مايلحق البنت شرهات وعتـاب ومـلام . لاصار ماهـي مَرَتْـكْ ومنـت رجّالهـا

    • مايلحق البنت شرهات وعتـاب ومـلام . لاصار ماهـي مَرَتْـكْ ومنـت رجّالهـا





      ما نزّل البعد قـدْرك يـا رفيـع المقـام
      صورتْك في القلب لا زالت على حالهـا



      محبّتك شوفها لو شفـت حالـي حطـام
      كسرت نفسـي لهـا وامتـدّت اظْلالهـا




      من يوم حطْ الصبر من فوق ظهري سنام
      وأنا ارتكـي للحمـول بهـدي جماّلهـا




      وإن قالت الناس ما بللك حلم الغمـام
      مـا نمـت الاّ ودمعـي كـان همّالهـا




      واليوم طيّرت ف\ وجيه الليالـي حمـام
      وأحلامنـا وقّعـت مـن دون منْزالهـا




      إنْ قلت لي يارقيق القلب وين الغـرام؟
      حبّيت نعْمتْـه.. ثـمْ حبّيـت زوّالهـا




      لا صار حبّك حلال.. و وصل حبّك حرام
      وش لون ترقى معاك النفـس بإذلالهـا!




      خلاص خلني و خل الجرح فينـي ينـام
      ماعاد يقـوى حمـول القلـب حمّالهـا



      ما قلت غير الكلام الليّ عليـه الكـلام
      ولاّ امس عقدة لسانـي ضـاع حلاّلهـا



      مايلحق البنت شرهات وعتـاب ومـلام
      لاصار ماهـي مَرَتْـكْ ومنـت رجّالهـا



      وإنْ طاح دمع الوداع وضاع مسك الختام
      البعد كلمة وصـح لسـان مـن قالهـا




      هذا وقدرك كبير ولـك غـلا واحتـرام
      وفرقاك في القلـب فـال الله ولا فالهـا




      للحين ما جفّت ادمـوع الغـلا والهيـام
      على المحاجر ، و هـم القلـب يبرالهـا




      ذكراك عِد(ن) عليه آمال قلبـي حيـام
      يعني حبيبتْك ما تعطـش علـى جالهـا



      إنْ مت من بُعدها تحييك بيـن العظـام
      تعيش في قلبهـا وتْعيـش فـي بالهـا




      وتشـوف محبوبتـك لا مـر 20 عـام
      تنساك.. ولاّ تنـادي ب\أسمـك عْيالهـا
      قال رسول الله صلى الله عليه واله
      ( اذا ضاعت الامانة فانتظروا الساعة )
      ===========
      في البخاري عن أبي هريرة ـ رضي الله عنه ـ قال : قال رسول الله صلى الله عليه وسلم : قبل الساعة سنون خداعا ، يصدق فيهن الكاذب ، ويكذب فيهن الصادق ، ويخون فيهن الأمين ، ويؤتمن الخائن ، وينطق فيهن الرويبضة .[ ص: 681 ] قالوا : هو الرجل التافة الحقير ينطق في أمور العامة ، كأنه ليس بأهل أن يتكلم في أمور العامة فيتكلم .
      =============
      =============
      الكذب آفة تهدم المجتمعات !!!