تري ماذا تعني كلمة اقباط مصر؟!. هي لا تعني مسيحي مصر...بل هي نداء لكل المصريين ..ومن هم المصريين, المصريين هم من ولدوا على أرض هذا الوطن, هم كل من تعلم,و لعب,و أكل,و شرب,و حب, وحلم على هذه الأرض..فيه مصريين لونهم أبيض, وفيه مصريين لونهم اسمر.فيه مصريين أهلاوية, وفيه مصريين زملكاوية .وكمان فيه مصريين مسلمين, ومصريين مسيحيين.وأنا مقتنع تماما, إن سر قوة أي تجمع من البشر هو الإختلاف, سر قوة أي شعب هو التعددية, التعددية في كل شيء, ولكن كيف نوظف هذه التعددية المصرية؟؟! هذا هو لب فكرة الشعوب.أنا آسف , لم أعرفكم بـنفسي; أنا مصري, اسمي جورج .أنا مصري, وأحب ان أكون مصري , وأحب ان أموت وأدفن في أرض مصر.أحب ان اخدم مصر, مصر بكل أهلها.دائما أرى إن أي وطن هو كجسد انسان, وكل مواطن هو خليه في هذا الجسد, كل مواطن له وظيفة معينة , وكل مجموعة بتكون عضو ضروري في الجسد, فكيف يعيش هذا الجسد بدون الكبد مثلا أو المعدة أو الرئة. سوف يموت الجسد لو فقد عضو واحد, أو على الأقل سيكون جسد ضعيف .حاولت أفهم كتير ليه فيه حاجة في مصر اسمها “ ده مسلم" و"ده مسيحي". حاولت أفهم ليه فيه صراع, ساعات خفي وساعات غير خفي....ايه المشكلة إن احنا نعيش كلنا في سلام ؟؟؟؟سألت الكثير,وسألت التاريخ, وسألت الأديانسألت عن ماذا يدفعنا دفع نحو حافة الهاوية؟؟!!رد الكثيرون, لا احنا بنحب بعض, ومفيش مشاكل بنا, احنا جيران, واصحاب, وحبايب كمان.رد التاريخ, حاربنا سويا, ساهمنا سويا في نهضة مصر اكثر من مرة.رد الأديان, نحن براءه من دعاوي الكره, نحن نحب الكل.....................................استعجبت كثيرا, وسألت إذن ماهو سبب المشكلة ؟؟؟؟!...................................فكرت كثيرا حتى وصلت إلى فكرة, فكرة من وضوحها لم اراها, بل وجدت إنها الحل الوحيد لما نعانيه..كلمة واحده فقط وهي" العدل".إن السبب الوحيد في مشاكل المصريين هو “غياب العدل",و "غياب القانون".وعندما يغيب القانون, يظهر الخوف, وعندما يكون المسيطر هو الخوف , يولد الحقد, ويولد الكره, ويولد أعداء وهميين.عندما يحكم الظلم, يجعل الكره هو المنفث الوحيد للناس. ويولد القهر قهر, ويسيطر القوي على الضعيف, وتظهر مشاكل المسلمين والمسيحيين .وتظهر مشاكل كثيرة, كما نعاني اليوم.يا مصريين, احنا شعب مسالم, بنحب السلام, وبنحب نعيش مبسوطين.احنا جسد واحد كلنا, ولكن هناك بعض الخلايا السرطانية وبعض الفيروسات الدخيلة.يجب أولا ان نطهر الجسد من السرطان ومن الفيروسات.يجب ان نتحد ضدهم.صدقوني لما نطهر الجسد, مشاكلنا هتزول.وعندي نداء لكل المصريين, اخوك المصري غلبان, ومش ناقص قهر وظلم.اخوك المصري عايزك تحط يدك في يده ,وتقولوا للظلم كفاية.أنا واحمد, ومهيب, ومي, ومريم, وكريستين, وبيتر, ومصطفى , مصريين وبنحب بعض,وبنشتغل في مصر, وبنشتغل من اجل مصر ومن اجل كل المصريين,وبنقول كفاية للظلم.شكرا






المصدر : مدونة أصوات