ناصر المطاعني كتب:

$ ....~إهـــــــــ خاااا"A"اااص ــــداااء~....$

ألا يالله يا عالم ٍ بالحال واللي جرالي ..
يا واحد ٍ ما غيره أشكــي وأناجيــه ..

يالله يالمعبود يا اللي عليه اتكالي ..
تشفي عليـــل ٍ عجــــز الدواء فيه ..

أسهر طوال الليل كني على الصالي ..
أكتم بجوفي ونتي وهمي أداريه ..

محد ٍ درى بالحـــال عــزي لحالي ..
ومحد ٍ يحس بحرقة الجمر غير واطيه ..

لاموني أحبابي وزادوا بسم حالي ..
وياليتهم حسوا باللي فالحشا أخفيه ..

يا ناس حـالي تبدل ما كان ذا حالي ..
مدري وش اللي صار حالي أشحرى فيه..

عقب الفرح والضحك مالت علي الليالي..
وتبدلت حال السعاده بحزن ٍ أداريـــه ..

ما ودي الناس تدري با اللي جرالي ..
وما ودي أشكي ضعفي للمخاليق وأبديه ..


مالي ســـوى ربــي عـــزيـــز الجــلالـي ,,
عليــه أشكي الحــال وأسجد وأنــاجيــه ..

يـــالله أنــــا طــالبك يــا خيـر والـــي ..
تــــرحــم عليـــل ٍ حـــار الــدواء فيـه ..