـــوف
سرت الخـطا بليل الـظَّــلَـم = عرفت حـالك سمع وشـوف
إن كـان لي حــقٍ أبـيــــــه = وإن كـان ما لي أنـســحــب
واللـي تـبـيـنـه اتـــــــــبعيه= قلبـك يبـي منــــــهو يــحــب

أهلا هلا بك
كلمات : سعود بن عبدالله .
الحان : خالد عبدالرحمن .



كلمات اهلا هلابك

أهلاً هلا بك يا بعــد كـل مــــن لــي= يا أغلـى مـن الغالـيـن يا روح روحـي
يفـزّ لـك قلبـي وأرحّـب وأهـلّـــــــي= تـطـيــب في قربــك جميع الجــــروحِي
لك طلعـةٍ مثل القمــر يـوم هلّــــــي= خــلاّ ســواد الليـــل نـــورٍ يـلـــــــوحِي
يمّــك دعانـي زايـد الشــــوق كلّــي= جيتــك وأنـا قـلبــي بحبـــك يبـــــــوحِي
تعال نحكي عـن مشاعـرك قـل لــي= واحكي لك همـومي وجرحي ونـــوحي
هــاج الغــــرام وتـلّــه الـــود تـــلِّي= قـلــبٍ قبـل عرفـــك حيـاتـه مــــزوحِي

انتظرته
كلمات : رياض ابراهيم .
الحان : خالد عبدالرحمن .



كلمات انتظرته


إنتظـرتــه وقلبـي إحساســــه يقـقول= صـوت خلي اليوم ما أظن أسمــعــه
الخبـر عنـــدي وغـيـبـتـه بتـطـــــول= وقتـي مـن اليـوم حسابه باجمعــــــه
ضـاق بـي صدري وأدوّر لـه حـلـول= فـي ضميـري نـار شوقـي مولعــــــه
عشـت فـي دنيـا أدور بهـا وأحــــول= عشت فيها بضيـق وعايشت السعـه
ما لقيـت اللي علـى دربي صمــــول= كـود بعـض النـاس وقتــــــه يمنعـــه
روضتـي جفّـت وأنـا خلـي سيـــــول= مبعـــدٍ عنـي وقـــــلبــي يـتـبـــــعــــه
طبعها اللي يوصف بالطبع الخـجول= بيــن كــل النــاس عنـــــدي أرفعـــه
الغـريـب اللي أسـولـف لـه وأقــول= عن هـوى نفسـي كلامــــي أقـنـعـــه
ما يـلام اللـي مثـل حالــي يـنــــــول= لـو قضـى ليـــله يســاهر مدمعــــــه
لي على الغـالي وشوفـاتـه ميــــول= زود شوقـــي له غرامـي أصنعــــــه
لـو حصـل لي شوفتـه همي يـــزول= وقتهـا أنسـى البشر وأجلـس معــــه
أذكـر إني بغـيـبـتـه دايـم أقـــــــــول= هـو حيـاة القلـب هـو لـه مطمعــــــه
فرحتـي يـا خالـد بيــوم الوصـــــول= با فـرح لـقـلـبـي بهـــــــــمٍّ ودّعــــــه

من دلعك
كلمات : خالد عبدالرحمن .
الحن : خالد عبدالرحمن .




كلمات من دلعك


من دلّعـك .. خـلاّك تـخـتـــــــال= عـزّ الـلــــه إنـه بدلالـه متّعــــــك
من صـوّرك .. سبحانـه اختـار= بالـزين أحلاهـا صــورة شرّعـــك
منك اغتذى الشوف = وأنا اغتذت روحي
دونك بحـــــــر خوف= وسلاحي جروحــي
وقتي مــــعك .. نظرة وترحـال= صدفة تبيّن لي مشارف مطــــلعك
ما أروعـك .. يا ملفـت أنظـار= خليت كل الخلـق خلفـك تتبعــــــــك
منك اغتذى الشوف= وأنا اغتذت روحي
دونك بحــــــر خوف= وسلاحي جروحــي
ليتـه معـك .. وقت اللقا طــــال= شفّيتهـا نفسـي قبـل ما أودّعــــك
من يمنعــك .. تمشي وتـختــال= ولا تـرى بالخـلـق منهـو يمنعــك
منك اغتذى الشوف= وأنا اغتذت روحي
دونك بحــــــر خوف= وسلاحي جـروحي

كلمات في ضحكتي

في ضحكـــــتي تاهــــــت الأحــــزان
في آهتي رجاء وأمل لأخي الانسان
لك أنادي هذه يــــــدي ممــــدوده = نشيد حــــب لا نمــــــل ترديده

للخير فيك يسمو يد
تواسي ...
تمسح الدمعه ترسم البسمه
في عيون آن أن نواســــيها

أنا للذي في آهاتــــــي عــــــبرات = لصداها باعماقي ألم السؤال

أبي أين أنــت الآن ..
أمي أين أنتي الآن ..
أنا في ظلمة الليل اسهرني بكائي = رجائي أنت يا ربي رجــــــائي
لست منسياً ..
احضن الدنيا ربيعا = في رياض الخيرين
اقطف الورد حــــباً = فوداعـــاً للأنــــــين

لو بكيت
كلمات : غيوض .
الحان : سمير مبروك


كلمات لو بكيت

لـو بكيـت دمـوع عينـي ما تفــــــيد= وإن شكيت الشكوى ما فيها مسـد
كل يـوم يذوب فـي قلبـي وريــــــــد= أتصبّـر مـيــر ما عـنـــــدي جـلــــد
نار شوقـي لك يذوب لـهـا الــحديد= وإنتثـر دمعـي علـى خــــدي بــــــدد
دايمٍ يا شـوق شوقـي لك جديــــد = وإن سألـت العيـن لــــك فيهـا مــرد
دمعتـي تنبيـك عـن حـبٍ أكيــــــــد= غيرهـا يــا روح روحـــي وش بـعـد
كان قلبـي قبـل عرفي لك عنيـــــد= مـا يـحـن ولا رمـى غــــيـرك لأحــد
ليـن طـوّعـتـه بحبــك يا وحيــــــد= والمـحـب يطيـع مـــحبوبـه وحـــــــد
يا حبيبـي غير شوفك لا ما أريــد= دوك طـرفـي طايـــــر فيـه السّـهـــــد
يا حبيبـي فيـك يا حــــلو القصيــد= لو كتبـت الشعـر فـي غــــيرك شــرد
أتـغـنّى فيـك بأشــواقي نشيــــــــد= بأصدق اللي قيل مـن بنـــــت لولــــد

حروف الحب
كلمات : غيوض .
الحان : سمير مبروك


كلمات حروف الحب

أكتب حـروف الحـب حــــبـسٍ برجليـك= قيـدٍ يقيــــد خـطــوتـك لا تـــــــــروحِي
إقعد معي وإن رحت خــــذني مخاويـك= آن لا تـروح إن كــان قفيـت روحــــي
ريّـظ خــطا رجـلـك شـــــوي لـغـالـيــك= خـلـه عـليـك بسـرّ حـبــه يـبــــــــوحِي
يا واحدٍ مـالك شبـــــيـه لـك يـحــاليــك= نفس بحبـك من ظمـاهـا شـحــــــوحِي
أغليـك واللي كـوّن الكـون أنا أغليــك= حب الغلا ماهـو بمثل حب المــزوحِي
يا غاليٍ دمعـات عــــــــيـنـي تنـاجـيــك= بعباير مـن فـوق خــدي تـفــــــــــوحِي
حتى وأنا فـي غـفـوة النـــــوم أناديــك= وطيفــك عـلـى شاشة خيالــي يلـوحِي
إرجـع عـلـي وضمنـي بيـن أيــــاديــك= ضمة غلا تحـيـي بهـا ميــــــت روحـي

ياحبنيلك
كلمات : غيوض .
الحان : سمير مبروك


كلمات ياحبنيلك

يـا حبّنيـلك دون كــل المخـاليــــــــق= ياللي تسـاوي كل شيء بحـــياتــي
لا شفت زولك ينجلي عني الضـــيق= وإن غبت عن عيني تزيد عبراتـي
دايم عيـونـي من فراقك غواريــــق= وطلعتك ترسم بسمتي في شـــفاتي
الـحـب مفــــتـاح القفـول المغاليــق= وحبك دواي وفرحتـي يا غــــناتــي
أغليك وإللي بل أشافيك باــــــلريق= يا منوتـي دايم محــــقــق مناتـــــي
غـلاك ساقـه رامعي في المعـاليـق= ولـولاه عينـي ما تعدت وطـــــاتــي

وين إنت
كلمات : غيوض .
الحان : خالد عبدالرحمن


كلمات وين انت

وين انت قبل اللي مضى سنينـــــي= يـا مسعـدٍ باقـي حـيـاتـي بـالأفــــــراح
ما قـول قبلك في حيـاتي ضنينـــــي= ولا نيب مع غيرك من الناس مرتــاح
حتى فرحـك ارهب شقاي الدفيــنِي= ومنـك السعادة بدّدت هـاك الأشبــــاح
يـا غـالــيٍ قـرت بـلامـاك عـيـنـــي= حبـي وحبــك هـن سبب ربــط الأرواح
كـأس الـهـنـا تو أقضبنّـه ايدينــــي= وأروى ظـمـأ وقـتـي هذاك اللـذي راح
واللـــه مـا لك فـي حيـاتي وزيــنِي= برق الفرح قبـلك على العيـن مــا لاح

موادع
كلمات : العاشق .
الحان : سمير مبروك


كلمات موادع


موادع وكل خلٍّ جاك= بيـجـيـه وقت ويـــــوادع
موادع وكـم خلٍّ قـال= بعد فرقاه راجـع مـوادع
أعــدّ الوقـت بحسابـي ليالــــــــــي= وأشـوف حساب غيري له ثواني
غريب الوقـت فـي طبعه يعـــــــاند= أبــي أطـويـه ولكـــــنــه طوانـــي
حبيبـي فـارق عيونـي ولاجــــــــه= تقلّب صـورتـه فيـــــنـي مــــواجع
غريـب الوقـت يا ليتـه يــطــــاوع= يمـر يمكن يجـي منـــــهو مــوادع
دموعـي تطلـب عيونــــــي نهايـة= وجرحـي ينزف المـــــعنى قصايــد
موادع صـارت بعمـري حـــكايــة= وعمـري ماخـذ أحــــزاني عوايــد
حبيبـي يقبـــــــل وقـــــلبـي يهلّـي= يمـد إيـديـه يطـــــلبنـي أجــــــي لـه
وإلا منّ جيتـه ودمعي يــــــــهلّي= لـقـيتــه هاجــــــسٍ ما ينــــراح لـه
عجـايب كـل هالدنيـا عـــــجـايــب= دمـوع وحـــــــزن ومفارق حبايـب
تسلّي خـاطـر المحبـوب لحظـــــة= ويرجـع عــــــاشق الأحلام خـايـب
يروح العاشق المجـروح يبــكــي= ويشكي وقته فــــي طبعــه مخـادع
صحيح الحب فـي الدنيـا ولكـــــن= يعيـب الوقت فـــــي حبه مخـــــادع