حتى وأنا فى الحمام

    • حتى وأنا فى الحمام

      العواف


      نستهل


      دا رصد لشاعرة ضرها العشق ... ليس هناك حاجة فى التمادى فى تشهيد المشهد التالى بالشرح والاسهاب .. أترك الشاعرة لكى تعبر عن ما فى نفسها لكم .. ولكم الحكم بعد المداولة .


      قالت الشاعرة



      حتى وأنا فى الحمام بتندهلى
      مش قادره اخد راحتى معاك
      كرهتنى فيك اه منك يا لهوى
      مش حب دا يبقى فعلا امتلاك
      نفسى اختلى مره بنفسى
      وأحس بشخصيتى واستقلالى
      أطلع من زنزانتك وحبسى
      وأتنفس بعادك وأغير حالى
      أعمل أيه أنا فى علبة ببسى
      مخنوقه وماشيه للهلاك
      حبك دا مخلنى زى القشره
      مغيب اعماقى ومسطح شعورى
      أقطع رجليا وصوابعى العشره
      إن ما سبتك فى لحظة غرورى
      وقطعت بغضبى اواصر العشره
      ورميتك ورا ظهرى ونسيت هواك
      أدينى فرصة أحبك بمزاج
      واجرب اشغل قلبى العطلان
      ما تبقى انانى وقلبك زجاج
      يبين محبتك وواضحه كمان
      وصاعب النفاذ عاملى سياج
      حرام مش قادره اعلن غلاك
      طب نقسم الايام يوم بيوم
      يوم لحبك ويوم لحبى انا
      وحبنى براحتك طول اليوم
      يبقى دا عين العدل ودا الهنا
      قلت ايه فى الاتفاق المحتوم
      ساكت ليه ما تنطق وبعدين معاك


      وبس


      اختصرناها وقصرناها مراعاة لخصوصيات الشاعرة المنوه عنها فى حيثيات الاستهلال


      للشاعرة السودانية منسية عياش


      ع.ع