حل بسيط و اختم القرآن الكريم شهريا - جديد مملكتك

    • حل بسيط و اختم القرآن الكريم شهريا - جديد مملكتك




      بسم الله الرحمن الرحيم

      النهارده عايزين نتكلم في أهم حاجه في حياتنا مش بس أهم حاجه ولكن السبب الأول والاساسى في وجودنا على وش الدنيا هي "عبادة ربنا".

      كلنا بنتمنى إننا ندخل الجنة وان ربنا يحبنا ونفسنا نلتزم ونصلى ونصوم ونغض البصر ونحفظ القران ونكون صح في حياتنا أكيد طبعا كلنا نفسنا في كده.

      طيب تعالوا نبدأ مع بعض كلنا عشان إحنا كلنا مقصرين جدا في حق ربنا مش أنت لوحدك.



      كلنا نفسنا نلتزم بقراءة القران كل يوم ويكون لينا ورد يومي نحافظ عليه ودي حاجة مش صعبه فعلا ولكن الشيطان بيحاول يصعبها علينا ولكن لازم نستعيذ بالله من الشيطان الرجيم ونخلص النية لله ونتوكل عليه ونبدأ نلتزم.

      وتعالوا أقولكم على حل بسيط جدا لختم القران الكريم مرة كل شهر يالا احسبوا معايا عدد صفحات المصحف 600 صفحه صح؟صح....تعالوا نقسم ال 600 صفحه على 30 يوم عدد أيام الشهر! ها الحل طلع كام ؟ أكيد طبعا طلع 20 عدد الصفحات إلى المفروض نلتزم بقراءتها في اليوم الواحد.

      عارفاكم يتقولوا إيه دلوقتى كنير جدا ده مستحيل نقرأ 20 صفحه في اليوم ده كلام في الهوا وهترجع همتكم تقل من تانى ..لا لا تعالوا نحسبها تانى تعالوا نقسم ال 20 صفحه دول على 5 عدد الصلوات اليوميه إلى لازم نصليها .. ها هيطلعوا كام 4 صفحات ...صح ؟ صح..

      هاااا يا ترى 4 صفحات كتير عليك في الصلاة يا مسلم يا موحد بالله اكبد مش كتيير لما تقرأ 4 صفحات في كل صلاة هتلاقى ال 20 صفحة بقوا تمام وهتخلص القران كل شهر مرة وكتر قراءة القران هتخلى قلبك ولسانك رطب وعامر بذكر الله وكمان هتخليك تحفظ القران وتجيد قراءته وتلاوته بإذن الله .

      وكل حرف في القران الكريم بحسنه والحسنه بعشر أمثالها وعدد حروف القران 240740 حرف فلك أن تتخيل كم الحسنات التي هتحصل عليها يا مسلم من الحفاظ على شيء بسيط جدا وسهل جدا.

      يا ترى ارتحت وحسيت بأمان طيب يالا بينا نلتزم ونبدأ مع بعض وننصر رسولنا ودينا وندخل الجنة..... ليه لاء طالما الحل بسيط.





      المصدر : مدونة مملكتك


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية
      وأدعوكم للإستفادة بمقالات متقدمة في مجال التقنية والأمن الإلكتروني
       رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
       المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
       والكثير من أسرار التقنية في عالمي الثاني       Eagle Eye Digital Solutions