الســــلام عـــليكم ورحمة الله وبركاته....
الجــــنس : أنــثى
العــــمر:24 ســـنه
الحاله الاجتماعيه: غير متزوجه ,, متخرجه من الجامعه ولا اعمل
الحاله الصحيه: مصابه بمرض السكر,,
الحاله النفسيه قبل النوم:. أعتقد والله أعلم اني كنت مهمووووومه
الله يجزاااااكم خير اتمنى منكم تفسرون لي أحلامي معليش أظطريت
أكتبها في صفحه وحده لإني 3 ايام وراء بعض احلم ببيتنا او بيوت كثيره وكنت
خلال هذي الايام اللي حلمت فيها كنت في الحقيقه أقراء سورة يوسف والبقره
قبل النوم بنية الرقيه وبعد هذي الاحلام بيوم نمت وانا ماقريت القراءن وأيضاً حلمت ببيوت كثيره والله يفرج لكم كربه ويجعل ماكتبتموه في موااازين حسناتكم..
اليوم الاول: بتاريخ 12/1/1431هــ
حلمت أن أمي تقولي عطي أبوك 400ريال عشان يشتري أثاث للمقلط(غرفه في البيت)
فكنت أنا في الحلم متضايقه نوعاً ما ماكان ودي أعطي أبوي الفلوس وكنت أقول
في نفسي ماراح تكفي الفلوس بعدين قال أبوي بحطكم قي السوق تختارون
أو تشترون وبروح وأرجع لكم قالت امي خلاص ,,بعدين حلمت اني انا وامي وأختي
اللي أصغر مني وعمرها13 سنه نمشي في شارع وكنا ننظر إلى بيوت فدخلت
أمي وأختي بيت فقلت انا لالا البيت اللي قبله أحلى وأفخم وأشرت أنا عليه وكان
بابه مفتوح..
الحلم الثاني: بتاريخ 13/1/1431هـ
لا أتذكر منه إلى أننا في الحلم كنا نريد أنا وأهلي الإنتقال من
بيتنا وأننا نريد في الحلم ترميم المنزل الذي نريد ان ننتقل إليه ورايت
في الحلم بلاط وكنت أنظر إليه في الحلم وفي نفس الحلم حلمت أني في محل
وكانت فيه عبايات سوداء كثيره وكنت اناظر فيها وكانت مصفطه بعدين أخترت لي عبايه
تشبه عبايتي اللي في الحقيقه البسها وســألت عامل في المحل قلت له كم سعرها قالي 150 ريال بعدين سألت واحد ثاني
قالي 120 بعدين عصبت قلت ليش الاول يزود علي او قلت يكذب علي..
الحلم الثالث: بتاريخ 14/1/1431هـ
حلمت ببيتنا واني كنت في سطح البيت واريد تنظيفه وحلمت اني أختار
قماش لبنت جيرانا لزواجها فـأخترت لها قماش أصفر ( علماً أن بنت جيرانا متزوجه لها
7أيام)
الحلم الرابع:.16/1/1431هـ
حلمت أني راكبه في السياره مع أبوي وأنى نمشيي بالسياره مرينا عند بيوت
كبيره وفخمه جداً جداً وكانت أناظر فيها وانا في السياره وعاجبتني البيوت
بس ما دخلت فيها بعدين حلمت كأني في مصلى للنساء او مسجد وكان فيه حريم كثير
يصلون وكان زحمه ويالله لقيت لي مكان بعدين صليت بعد ذلك رايت اني في مسجد
أخر وهذا المسجد كبير حلمت اني كنت واقفه عند الباب حق المسجد بس ما اتذكر
هل كنت ناويه اني اصلي عند الباب او اني اطلع من المسجد وكانت علي عبايه سوداء
لكن وجهي مكشوف بعدين دخل علي ولد جيرانا في المسجد واسمه محمد وعمره تقريباً
27 سنه وقالي وين أمي؟؟ يقصد أمه هو بعدين قالي عادي أدخل قلت له لحظه شوي
بروح اشوف بعدين وقف عند الباب وانا رحت اشوف داخل المسجد لقيت أمه تصلي بعدين رجعت
له وقلت له أمك تصلي بعدين طلع الولد من المسجد........
علماً ان الحلم الرابع..نفس اليوم اللي حلمت فيه ما كنت قاريه سورة البقره ولا سورة يوسف
فمااااااااا تفسير الاحلام وجزاكم الله خير؟؟؟؟؟؟؟؟؟؟؟؟؟
أرجــوووووووو منكم تفسيرها لا حرمكم الله الاجر..
: 
: 
: