سنور ولابس كمه كتب:

[B]

الشاعر المبدع إياد المريسي , ونص فوق العادة يحمل الكثير من المشاعر البلورية في حب من نوع آخر ..

[/B]

[B]قصيدة فاخرة من شاعر فاخر تستحق الاحتفاء بقوة ..

يــا اللـــي جـــلســـت بــعـــرش عشاقك اعوام


لــيـــن الـــزمـــن ســلّــمْـــك بـالطـــــوع جيده


عــنــدي ســؤال يــعـن فــي صــــــــدري ايام


وشـــلـــون بـكـتــب فـــي قــصيـده..قصيده؟!!


جــمــعــت للاحــســـاس الــورق نبض الاقلام


واذكـــــر بــقــلــبـــي شـــوق جـيـــت استعيده


والــبـــارحـــه غـــطــيــت حـــزنــــي ولا نام


وغـــنـــيـــت لـــه كـــل الاغـــانــــــي الجديده


ويــفـــز مـــن وســــط الـمــحـــانـي كــــذا قام


ويــشـــاغـــب اللــهــفــه وشــــوقـــــي بأيده!!


وتــمــــر صــورة غـــالـــيـــه قــد لــهـــا عام


مــــن داعـــبـــــت قـــلـــبـــي ونــاغت وريده


لـــو انــــها تـــدري كــــم الــقـــلـــــب منضام


وكــــــم كــــان يـــبـــكــي كــلــمــا جــا بريده


الــغـــالـــيـــه ..ام الــشــــواطـــــــي والاحلام


الـــمـــــشــــعــلــه وســـط الـحــنــايـــــا وقيده


نــــاديـــت يـا "البحرين" ...وابـكـيـــت الايتام


وفــــك مــــارد لـــهــــفــــت الـــشـــــوق قيده


وحــســيــت فـــي وجــه الـحــلـم وقــع الاقدام


والـــذكــــريـــات اتــــــمـــر فـــيــنـــــي بليده


لحظه!! انا ؟!! مدري؟!! صحا الشوق مــا نام


بــنــيّتــمــه..مــا دامـــي بـــــــــــــأرض سيده


انــا بــديـــت بــشـــوق ..واوقـضــــت الاورام


وذاب فــــــي صـــــــدر الــســـوالــــف جليده


جــيــتــك بــبــالــي شــي ..بـــس خاطري هام


والـعــذر..عــــاشـــــق..ثــــرثـــــراتــــه تفيده


وتـبــغــي الـصـراحــه ؟!! بـس مـانــي بمنلام


لـــــن الـــمـــشـــاعـــر كـــل ابـــوهــــا عنيده


الا مـــعــــك يـــا مــاســـــك الـــعــــــز بخزام


ومـــتـــأبـــط عـــيــــون الـخــصــــال الحميده


اقـــشــر عــلـــى وجــه الــعــدا جـلـد ضرغام


ولـــــيــــن ابــتـــســــم ذوّب قـــلــــوبٍ عديده


بــحـــر الــشـــعـــر يــغـــرق بـراحتك ما عام


واعــرفْـــه يــتــلــعــثــــم بـأســمـــك واحيده:


غـــاوي مـــلامـــس هـــامــتــك كـــل ما حام


ويــجـــيـــك مـــــــن كـــل الــبـــقـــاع البعيده


لــــي قــلـــت "قــابــوس" انـحنت كل الاعلام


وارتــــعــــشـــت صـــدور الـــورق والجريده


يـــا ابــن الـســعـــيــد الـمـــســعـــــد انام وانام


تـــدري بـــان قــلـــوب شـــعـــبـــك سعيده؟!!


مــنــتــه بــحــاجــة مـــدح ...والــمــدح اوهام


وبـ اســـمـــك قــصـــايــدنـــا اهــــي المستفيده


تـدري وش اللــي يــكــفــي الـهــرج ..الاسلام


شــكــثـــر مـــن انـــه حــكـمك اللي تجيده ؟!!


يــا ســيــدي ...جــيــتــك مــعـــي ورد وخزام


جــيــتــك اعــايـــد يــــا عســـــــى بـــك يعيده


ولـــكــــن قــلـــبــي مــنــقــســـم عــــدة اقسام


شـــــوق لـــــبــــلادي وحــــبـــــكـــم والبعيده


جــيـــت بــأغـــانـــي حــــب مــن عـــــام نيّام


اوقــــضــــتــهـــا يــا ســـيـــدي فـــي الجريده


اللـــي تــمـــنــيـــت اللــتـــــقـــيــهـــا بالاحلام


اللـــي افــــهـــقــــت قــــلــبــي ودقــت وريده


لـــو تـــدري اللـي بـخــافـقــي ؟!! مثل الافلام


لــكـــن تــفــاصـــيـــل الـــحـــكـــايــه فريده!!


كــانــت بـــديـــتـــهــا شــهــــر واحـــــد العام


والـــقـــلـــب مــفــلــس مـــا بــقــى لــه حديده


عـــاشـــق مـن "البحرين" ..مــغـــروم اغرام


يــعــنــي مــثــل مـــا نــقـــول قــصـة "يديده"


بــحــت بــخـــاوفــي مـهــجــتـي لـحبر الاقلام


وفــضــحــت قــلــبــي فـــي قـصــيـــده وحيده


ذرفــتـــهــا بـ "مــسـقــط" وان كــنــت منضام


وغــنّــت بــهـــا قــلــــوب الــشــجــر والبديده


والله يـــن فــــي داخــــــل الــــصــــــدر اكوام


واخـــــــاف اثــــــرثــــر وابـــتـــلـــي بالنقيده


امــــوت بـــه واعــشــقْــه..والــزمـــنــي الزام


اعـــشــــق ثــــرى هــــذي الـ "عمان" المجيده


وعشــــقـــت اســـمـــك لـــيـــن يــطــريه تمتام


لــــي قــــال "قــابــوس"..اتـــغــــنـــي واجيده


ومــا دامــه "عــمــانـي" انــا اقـول ما دام ؟!!


يــعــنــي تــواصــيــف الــحـســـن مـــن عبيده


قــمـــت اتــخـبـــط مــن لــضى العشق منضام


وتــشــعــبـــت مــن لــهـــفــتــي هـ القصيده؟!


يا اللـــي جــلـســت بــعـــرش عـشـاقـك اعوام


لــيــن الــزمــن ســلّــمْـــك بـالــطــــــوع جيده


شــفــت الــســؤال اللــي بــصــدري مـــن ايام


جــلالــتــك.. مــــمــــكـــن..اقـــول واعيده؟!!


والا اقـــــل لك!! دام هــــــــــذا الـــفــــرح قام


عـــنـــدي الاجـــابــــه واعـــتـــبـــرهــا اكيده


انـــتـــه قـــصـــيـــده احـــرجـــت كــل الاقلام


و"عــمــان" يـا "قــابـــوس" اجــمــــل قصيده

[/B]