مين هو الأحمق ؟
هو اللي بيبقى داخل على إشارة حمراء وشايف العربيات كلها واقفه قدام منه، ومع ذلك تلاقيه بيتسابق مع عربية تانية ماشية جنب منه !
طيب مين هو الغبى ؟
هو اللي تلاقيه ماشي في اتجاه عكسي للطريق أياً كان، وكمان بيقلب نور للي جاي في وشه !
طيب مين هو البجح ؟
هو اللي يلاقيك بتعدي الشارع، يقوم بدل ما يدوس على الفرامل علشان يهدي من سرعته ويديك فرصه تعدي، تلاقيه راح دايس بنزين ويزود سرعته علشان يجبرك انك متعديش الشارع وإلا .. فحياتك أو سلامتك هتكون في خطر !
طيب مين هو السخيف ؟
هو اللي تلاقيه سايق العربية ومدي إشارة ناحية اليمين، وبعدين يروح داخل ناحية الشمال، أو العكس !
طيب مين هو البارد ؟
هو اللي تلاقيه كسر عليك الطريق مره واحده، أو قفل عليك السكه، وبعد كده تلاقيه بيطلع لك ذراعه ويشاورلك بإيده من شباك العربية بإشارة تحمل في معناها كلمة "لامؤاخذة" !
طيب مين هو قليل الذوق ؟
هم مجموعة الموتوسيكلات أو الفسبا اللي بتلاقيهم ماشيين قدام موكب زفة العريس والعروسه وعمالين يروحوا يمين وشمال ومعطلين الشارع ورا زفة العرسان !
طيب مين هو الأبله ؟
هو اللي يكون طالع من شارع جانبي على شارع رئيسي من غير ما يبص على العربيات اللي جاية عليه من الشارع الرئيسي !
طيب مين هو المستهتر ؟
هو اللي تلاقيه ماشي بسرعة عالية جداً، في شارع ضيق جداً !
طيب مين هو الفاشل ؟
هو اللي لما يلاقي الشارع زحمة، تلاقيه راح طالع على الجزيره أو الرصيف الفاصل لاتجاهين الطريق علشان يمشي في الاتجاه التاني ويغير خط سيره تماماً !
طيب مين هو الوضيع ؟
هو اللي يبقى موقف الشارع كله وراه أو يعطله علشان بيعاكس "موززه" ماشية في الشارع أو ع الرصيف !
طيب مين هو التافه ؟
هو اللي لما حد يخبط في عربيته وتكون عربيته سليمه ومفيهاش خدش، ينزل عشان يتخانق معاه، ويعطل الشارع والدنيا كلها وراه ويقعد يزعق ويجعجع شويتين، وبعدين يروح واخد عربيته وماشي !
طيب مين هو المتمرد ؟
هو اللي لما يكون في تقاطع ولازم إن مجموعة عربيات تستنى العربيات اللي جاية على التقاطع بسرعة، فهو بقى اللي بياخد المبادرة الأولى في انه يطلع بسرعه ويقفل السكة على العربيات اللي جاية علشان يكسر حاجز الانتظار، وبيفتح السكه للعربيات اللي وراه.
طيب مين هو المتوحش ؟
هو اللي لما يبقى معاه عربيه قديمة أو "كهنه"، وممكن لو اتصرفت معاه تصرف مش كويس ممكن يريح عليك بعربيته كنوع من الإرهاب، ولو كترت معاه ممكن ييجي قدامك ويفرمل جامد أو يكحت عربيتك أو يطبق لك حته في الصاج أو يكسر لك فانوس أو إشارة أو غيرها.
كل دول شركائك يا محترم في الطريق ... هاه،، جاهز للسواقة ؟
المصدر :انسان نادر
¨°o.O ( على كف القدر نمشي ولا ندري عن المكتوب ) O.o°¨
---
أتمنى لكم إقامة طيبة في الساحة العمانية
---
أتمنى لكم إقامة طيبة في الساحة العمانية
وأدعوكم للإستفادة بمقالات متقدمة في مجال التقنية والأمن الإلكتروني
رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
والكثير من أسرار التقنية في عالمي الثاني Eagle Eye Digital Solutions
رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
والكثير من أسرار التقنية في عالمي الثاني Eagle Eye Digital Solutions
: 
: 
: